Efesus 2:10 - Perjanjian Baru Bahasa Melayu Maluku Utara

¹⁰ Barang, Tuhan Allah yang biking torang jadi manusia yang pe hidup so tara sama deng dulu lagi karna torang so satu hati deng Kristus Yesus. Tuhan Allah kase torang hidup deng cara yang baru supaya torang bole biking barang yang bae, yang Dia so rencana dari dulu untuk torang.

Efesus 2:10 Referans Kwoze

Filipi 2:13

Barang, Tuhan Allah sandiri yang bakarja di ngoni pe hati, supaya ngoni mau deng mampo iko apa yang Dia ingin ngoni biking.

Kolose 1:10

Barang, kalu ngoni so tau Tuhan Allah pe mau, ngoni akan hidup deng kalakuang yang pantas dapa sebut orang yang percaya pa Tuhan, kong ngoni akan biking Dia pe hati sanang. Ngoni me akan biking hal-hal yang bae turus-turus, deng ngoni me akan lebe tamba kanal pa Tuhan Allah.

Ibrani 13:21

supaya Dia kase pa ngoni samua yang ngoni perlu la ngoni bisa biking Dia pe mau, deng supaya Yesus Kristus bakarja di torang pe hati la biking torang mampo biking Tuhan Allah pe hati sanang. Puji deng hormat suda pa Dia sampe slama-lamanya! Amin.

2 Korintus 5:17

Karna itu, sapa saja yang so percaya pa Yesus Kristus, dia itu so jadi manusia baru. Dia pe sifat dulu-dulu yang tara bae itu so ilang. Samua so jadi baru.

2 Korintus 9:8

Kong karna Tuhan Allah pe bae yang talebe-lebe, Dia mampo kase lengkap ngoni pe perlu. Deng bagitu, dalam hal apa saja ngoni tara kurang apa-apa, deng ngoni akan mampo biking banya hal yang bae untuk bantu pa orang laeng.

Efesus 4:24

supaya ngoni pe hidup beruba jadi baru, karna memang Tuhan Allah so cipta pa ngoni untuk iko Dia pe sifat. Deng bagitu, ngoni jadi orang yang bole biking barang yang butul deng hidup deng hati yang bersi.

Filipi 1:6

Kong kita yakin, Tuhan Allah yang so mulai bakarja di ngoni pe hati, Dia itu suda yang akan turus bakarja biking yang bae pa ngoni sampe di hari Kristus Yesus datang ulang yang kedua kali.

2 Timotius 3:17

Deng bagitu, Kitab Suci biking torang yang jadi Tuhan Allah pe umat, mampo biking samua yang bae.

Efesus 4:1

Sudara-sudara, karna Tuhan so kase Dia pe bae yang basar itu pa torang, jadi ini nasehat dari kita yang skarang ada di penjara gara-gara kita jaga biking apa yang Tuhan suru. Tuhan so pangge pa ngoni la iko pa Dia, jadi kita bilang pa ngoni supaya ngoni hidup butul sama deng yang pantas untuk orang yang so iko pa Dia.

2 Timotius 2:21

Bagitu lagi deng anggota jemaat. Kalu ada yang berenti biking jahat, Tuhan mo pake orang itu untuk biking Dia pe tugas-tugas yang kusus. Tuhan biking orang itu jadi Dia pe umat sandiri, kong Tuhan sanang pake pa orang yang bagitu, karna orang itu so siap mo biking samua karja yang butul.

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

Efesus 1:4

Barang, dulu waktu Tuhan Allah bolong biking dunia ini, Dia so pili pa torang untuk percaya pa Yesus Kristus supaya torang bole jadi Tuhan Allah pe umat yang pe hati bersi, deng tarada sala pa Dia pe muka.

1 Timotius 6:18

Kase inga pa orang-orang kaya itu supaya dorang biking banya barang yang bae. Dorang musti suka kase pa orang-orang apa yang dorang perlu, deng apa yang ada pa dorang musti kase bage-bage pa orang-orang deng sanang hati.

