Efesus 3:10 - Perjanjian Baru Bahasa Melayu Maluku Utara

¹⁰ Tuhan Allah pe maksut supaya samua yang bapimpin deng yang berkuasa di langit bole tau, Tuhan Allah itu tau samua hal deng tara perna abis akal untuk ator samua yang ada. Dorang bole tau itu karna dorang lia Dia biking orang Yahudi deng orang bukang Yahudi jadi satu karna skarang dorang so percaya pa Yesus Kristus.

Efesus 3:10 Referans Kwoze

1 Petrus 1:12

Yesus Kristus pe Roh itu me yang kase tau pa nabi-nabi itu kalu pasáng yang dorang jaga kase tau itu bukang untuk dorang pe diri sandiri saja, tapi untuk ngoni skarang ini. Yang dorang kase tau itu, Kabar Bae tentang Yesus Kristus. Skarang, ngoni so dengar dari orang-orang yang kase tau Kabar Bae itu pa ngoni. Dorang kase tau itu deng kuasa Roh Kudus yang dari sorga. Kong yang dorang kase tau itu, itu yang malaekat-malaekat me suka cari tau.

Efesus 6:12

Barang, torang pe musu itu bukang manusia tapi kuasa-kuasa jahat yang torang tara dapa lia. Torang lawan samua yang berkuasa di dunia yang galap ini, deng samua yang berkuasa di udara.

1 Korintus 2:7

Tapi rencana yang bijaksana itu dari Tuhan Allah. Rencana itu dulu orang bolong tau karna Tuhan Allah bolong buka rahasia itu. Dia pe rencana itu so ada dari dulu waktu Dia bolong cipta dunia ini. Dia biking rencana itu, supaya torang yang percaya pa Dia bole dapa puji deng hormat.

Roma 11:33

Bukang maeng, pe luar biasa skali Tuhan Allah! Dia tau samua hal, deng Dia tau ator samua. Tarada satu orang yang bisa mangarti Dia pe keputusan, deng tarada orang yang tau maksut dari apa yang Dia so biking.

Efesus 1:21

Kong kuasa yang so ada pa Yesus Kristus itu paling basar skali, lebe basar dari samua kuasa deng dari samua yang berkuasa di langit deng di bumi. Kong Dia pe kuasa itu lebe basar dari samua-samua yang ada, bukang cuma skarang ini saja, tapi sampe slama-lamanya.

Efesus 1:3

Mari suda torang puji pa Tuhan Allah, torang pe Tuhan Yesus Kristus pe Bapa! Dia so kase sagala berkat rohani dari sorga pa torang, karna torang so percaya pa Yesus Kristus.

1 Korintus 1:24

Tapi biar bagitu, ada orang Yahudi deng orang yang bukang Yahudi yang Tuhan Allah pangge jadi Dia pe umat. Kong untuk dorang samua, Kabar Bae tentang Yesus Kristus itu yang kase tunju Tuhan Allah pe kuasa, deng Tuhan Allah pe hikmat.

1 Petrus 3:22

Kong skarang, Yesus Kristus so nae ka atas di sorga, so dudu di tampa yang terhormat, pa Tuhan Allah pe sabla kanan. Kong samua malaekat, samua yang ada kuasa, deng samua yang ada pengaru, ada di bawa Yesus Kristus pe kuasa.

Kolose 1:16

Karna deng Yesus Kristus itu suda, Tuhan Allah cipta samua-samua, yang ada di sorga deng di bumi, samua yang orang bisa lia deng yang tara bisa lia, termasuk samua yang bapimpin deng yang berkuasa di udara. Dia cipta samua-samua itu sama-sama deng Yesus Kristus, supaya Yesus Kristus dapa puji.

1 Timotius 3:16

Ajaran yang Tuhan Allah kase pa torang itu butul, kong pe bagus skali, tarada yang bisa lawan! Biar dulu orang bolong tau ajaran itu, skarang Tuhan Allah so kase tau pa torang bagini: Yesus so datang jadi manusia. Roh Kudus yang kase tunju pa torang Dia itu Orang yang butul, deng malaekat-malaekat lia pa Dia. Dia pe Kabar so tasiar sampe di bangsa-bangsa laeng, kong orang-orang di dunia ini percaya pa Dia. Tuhan Allah so angka pa Dia di sorga deng cara yang luar biasa.

Efesus 1:8

Dia pe bae itu Dia kase talebe-lebe pa torang, kong Dia biking torang bijaksana deng biking torang mangarti banya hal tentang Dia pe rencana.

Roma 8:38

Kita yakin skali, tara ada satu yang bisa kase pisa pa torang dari Yesus Kristus pe sayang. Jadi biar torang masi hidup atau so mati, Tuhan tetap sayang pa torang. Malaekat-malaekat deng setang-setang me tarada kuasa untuk mo kase pisa pa torang dari Tuhan pe sayang. Apa saja yang mo jadi skarang atau nanti, Tuhan tetap sayang pa torang.

Efesus 1:23

Kong orang-orang percaya itu bole kase sama deng Dia pe badan. Dia itu sama deng torang pe kapala yang biking torang ini jadi lengkap. Jadi, Yesus Kristus itu suda yang kase apa yang Dia punya pa Dia pe jemaat. Kong Dia me yang berkuasa pa samua-samua yang ada di mana saja.

Kolose 2:10

Kong karna ngoni so satu hati deng Yesus Kristus, samua yang ngoni perlu, so ada pa Dia. Dia itu suda yang lebe berkuasa dari samua yang bapimpin deng dari samua kuasa yang ada di langit deng di bumi.

Kolose 2:15

Kong waktu Yesus Kristus mati di kayu salib itu, Dia so kase kala pa samua kuasa jahat yang berkuasa, supaya Tuhan Allah kase tunju pa samua orang, Dia itu yang menang.