Efesus 2:8 - Perjanjian Baru Bahasa Melayu Maluku Utara

⁸ Tuhan Allah kase slamat pa torang yang so percaya pa Yesus Kristus karna Dia pe bae pa torang. Dia kase slamat pa torang dari dosa-dosa bukang karna torang pe usaha biking barang yang bae, tapi Dia kase slamat itu deng cuma-cuma pa torang.

Efesus 2:8 Referans Kwoze

Efesus 2:5

Waktu torang masi jaga langgar Tuhan Allah pe parenta, itu bole mo kase sama deng torang so mati. Tapi biar bagitu, waktu Tuhan Allah kase hidup ulang pa Yesus Kristus, itu sama deng Dia so kase hidup ulang pa torang. Jadi, Dia kase slamat pa torang dari dosa-dosa cuma karna Dia pe bae pa torang.

Roma 4:16

Jadi torang mo dapa Tuhan Allah pe janji itu cuma karna torang percaya pa Dia saja. Tuhan Allah kase Dia pe janji itu karna Dia pe bae, supaya samua Abraham pe turunan bole dapa Tuhan Allah pe janji. Kong Tuhan Allah pe janji itu bukang cuma untuk orang Yahudi saja yang jaga iko aturan di lima kitab Musa, tapi pa samua orang yang percaya sama deng Abraham. Abraham itu torang samua yang percaya pe papa.

Roma 10:17

Jadi, orang musti dengar dulu kabar tentang Yesus Kristus, baru dorang mo percaya. Deng, dorang bisa dengar kabar tentang Yesus Kristus, kalu ada orang yang kase tau kabar itu pa dorang.

Kisah Para Rasul 16:31

Paulus deng Silas jawab, “Percaya suda pa Tuhan Yesus la ngana slamat, bagitu lagi deng samua orang yang ada di ngana pe ruma.”

Yohanes 6:37

Samua orang yang Kita pe Bapa kase percaya pa Kita, dorang itu mo datang pa Kita. Kong sapa saja yang datang pa Kita, Kita tara akan tolak pa dia.

Yohanes 5:24

Inga bae-bae yang Kita bilang ini. Sapa saja yang dengar apa yang Kita bilang deng percaya pa Tuhan Allah yang utus pa Kita, dia itu akan dapa hidup deng Tuhan Allah slama-lamanya. Dia so tara dapa hukuman tapisa deng Tuhan Allah tapi dia so talapas dari hukuman itu, kong so dapa hidup deng Tuhan Allah slama-lamanya.

Yohanes 4:10

Turus Yesus bilang pa dia, “Kalu ibu tau sapa sebenarnya yang minta minum pa ibu, deng pe bagus apa itu yang Tuhan Allah mo kase pa ibu, pasti ibu yang mo bale minta minum pa Kita kong Kita mo kase aer yang bisa biking manusia hidup.”

Lukas 7:50

Tapi Yesus bilang pa parampuang itu, “Ngana so slamat karna ngana percaya pa Kita. Jadi pulang suda deng hati tenang!”

Markus 16:16

Sapa yang percaya deng dapa baptis, dia akan slamat. Tapi sapa yang tara percaya pa Kita, dia tara slamat kong akan dapa hukum.

Yohanes 3:36

Jadi, sapa yang percaya pa Dia pe Anak itu, dia mo dapa hidup deng Tuhan Allah slama-lamanya, kong sapa yang tara iko Anak itu pe mau, dia tara mo dapa hidup deng Tuhan Allah slama-lamanya, tapi Tuhan Allah pe hukuman ada pa dia slama-lamanya.

Roma 4:5

Tapi torang tara bagitu. Torang jadi orang yang tara sala pa Tuhan Allah pe muka, bukang karna torang pe suar lala, tapi karna torang percaya pa Dia. Dia itu yang biking torang jadi orang yang tara sala pa Dia pe muka, bukang karna torang jaga biking barang yang butul, tapi karna torang pe percaya pa Dia. Dia itu yang bole biking orang yang malawang Dia pe parenta jadi orang yang tara sala pa Dia pe muka.

Efesus 2:10

Barang, Tuhan Allah yang biking torang jadi manusia yang pe hidup so tara sama deng dulu lagi karna torang so satu hati deng Kristus Yesus. Tuhan Allah kase torang hidup deng cara yang baru supaya torang bole biking barang yang bae, yang Dia so rencana dari dulu untuk torang.

Galatia 3:22

Karna di Kitab Suci ada tatulis bagini, “Samua orang di dunia ini so sala pa Tuhan Allah pe muka karna dorang pe dosa.” Jadi karna samua manusia pe dosa itu, Tuhan Allah biking Dia pe janji deng Abraham, supaya sapa yang percaya pa Yesus Kristus, dia itu mo dapa Tuhan Allah pe janji untuk hidup deng Tuhan Allah slama-lamanya, itu yang Tuhan Allah mo kase.

Kisah Para Rasul 13:39

Jadi sapa yang percaya pa Yesus, orang itu so jadi tara sala pa Tuhan Allah pe muka. Tapi kalu torang cuma iko aturan-aturan di lima kitab Musa, torang tara bisa jadi orang yang butul pa Tuhan Allah pe muka.

Galatia 3:14

Yesus Kristus serakan Dia pe diri mati bagitu, supaya orang-orang yang bukang Yahudi me bole dapa berkat untuk jadi orang yang tara sala pa Tuhan Allah pe muka, sama deng Tuhan Allah janji pa Abraham deng dia pe turunan Yahudi dulu. Jadi, kalu torang percaya pa Kristus Yesus, torang samua bole tarima Roh Kudus yang Tuhan Allah so janji dari dulu itu.