Titus 3:14

Torang pe orang-orang yang percaya musti rajin biking yang bae supaya bole tolong orang laeng pe keperluan hari-hari. Deng bagitu, dong pe hidup ada dia pe guna.

Ibrani 10:24

Deng mari suda torang baku perhatikan, deng baku kase smangat, supaya torang samua lebe tamba sayang pa orang-orang, deng lebe tamba biking hal-hal yang bae.

Titus 3:8

Samua yang kita so kase ajar ini butul, kong itu bagus deng ada guna untuk samua orang. Kita mau ngana bilang deng tegas ajaran ini pa samua orang yang percaya pa Tuhan Allah, supaya dorang berusaha butul-butul biking barang yang bae.

Kolose 3:10

Kong skarang ngoni yang so jadi percaya, ngoni pe hidup so beruba jadi baru, kong lebe hari Tuhan Allah lebe tamba ruba turus-turus ngoni pe sifat la jadi sama deng Dia pe sifat. Dia biking bagitu la ngoni bisa lebe tamba kanal pa Dia.

Titus 2:7

Kong Titus, ngana lagi pe kalakuang musti bagus, supaya ngana bole jadi conto pa dorang. Kalu ngana mangajar, musti deng hati yang bersi deng sunggu-sunggu.

1 Korintus 3:9

Torang dua ini me sama-sama karja untuk Tuhan Allah. Kong ngoni itu sama deng Tuhan Allah pe kobong, tampa yang tong dua bakarja. Deng ngoni lagi bole kase sama deng Tuhan Allah pe ruma.

1 Petrus 2:12

Ngoni pe kalakuang musti bagus di orang-orang yang tara kanal pa Tuhan Allah pe muka, supaya kalu dong bicara tara bae tentang ngoni kong bilang kata, ngoni jaga biking barang yang jahat, dorang tau itu tara butul karna dorang akan dapa lia ngoni pe kalakuang-kalakuang yang bagus. Jadi, waktu hari kiamat kong Tuhan Allah datang ulang, dorang akan puji deng hormat pa Tuhan Allah.

Titus 3:1

Titus, ngana musti kase inga pa orang-orang percaya supaya dorang salalu dengar-dengaran pa pemerinta deng pa sapa saja yang berkuasa. Kong dorang me musti salalu siap biking apa saja yang bae.

1 Yohanes 2:6

Jadi sapa saja yang bilang dia hidup satu hati deng Tuhan Allah, dia musti hidup sama deng Yesus Kristus pe cara hidup.

Matius 5:16

Bagitu lagi deng ngoni. Ngoni musti biking hal-hal yang bae supaya orang-orang dapa lia apa yang ngoni biking itu kong puji deng hormat pa Tuhan Allah, ngoni pe Bapa yang ada di sorga.”

Yohanes 3:21

Tapi sapa saja yang biking barang yang butul, dia akan datang pa tarang itu, supaya orang bisa lia deng jelas Tuhan Allah yang bantu pa dia sampe dia pe kalakuang iko Tuhan Allah pe mau.”

2 Tesalonika 2:17

Jadi, torang berdoa supaya Tuhan kase hibur deng kase kuat ngoni samua pe hati supaya ngoni salalu bisa biking yang bae deng bicara yang bae.

Roma 8:29

Karna dari dulu, Tuhan Allah so pili pa sapa saja yang Tuhan Allah tau dorang itu nanti mo percaya pa Dia. Tuhan Allah so pili pa dorang itu supaya dorang pe sifat bole sama deng Yesus Kristus, Tuhan Allah pe Anak. Jadi, dorang itu so sama deng Yesus Kristus pe sudara, kong Tuhan Allah biking Yesus Kristus jadi Anak yang tua dari samua sudara yang percaya.

Kisah Para Rasul 9:31

Abis itu, jemaat-jemaat di daera Yudea, daera Galilea deng daera Samaria hidup baku bawa bae-bae. Dorang pe percaya jadi kuat, kong dorang hidup deng rasa hormat pa Tuhan Allah. Roh Kudus kase smangat pa dorang, kong dorang lebe tatamba banya.

