Efesus 2:3 - Perjanjian Baru Bahasa Melayu Maluku Utara

³ Dulu torang samua itu sama deng dorang lagi, torang hidup cuma iko manusia pe mau yang suka biking dosa, deng torang cuma iko torang pe keinginan deng pikiran yang tara bae. Sebenarnya torang pantas dapa hukum dari Tuhan Allah, karna yang torang biking itu jahat, sama deng samua orang di dunia jaga biking.

Efesus 2:3 Referans Kwoze

Titus 3:3

Barang, dulu waktu torang bolong percaya pa Yesus, torang tara mangarti apa-apa. Jadi torang malawang pa Tuhan, torang me tapengaru deng hal-hal yang jahat. Napsu deng keinginan yang tara bae so kuasai di torang pe hati kong torang hidup baku mangiri deng orang laeng. Torang jahat pa orang deng torang salalu baku binci.

1 Petrus 1:14

Ngoni ini Tuhan Allah pe ana-ana, jadi ngoni dengar-dengaran suda pa Dia, deng jang ngoni iko keinginan yang tara bae yang kuasai ngoni pe hidup dulu waktu ngoni bolong percaya pa Tuhan.

Efesus 4:22

Jadi, buang suda ngoni pe kalakuang tara bae yang ngoni biking waktu ngoni bolong percaya pa Yesus Kristus, karna ngoni pe keinginan yang tara bae itu yang biking ngoni dapa tipu sampe ngoni pe hidup jadi rusak.

Roma 13:14

Tapi lebe bae tiap hari torang iko cara hidup yang Yesus Kristus torang pe Tuhan so kase conto. Deng jang sama skali torang iko manusia pe mau yang suka biking dosa untuk kase puas torang pe keinginan.

Roma 6:12

Karna itu, jang ngoni kase biar dosa kuasai pa ngoni pe hidup di dunia ini lagi, supaya ngoni tara iko keinginan yang jahat.

1 Yohanes 2:16

Karna samua yang jahat yang ada di dunia ini, pe asal bukang dari Tuhan Allah, torang pe Bapa, tapi dari manusia. Yang jahat di dunia itu bagini: hidup iko manusia pe mau yang suka biking dosa, ingin apa saja yang dapa lia deng mata, deng basombong deng apa yang ada pa dia.

Efesus 2:2

Waktu itu, ngoni hidup masi suka biking dosa sama deng orang yang bolong kanal pa Tuhan Allah, baru ngoni lagi iko Iblis pe mau. Iblis itu setang-setang pe raja yang berkuasa di udara, deng dia itu suda yang skarang ini ada pengaru pa orang-orang yang tara dengar-dengaran pa Tuhan Allah.

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

2 Korintus 7:1

Sudara-sudara yang kita sayang, karna torang so tarima Tuhan Allah pe janji-janji itu, mari suda torang kase bersi torang pe diri dari samua yang biking torang berdosa, bae itu yang ada pa tong pe hati, pikiran deng yang torang biking. Kong deng torang biking bagitu, torang yang so bersi dari dosa pa Tuhan Allah pe muka tamba hari jadi lebe tamba sempurna deng tako pa Tuhan Allah.

1 Korintus 4:7

Barang, kalu ngoni nilai pemimpin bagitu, itu sama deng ngoni anggap ngoni pe diri lebe penting dari orang laeng. Samua yang ngoni punya, itu dari Tuhan. Jadi bikiapa kong ngoni basombong, sama deng ngoni anggap apa yang ngoni tarima itu dari ngoni pe kemampuan sandiri, bukang dari Tuhan?

Roma 7:18

Barang kita tau, di kita pe hati, tarada apa-apa yang bae, karna kita cuma manusia yang jaga biking dosa. Kita memang suka biking barang yang bae, tapi kita tara mampo biking itu.

Markus 4:19

tapi dorang pe hati tara tenang tentang dong pe hidup, deng dorang cuma cari harta deng keinginan-keinginan yang laeng. Jadi firman yang dorang dengar itu dorang tara biking, sampe firman itu tara bawa hasil apa-apa.

Roma 11:30

Dulu, ngoni orang-orang yang bukang Yahudi tara iko pa Tuhan Allah. Tapi skarang karna orang Yahudi tara dengar-dengaran pa Dia, Dia so kasiang pa ngoni sampe Dia kase bebas pa ngoni dari dosa-dosa.

Roma 9:22

Bagitu lagi deng Tuhan Allah. Dia pe hak biking pa torang iko Dia pe mau. Biar Dia mara pa dorang yang jaga biking dosa deng Dia ingin kase tunju Dia pe kuasa untuk hukum pa dorang, tapi Dia sabar deng dorang sampe Dia tara hukum pa dorang yang pantas mo tapisa deng Tuhan Allah slama-lamanya.

