Efesus 3:2 - Perjanjian Baru Bahasa Melayu Maluku Utara

² Pasti ngoni so dengar, Tuhan Allah pe bae pa kita sampe Dia so kase tugas pa kita untuk kase tau Kabar Bae tentang Yesus Kristus pa ngoni.

Efesus 3:2 Referans Kwoze

1 Timotius 1:11

Ajaran yang butul itu, Kabar Bae dari Tuhan Allah. Tuhan Allah itu hebat kong pantas orang puji. Dia yang kase percaya pa kita la kase tau pa orang-orang Kabar Bae itu.

2 Timotius 1:11

Tuhan Allah pili pa kita jadi rasul, la kita kase tau Kabar Bae itu pa orang-orang, deng kita kase ajar pa dorang la percaya pa Tuhan Yesus.

Roma 1:5

Kong karna Yesus Kristus itu, Tuhan Allah kase Dia pe bae pa kita sampe Dia pili pa kita jadi rasul untuk kase tau Kabar Bae tentang Yesus Kristus pa samua suku bangsa, supaya samua orang bole percaya, deng bole iko Yesus Kristus pe mau.

Efesus 4:7

Tapi Yesus Kristus so kase pa torang yang percaya, kemampuan yang baku beda-beda untuk layani orang. Dia kase itu karna Dia pe bae yang cuma-cuma pa torang, kong kemampuan-kemampuan yang Dia kase pa torang itu iko Dia pe mau.

1 Korintus 4:1

Lebe bae ngoni anggap torang ini Yesus Kristus pe orang-orang karja yang dapa kase percaya dari Tuhan Allah untuk kase tau Dia pe rencana yang mo kase slamat pa manusia. Rencana itu yang dulu orang-orang bolong tau.

Efesus 1:10

Dia pe rencana itu bagini: kalu so sampe dia pe waktu yang Tuhan Allah so tentukan, Dia mo biking samua yang ada di sorga deng di bumi jadi satu, kong Yesus Kristus yang berkuasa pa samua itu.

Galatia 1:13

Tantu ngoni so dengar tentang kita pe hidup dulu waktu kita masi iko aturan agama Yahudi. Waktu itu, kita sandiri yang kase siksa Tuhan Allah pe jemaat deng kita berusaha karas la bisa kase abis pa dorang.

Kisah Para Rasul 22:21

Tapi Tuhan bilang pa kita, ‘Pigi suda, barang Kita mo utus pa ngana pigi jao dari sini untuk kase tau tentang Kita pa orang-orang yang bukang Yahudi la dorang percaya.’ ”

Kisah Para Rasul 13:46

Tapi Paulus deng Barnabas barani skali mangada pa orang-orang itu kong bilang, “Memang Tuhan Allah yang suru la torang kase tau kamuka Tuhan Allah pe firman pa orang-orang Yahudi. Tapi ngoni tara mau percaya, jadi deng bagitu, ngoni so nilai ngoni pe diri tara pantas mo dapa hidup deng Tuhan Allah slama-lamanya. Jadi, skarang torang mo pigi pa orang-orang yang bukang Yahudi supaya mo kase tau Tuhan Allah pe firman itu.

Kisah Para Rasul 13:2

Satu kali, waktu dorang berdoa pa Tuhan Allah deng bapuasa, Roh Kudus bicara pa dorang, “Kita so pili pa Barnabas deng Saulus untuk biking tugas yang Kita mo kase pa dorang. Jadi, kase dorang kusus pa Kita.”

Kisah Para Rasul 9:15

Tapi Tuhan bilang pa dia, “Ngana pigi suda! Barang, Kita so pili pa dia itu la mo kase tau Kabar Bae tentang Kita pa suku-suku bangsa yang bukang Yahudi, pa raja-raja, deng pa orang-orang Israel.

1 Timotius 2:7

Untuk kase tau pa orang-orang Kabar Bae itu, Tuhan Allah pili pa kita jadi Dia pe utusan yang orang sebut rasul. Dia suru pa kita pigi kase tau deng kase ajar pa orang-orang yang bukang Yahudi, supaya dorang percaya pa Yesus deng iko ajaran yang butul. Samua yang kita bilang ini butul, kita tara bafoya.

1 Timotius 1:4

Dorang me jang dengar carita dulu-dulu deng lagi carita tentang orang tua dulu-dulu pe asal usul yang tara abis-abis. Karna orang yang carita itu, dia pe ahir kabawa salalu baku mara. Apalagi itu tara bantu orang la percaya pa Tuhan Allah.

Kolose 1:6

Kong Kabar Bae yang datang pa ngoni itu so tasiar di seluru dunia, sampe banya orang so percaya pa Tuhan kong dong pe hidup beruba. Bagitu lagi yang jadi pa ngoni waktu ngoni mulai dengar Kabar Bae itu kong mangarti butul Tuhan Allah pe bae pa manusia.

Kolose 1:4

Barang, torang so dengar tentang ngoni pe percaya pa Kristus Yesus deng tentang ngoni pe sayang pa samua orang yang so jadi Tuhan Allah pe umat.

Efesus 4:21

Barang, ngoni so dengar deng so tarima ajaran yang butul, kong ajaran yang butul itu memang ada pa Tuhan Yesus.

Efesus 3:8

Dari samua yang so jadi Tuhan Allah pe umat, kita ini suda yang paling tarada arti apa-apa. Tapi biar bagitu, Tuhan Allah kase Dia pe bae pa kita untuk kita kase tau Kabar Bae tentang Yesus Kristus pa orang-orang bukang Yahudi. Kita kase tau pa dorang tentang sagala hal yang talebe-lebe, yang Dia so rencana mo kase pa orang yang percaya pa Dia.

Roma 12:3

Tuhan Allah kase Dia pe bae pa kita, sampe Dia so pili pa kita. Karna itu, kita kase nasehat pa ngoni bagini: jang ngoni pikir tinggi-tinggi tentang ngoni pe diri. Tapi lebe bae ngoni pikir yang pas tentang ngoni pe diri, iko ngoni pe percaya yang Tuhan Allah so kase pa ngoni satu-satu.

Roma 11:13

Skarang kita mo bilang pa ngoni, sudara-sudara yang bukang Yahudi: kita ini Yesus Kristus pe utusan yang orang sebut rasul. Dia utus pa kita untuk kase tau Kabar Bae tentang Yesus Kristus pa ngoni orang-orang yang bukang Yahudi. Kong kita hargai skali kita pe pelayanan ini,

Efesus 3:7

Tuhan Allah pe bae pa kita sampe Dia kase tugas pa kita untuk kase tau Kabar Bae tentang Yesus Kristus pa orang-orang. Dia pe bae pa kita itu bantu pa kita supaya kita bole biking tugas itu pake Tuhan Allah pe kuasa yang bakarja di kita pe hati.

Efesus 3:9

Tuhan Allah yang biking samua-samua yang ada, Dia itu yang kase tugas itu pa kita, supaya samua orang dapa lia jelas Tuhan Allah pe rencana yang so deng ratus-ratus taong Dia bolong kase tau itu so jadi.