Biblia Todo Logo
Bib sou entènèt

- Piblisite -




Efesus 3:9 - Perjanjian Baru Bahasa Melayu Maluku Utara

9 Tuhan Allah yang biking samua-samua yang ada, Dia itu yang kase tugas itu pa kita, supaya samua orang dapa lia jelas Tuhan Allah pe rencana yang so deng ratus-ratus taong Dia bolong kase tau itu so jadi.

Gade chapit la Kopi




Efesus 3:9
38 Referans Kwoze  

Kita pe maksut, firman yang orang tua dulu-dulu bolong mangarti, skarang Tuhan Allah so kase mangarti itu pa orang-orang yang so jadi Dia pe umat.


Dia bicara pake umpama itu, karna itu yang dulu Tuhan Allah so bilang pa Dia pe nabi dalam Kitab Suci bagini, “Kita mo bicara pake umpama. Kita mo kase tau hal-hal yang orang bolong perna tau dari dulu waktu Kita mulai biking dunia ini sampe skarang.”


Tuhan Allah yang so kase slamat pa torang dari dosa-dosa deng Dia pangge pa torang untuk jadi Dia pe umat sandiri la hidup deng hati bersi. Dia biking samua itu bukang karna torang ada biking yang bae, tapi karna Tuhan Allah pe mau deng karna Dia pe hati bae pa manusia. Memang, dari dulu waktu Tuhan Allah bolong biking dunia ini, Dia so sayang pa torang, jadi Tuhan Allah biking rencana Kristus Yesus datang di dunia.


Barang, ngoni so tara iko dunia pe mau lagi, jadi bole bilang, ngoni pe hidup yang lama so mati sama-sama deng Yesus Kristus. Skarang ngoni so percaya pa Dia jadi so satu hati deng Dia yang hidup sama-sama deng Tuhan Allah. Tapi orang-orang yang tara percaya pa Tuhan tara mampo mangarti ngoni pe hidup yang baru ini.


Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.


“Ya Tuhan Allah torang pe Tuhan. Cuma Tuhan saja yang pantas mo dapa puji deng hormat, deng Tuhan yang punya kuasa. Barang, Tuhan so cipta samua-samua yang ada, kong samua itu ada karna Tuhan suka itu ada, Tuhan yang biking samua itu.”


Kita ajar pa orang-orang yang percaya itu, supaya dorang bole baharap deng yakin, dorang bole dapa hidup deng Tuhan Allah slama-lamanya, sama deng Tuhan Allah so janji. Karna waktu Tuhan Allah bolong biking dunia ini, Dia so janji kamuka, Dia mo kase hidup slama-lamanya pa orang-orang yang percaya pa Dia. Dia pe janji itu pasti jadi, karna Tuhan Allah tara perna bafoya.


Ajaran yang Tuhan Allah kase pa torang itu butul, kong pe bagus skali, tarada yang bisa lawan! Biar dulu orang bolong tau ajaran itu, skarang Tuhan Allah so kase tau pa torang bagini: Yesus so datang jadi manusia. Roh Kudus yang kase tunju pa torang Dia itu Orang yang butul, deng malaekat-malaekat lia pa Dia. Dia pe Kabar so tasiar sampe di bangsa-bangsa laeng, kong orang-orang di dunia ini percaya pa Dia. Tuhan Allah so angka pa Dia di sorga deng cara yang luar biasa.


Kong samua orang yang tinggal di bumi mo semba pa binatang itu. Orang-orang yang semba itu, dorang yang pe nama tara tatulis di Anak Domba pe buku kehidupan waktu dunia ini bolong jadi. Buku kehidupan itu, Anak Domba yang so perna dapa bunu pe buku. Di buku itu, Tuhan Allah tulis orang-orang pe nama yang mo dapa hidup deng Tuhan Allah slama-lamanya.


Waktu dunia ini bolong ada, Tuhan Allah so pili pa Yesus Kristus. Kong di hari-hari yang so dekat deng kiamat ini, Dia so datang di dunia supaya ngoni samua bole slamat dari ngoni pe dosa-dosa.


Biar dorang kase tinggal pa kita, Tuhan Allah tetap sama-sama deng kita. Dia kase kuat pa kita supaya kita bole kase tau samua Kabar Bae tentang Yesus Kristus, deng supaya samua orang yang bukang Yahudi dengar. Dia kase slamat pa kita dari bahaya kematian, sama deng kita bebas dari singa pe mulu.


Sudara-sudara yang Tuhan Allah sayang! Torang salalu bilang tarimakasi pa Tuhan Allah untuk ngoni, karna waktu dunia ini bolong jadi, Dia so pili pa ngoni supaya ngoni dapa slamat. Dia kase slamat pa ngoni, barang ngoni percaya ajaran yang butul dari Tuhan Allah, deng karna Roh Kudus biking ngoni jadi Dia pe umat yang hidup deng hati bersi.