2 Korintus 5:5

Tuhan Allah sandiri yang so kase siap tong pe badan yang baru itu untuk hidup di sorga. Kong Dia lagi yang so kase Roh Kudus pa torang di dunia ini, supaya jadi tanda, pasti torang mo dapa badan yang baru itu.

1 Timotius 5:25

Bagitu lagi deng orang yang biking yang bae. Yang laeng dia pe bae kantara skali, tapi yang laeng dia pe bae bolong kantara. Nanti satu waktu baru orang-orang mo dapa tau.

1 Timotius 2:10

Tapi lebe bae parampuang itu biking bagus dong pe diri deng cara jaga biking apa yang bae. Cara itu yang pantas untuk parampuang yang mangaku percaya pa Tuhan.

1 Timotius 5:10

deng orang-orang musti tau dia itu orang bae-bae. Dia urus dia pe ana-ana bae-bae, suka tarima orang laeng di dia pe ruma, jaga layani pa orang-orang yang percaya pa Tuhan, deng jaga bantu pa orang-orang susa. Jadi dia itu salalu biking bae pa samua orang.

1 Yohanes 1:7

Tapi kalu torang hidup di tarang, sama deng Tuhan Allah ada di tarang, pasti torang so hidup satu hati satu deng yang laeng. Dia kase bersi pa torang dari torang pe dosa samua, karna Yesus, Dia pe Anak so mati di kayu salib.

Kisah Para Rasul 9:36

Di kota Yope, ada orang percaya satu yang pe nama Tabita. Dalam bahasa Yunani dia pe nama Dorkas. Tabita itu orang yang percaya pa Yesus. Dia jaga biking hal-hal bae deng jaga tolong pa orang-orang yang susa.

Galatia 6:15

Barang, dapa sunat atau tara dapa sunat, bukang itu yang penting. Tapi yang penting itu, Tuhan biking torang jadi orang yang hidup deng cara baru.

Roma 8:1

Jadi, skarang Tuhan Allah so tara hukum lagi pa torang karna torang so satu hati deng Kristus Yesus.

Efesus 2:2

Waktu itu, ngoni hidup masi suka biking dosa sama deng orang yang bolong kanal pa Tuhan Allah, baru ngoni lagi iko Iblis pe mau. Iblis itu setang-setang pe raja yang berkuasa di udara, deng dia itu suda yang skarang ini ada pengaru pa orang-orang yang tara dengar-dengaran pa Tuhan Allah.

Efesus 1:1

Sudara-sudara yang so jadi Tuhan Allah pe umat di kota Efesus, ngoni yang so percaya pa Kristus Yesus. Salam dari kita Paulus. Kita ini Kristus Yesus pe utusan yang orang sebut rasul, kong kita jadi rasul karna Tuhan Allah pe mau.

Efesus 2:6

Barang, sama deng Kristus Yesus mati kong Tuhan Allah kase hidup ulang pa Dia, itu lagi yang jadi deng torang yang so satu hati deng Kristus Yesus. Tuhan Allah so kase torang hidup deng cara yang baru kong Dia kase pa torang tampa untuk berkuasa sama-sama deng Kristus Yesus di sorga.

Efesus 2:13

Tapi skarang, karna ngoni so satu hati deng Kristus Yesus, ngoni so tara sama deng dulu waktu ngoni pe hidup masi jao dari Tuhan Allah. Skarang Tuhan Allah so biking ngoni jadi dekat deng Dia karna Yesus Kristus pe dara so tatumpa di kayu salib.

Efesus 2:15

Skarang, karna deng Yesus Kristus mati di kayu salib, Dia biking supaya torang yang percaya pa Dia tara perlu lagi iko aturan-aturan di lima kitab Musa untuk dapa slamat dari dosa-dosa. Kong karna itu, torang orang Yahudi yang jaga iko aturan itu, deng ngoni orang yang bukang Yahudi yang tara iko aturan itu, bole jadi satu kelompok yang baru karna torang samua so satu hati deng Yesus Kristus, kong Dia biking torang bole hidup baku bawa bae-bae.