Yohanes 1:13

Dorang jadi Tuhan Allah pe ana-ana bukang karna dorang lahir dari dorang pe papa deng mama, bukang lagi karna hubungan laki bini, kong bukang lagi karna manusia pe rencana yang ingin dapa ana, tapi dorang jadi Tuhan Allah pe ana-ana karna Tuhan Allah sandiri yang biking dorang jadi Dia pe ana-ana.

2 Petrus 2:18

Barang, dorang kalu bicara, makang puji skali, padahal yang dong bicara itu tara ada guna. Dorang buju orang-orang yang baru percaya pa Tuhan supaya dorang biking barang yang tara bae iko manusia pe napsu saja. Padahal orang-orang yang dapa buju itu bolong lama talapas dari dong pe percaya yang sala.

2 Petrus 2:14

Dorang pe mata kalu lia parampuang, haga deng napsu. Dorang tara perna puas biking dosa. Dorang jaga goda pa orang-orang yang pe percaya bolong kuat pa Tuhan, supaya iko pa dorang untuk biking yang jahat. Dorang itu tara perna puas deng dong pe barang yang so ada, kong dong me mo ambe orang punya. Dorang itu Tuhan Allah pasti mo hukum!

1 Timotius 6:9

Tapi orang-orang yang suka jadi kaya, dorang itu yang gampang tagoda biking barang yang jahat. Dorang pe keinginan yang bodo itu talalu tinggi. Dorang pe keinginan itu yang biking dorang cilaka. Itu sama deng binatang yang cari makanang tapi so takanal dodeso kamuka.

Galatia 3:22

Karna di Kitab Suci ada tatulis bagini, “Samua orang di dunia ini so sala pa Tuhan Allah pe muka karna dorang pe dosa.” Jadi karna samua manusia pe dosa itu, Tuhan Allah biking Dia pe janji deng Abraham, supaya sapa yang percaya pa Yesus Kristus, dia itu mo dapa Tuhan Allah pe janji untuk hidup deng Tuhan Allah slama-lamanya, itu yang Tuhan Allah mo kase.

Roma 1:24

Karna dorang tara mau semba pa Tuhan Allah, Dia kase biar dorang iko dong pe mau sandiri, turus dorang iko dong pe napsu sampe biking hal-hal kotor deng dorang pe badan yang sebenarnya biking malu dong pe diri sandiri deng orang laeng.

1 Yohanes 2:8

Tapi biar so lama, parenta yang kita tulis ini me tetap baru, karna parenta itu ngoni so lia Yesus jaga biking, deng ngoni me jaga biking. Itu sama deng galap so mulai ilang, kong tarang yang butul so bacahaya.

Kisah Para Rasul 14:16

Dulu, Tuhan Allah kase biar samua suku bangsa hidup iko dong pe mau sandiri. Dia tara biking apa-apa pa dorang.

Roma 2:14

Orang-orang yang bukang Yahudi tara tau aturan di lima kitab Musa. Tapi kalu dorang sandiri iko apa yang butul sama deng yang so tatulis di lima kitab Musa, itu pe arti, Tuhan Allah pe aturan ada di dalam dorang pe hati.

Roma 5:9

Apalagi skarang ini, Tuhan Allah so biking torang jadi orang yang tara sala pa Dia pe muka karna Yesus Kristus pe dara yang tatumpa di kayu salib, kong deng bagitu, torang yakin torang pasti slamat dari Tuhan Allah pe hukuman.

Roma 5:10

Karna dulu, waktu torang masi pangmalawang pa Tuhan Allah, Tuhan Allah sandiri yang kase bae-bae ulang torang pe hubungan deng Dia, deng cara Dia kase Dia pe Anak supaya mati untuk torang. Kong karna torang deng Dia pe hubungan so bae-bae ulang skarang, torang tau, torang pasti akan dapa slamat dari dosa-dosa karna Dia pe Anak so hidup ulang.

Kolose 1:21

Dulu, waktu ngoni bolong percaya pa Tuhan Yesus, ngoni hidup jao dari Tuhan Allah. Waktu itu ngoni pe pikiran deng kalakuang jahat sampe ngoni biking Tuhan Allah jadi ngoni pe musu.

1 Tesalonika 4:13

Sudara-sudara, kalu ada orang yang mati, torang tara mau ngoni sedi skali sama deng orang-orang yang tara ada harapan. Jadi torang mo kase tau pa ngoni apa sebenarnya yang jadi pa orang-orang yang so mati.

1 Tesalonika 5:6

Jadi torang musti bajaga-jaga deng kuasai torang pe diri. Jang sama deng orang laeng yang cuma tidor turus.