Yang penting, ngoni tetap percaya pa Yesus Kristus deng jang ragu. Percaya turus Kabar Bae tentang Yesus Kristus yang ngoni so dengar itu. Kabar Bae itu suda yang biking torang yakin, torang mo dapa apa yang Tuhan Allah so janji pa Dia pe umat. Kabar Bae itu so tasiar di seluru dunia, kong kita ini, Paulus yang Tuhan Allah so pili untuk kase tau Kabar Bae itu.


Barang, dulu waktu Tuhan Allah bolong biking dunia ini, Dia so pili pa torang untuk percaya pa Yesus Kristus supaya torang bole jadi Tuhan Allah pe umat yang pe hati bersi, deng tarada sala pa Dia pe muka.


Tapi rencana yang bijaksana itu dari Tuhan Allah. Rencana itu dulu orang bolong tau karna Tuhan Allah bolong buka rahasia itu. Dia pe rencana itu so ada dari dulu waktu Dia bolong cipta dunia ini. Dia biking rencana itu, supaya torang yang percaya pa Dia bole dapa puji deng hormat.


Samua itu Dia so kase tau dari dulu.”


Kita deng Kita pe Bapa itu satu.”


Yesus tau dorang mara pa Dia karna Dia bilang, Tuhan Allah itu Dia pe Bapa, jadi Yesus kase turus Dia pe bicara pa dorang bagini, “Inga bae-bae yang Kita mo bilang ini. Kita Anak Allah, Kita tara ada kuasa mo biking apa-apa iko Kita pe mau sandiri. Kita cuma biking apa yang Bapa biking, karna apa saja yang Bapa biking, itu lagi yang Kita biking.


Tapi Yesus jawab pa dorang, “Kita pe Bapa saja bakarja turus sampe hari ini, jadi Kita lagi musti bakarja turus sama deng Dia.”


Deng nanti Kita pe umat mo bawa Kabar Bae pake Kita pe nama pa samua suku bangsa di dunia supaya dorang bertobat dari dorang pe dosa kong Tuhan Allah mo kase ampun pa dorang. Kong dorang mo kase tau Kabar Bae itu pa orang-orang, mulai dari kota Yerusalem.


Waktu itu, Anak Manusia yang so jadi Raja itu mo bilang pa orang-orang yang ada pa Dia pe sabla kanan, ‘Datang kamari suda ngoni yang Kita pe Bapa berkati! Datang suda di tampa yang Kita Berkuasa sebagai Raja, Kita so kase sadia tampa untuk ngoni di situ dari pertama waktu dunia ini jadi.


Apa yang Kita bilang pa ngoni yang orang laeng tara dengar, ngoni musti kase tau deng turus tarang pa orang-orang. Kong apa yang Kita ada kase bisi pa ngoni, ngoni musti kase tau di orang-orang pe muka sama deng ngoni bicara dari atas ruma.


Binatang jahat yang ngana lia tadi itu, dulu so perna ada, tapi dia so tarada lagi. Nanti dia akan muncul dari jurang maut, tampa tahang setang-setang, turus dia mo mati slama-lamanya. Kong orang-orang yang tinggal di dunia akan herang waktu lia binatang itu. Dorang yang herang itu yang pe nama tara tatulis di buku kehidupan waktu Tuhan Allah bolong biking dunia ini. Dorang akan herang kalu dong lia, binatang itu dulu ada, skarang so tarada, tapi nanti akan datang ulang.


Abis itu, kita lia satu malaekat laeng lagi ada terbang di langit. Dia itu bawa pasáng dari Tuhan Allah yang tara beruba slama-lamanya. Dia mo kase tau pasáng itu pa orang-orang yang tinggal di bumi, pa orang-orang dari samua fam, samua suku, samua bahasa deng samua bangsa.


Sudara-sudara yang percaya yang bukang orang Yahudi, kita mo kase tau pa ngoni Tuhan Allah pe rencana yang bolong ada orang yang tau. Kita mo kase tau supaya jang ngoni baanggap diri pande. Ini Tuhan Allah pe rencana: biar skarang banya orang Yahudi tara mo percaya pa Yesus Kristus, tapi dorang tara akan bagitu turus. Dorang pe kapala batu itu cuma sampe di waktu samua orang bukang Yahudi yang Tuhan Allah so pili jadi percaya.


Pasti ngoni so dengar, Tuhan Allah pe bae pa kita sampe Dia so kase tugas pa kita untuk kase tau Kabar Bae tentang Yesus Kristus pa ngoni.


Ngoni kase berdoa lagi untuk kita. Ngoni minta la kita bicara deng barani pake kata-kata yang Tuhan Allah kase pa kita untuk kase tau pa orang-orang Kabar Bae tentang Yesus Kristus yang dulu manusia bolong tau, tapi skarang Tuhan Allah so kase tunju itu pa kita.


Kong ngoni berdoa lagi untuk torang supaya Tuhan Allah buka jalang la torang bole kase tau Kabar Bae tentang Yesus Kristus pa orang-orang. Kabar Bae itu Tuhan Allah pe rencana tentang Yesus Kristus yang dulu tara ada orang yang tau. Kong gara-gara kita kase tau tentang rencana itu sampe kita dapa maso di dalam penjara ini.


Swiv nou:

Piblisite


Piblisite