Efesus 2:7 - Perjanjian Baru Bahasa Melayu Maluku Utara

⁷ Tuhan Allah biking bagitu, supaya mulai dari sini ka sana orang-orang bole dapa tau Tuhan Allah pe bae deng pe sayang yang talebe-lebe, yang Dia kase pa torang karna torang so satu hati deng Kristus Yesus.

Efesus 2:7 Referans Kwoze

Titus 3:4

Biar torang so jahat bagitu, tapi Tuhan Allah sayang pa torang kong kase tunju Dia pe bae pa torang sampe torang bole dapa slamat dari torang pe dosa-dosa.

2 Tesalonika 1:12

Torang berdoa bagitu supaya kalu ngoni pe cara hidup macam bagitu, orang-orang akan puji deng hormat pa torang pe Tuhan, Yesus Kristus. Deng ngoni me mo dapa puji karna ngoni percaya pa Dia. Samua itu jadi, bukang karna torang pe bae, tapi karna torang pe Tuhan Allah deng Tuhan Yesus Kristus pe bae.

Efesus 2:4

Tapi Tuhan Allah pe rasa kasiang pa torang itu basar skali. Karna itu, Dia sayang skali pa torang.

Efesus 3:5

Dulu, Tuhan Allah bolong kase tau Dia pe rencana itu pa orang-orang, tapi skarang Dia pe Roh so pili pa kita supaya kase tau Dia pe rencana itu pa orang-orang yang Dia so pili. Dorang itu, Yesus Kristus pe utusan-utusan yang orang sebut rasul-rasul, deng pa nabi-nabi yang jaga kase turus Tuhan Allah pe pasáng.

Efesus 3:21

Jadi, torang yang so jadi Dia pe jemaat, torang yang so satu hati deng Kristus Yesus, mari suda torang puji deng hormat pa Dia sampe slama-lamanya. Amin.

1 Petrus 1:12

Yesus Kristus pe Roh itu me yang kase tau pa nabi-nabi itu kalu pasáng yang dorang jaga kase tau itu bukang untuk dorang pe diri sandiri saja, tapi untuk ngoni skarang ini. Yang dorang kase tau itu, Kabar Bae tentang Yesus Kristus. Skarang, ngoni so dengar dari orang-orang yang kase tau Kabar Bae itu pa ngoni. Dorang kase tau itu deng kuasa Roh Kudus yang dari sorga. Kong yang dorang kase tau itu, itu yang malaekat-malaekat me suka cari tau.

Roma 2:4

Ngoni so tau Tuhan Allah pe hati itu bae skali, Dia itu sabar deng Dia pe sayang itu tara abis-abis. Tapi jang ngoni pandang enteng kong bilang kata, ngoni so butul jadi tara usa suda ngoni bertobat. Pasti ngoni so tau, Tuhan Allah pe sabar deng pe bae pa ngoni itu ada dia pe maksut, Dia mau supaya ngoni bertobat.

Efesus 1:7

Barang, deng Yesus Kristus mati kong Dia pe dara tatumpa untuk tebus pa torang, torang bole dapa ampun dari torang pe dosa-dosa. Samua itu torang dapa, karna Tuhan Allah pe bae yang basar skali pa torang.