Yohanes 6:40

Barang, ini yang Kita pe Bapa mau: Dia mau supaya tiap orang yang lia pa Dia pe Anak kong percaya pa Anak itu, dorang itu mo dapa hidup deng Tuhan Allah slama-lamanya, deng nanti di hari kiamat, Kita mo kase hidup ulang pa dorang.”

Yohanes 6:35

Yesus bilang pa dorang, “Kita ini suda makanang yang biking orang bole mo dapa hidup deng Tuhan Allah slama-lamanya. Sapa saja yang datang pa Kita, dia itu tara akan lapar lagi, deng sapa saja yang percaya pa Kita, dia tara akan aus lagi.

Efesus 1:19

Kong kita minta lagi pa Tuhan Allah, supaya Dia biking ngoni mangarti pe hebat skali Dia pe kuasa yang bakarja pa torang yang percaya pe hati. Kuasa yang ada pa torang itu luar biasa skali,

Kisah Para Rasul 14:27

Pe sampe di kota Antiokhia itu, Paulus deng Barnabas pangge jemaat samua bakumpul. Kong dorang dua kase tau samua yang Tuhan Allah so biking waktu dorang kase tau Kabar Bae tentang Yesus di dorang pe perjalanan. Dorang me carita, bagimana Tuhan Allah buka jalang supaya orang-orang bukang Yahudi jadi percaya pa Yesus.

Yohanes 6:65

Turus Yesus bilang, “Karna ada dari ngoni yang tara percaya, itu Kita pe maksut waktu Kita so bilang pa ngoni, tara ada orang biar cuma satu lagi yang bole mo datang iko pa Kita, kalu Bapa tara biking sampe dia bisa datang.”

Kolose 2:12

Waktu ngoni dapa baptis, itu sama deng ngoni so mati kong dapa kubur sama-sama deng Yesus Kristus, itu berarti, ngoni so kase tinggal ngoni pe hidup yang cuma iko manusia pe mau. Kong deng ngoni dapa baptis itu suda, itu sama deng ngoni so hidup ulang sama-sama deng Yesus Kristus, jadi ngoni pe hidup me so beruba jadi baru, karna ngoni percaya pa Tuhan Allah yang Dia pe kuasa hebat, yang so kase hidup ulang pa Yesus Kristus.

Yohanes 6:44

Tara ada orang yang bole datang iko pa Kita, kalu Bapa yang utus pa Kita tara pimpin orang itu datang pa Kita. Kong Kita mo kase hidup ulang pa orang itu di hari kiamat.

1 Petrus 1:5

Ngoni ini, Tuhan Allah ada jaga deng Dia pe kuasa karna ngoni percaya pa Dia. Dia jaga pa ngoni sampe ngoni mo dapa slamat dari dosa-dosa. Slamat itu yang Dia so kase sadia di hari kiamat nanti.

Filipi 1:29

Jang ngoni tako, karna Tuhan Allah kase Dia pe bae pa ngoni bukang supaya ngoni percaya pa Yesus Kristus saja, tapi Dia me ator supaya ngoni dapa siksa dari orang yang tara percaya, kong deng bagitu, Yesus Kristus dapa puji.

Roma 10:14

Tapi bagimana mungkin dorang bole minta tolong pa Tuhan Allah kalu dorang sandiri bolong percaya pa Dia, to? Deng dorang tara bisa percaya kalu dorang bolong dengar kabar tentang Dia, to? Dorang lagi tara bisa dengar kabar tentang Dia kalu tarada orang yang pi kase tau kabar pa dorang, to?

Matius 16:17

Kong Yesus bilang pa Simon, “Simon, Yunus pe ana! Ngana paling sanang suda, barang yang ngana bilang itu bukang manusia yang kase tau, tapi Kita pe Bapa di sorga yang kase tau.

Kisah Para Rasul 16:14

Di antara dorang itu, ada parampuang satu dia pe nama Lidia. Dia dari kota Tiatira, dia jaga bajual kaeng mahal warna ungu. Lidia ini bukang orang Yahudi tapi dia jaga baibada pa Tuhan Allah. Kong waktu Paulus carita tentang Tuhan Yesus, Tuhan Allah buka Lidia pe hati sampe dia jadi percaya apa yang Paulus bilang itu.

2 Tesalonika 1:9

Dorang mo dapa hukuman yang biking dorang rasa siksa sampe slama-lamanya. Dorang mo dapa user dari Tuhan pe muka, jadi dorang so tara mo lia lagi Dia pe kuasa yang luar biasa.

Kisah Para Rasul 15:11

Jadi ngoni tara bole biking bagitu. Mala, torang orang Yahudi tau, torang dapa slamat dari dosa-dosa, cuma karna Tuhan Yesus pe bae yang cuma-cuma pa torang, sama deng Dia pe bae pa dorang orang-orang bukang Yahudi lagi.”

Roma 9:16

Jadi, kalu Tuhan Allah pili orang, Dia tara iko manusia pe mau, atau manusia pe usaha biking barang yang bae, tapi iko Tuhan Allah pe mau supaya Dia bole kase tunju Dia pe rasa sayang pa orang-orang.

Ibrani 6:4

Orang-orang yang so kase tinggal dorang pe percaya pa Yesus Kristus, so tara mungkin lagi bisa bawa pa dorang untuk bertobat. Barang, dulu dorang hidup di dalam tarang, deng dong so rasa banya Yesus Kristus pe bae yang Dia kase dari sorga, deng dorang lagi so tarima Roh Kudus di dong pe hati.

Matius 20:9

Di situ, orang-orang karja yang karja paling ka balakang ambe dorang pe gaji kamuka, masing-masing dorang tarima satu perak.