Efesus 1:8 - Perjanjian Baru Bahasa Melayu Maluku Utara

⁸ Dia pe bae itu Dia kase talebe-lebe pa torang, kong Dia biking torang bijaksana deng biking torang mangarti banya hal tentang Dia pe rencana.

Efesus 1:8 Referans Kwoze

Wahyu 5:12

Dorang manyanyi kuat-kuat bagini, “Dia ini Anak Domba yang so perna dapa bunu. Dia yang pantas tarima kuasa, kekayaan, deng pikiran bae untuk ator samua. Dia me pantas tarima kekuatan, puji deng hormat, deng Dia lagi luar biasa.”

Kolose 2:3

Barang, cuma deng percaya pa Yesus Kristus saja, torang bole dapa dua hal yang penting ini: torang bole tau banya hal, deng torang bole tau mana yang bae yang torang musti biking.

Efesus 3:10

Tuhan Allah pe maksut supaya samua yang bapimpin deng yang berkuasa di langit bole tau, Tuhan Allah itu tau samua hal deng tara perna abis akal untuk ator samua yang ada. Dorang bole tau itu karna dorang lia Dia biking orang Yahudi deng orang bukang Yahudi jadi satu karna skarang dorang so percaya pa Yesus Kristus.

Roma 5:15

Tapi hasil dari apa yang Yesus Kristus biking deng apa yang Adam biking itu baku beda skali. Kalu Adam, dia langgar Tuhan Allah pe parenta, kong dia pe akibat samua orang mati. Tapi yang Yesus Kristus biking itu, jao lebe basar lagi. Karna Yesus, Tuhan Allah kase Dia pe bae yang cuma-cuma. Deng karna Tuhan Allah pe bae yang cuma-cuma itu, samua orang bole dapa slamat dari dosa-dosa.

Yudas 1:25

Jadi puji deng hormat suda pa Tuhan Allah, Dia itu cuma satu. Dia yang kase slamat pa torang dari torang pe dosa karna Yesus Kristus torang pe Tuhan. Tuhan Allah pe kuasa paling basar, tara ada yang bisa lawan, deng Dia yang berkuasa untuk ator samua-samua yang ada di dunia ini. Dia tetap bagitu, mulai dari dunia ini bolong ada, skarang deng sampe slama-lamanya. Amin.

Efesus 1:11

Tuhan Allah ator samua yang ada itu, iko Dia pe mau yang Dia so tentukan. Dari dulu, Dia so pili pa torang supaya torang bole tarima apa yang Dia so janji mo kase pa torang karna torang percaya pa Yesus Kristus.

1 Korintus 2:7

Tapi rencana yang bijaksana itu dari Tuhan Allah. Rencana itu dulu orang bolong tau karna Tuhan Allah bolong buka rahasia itu. Dia pe rencana itu so ada dari dulu waktu Dia bolong cipta dunia ini. Dia biking rencana itu, supaya torang yang percaya pa Dia bole dapa puji deng hormat.

Roma 11:33

Bukang maeng, pe luar biasa skali Tuhan Allah! Dia tau samua hal, deng Dia tau ator samua. Tarada satu orang yang bisa mangarti Dia pe keputusan, deng tarada orang yang tau maksut dari apa yang Dia so biking.

Matius 11:19

Kong skarang, Kita Anak Manusia so datang. Kita tara bapuasa deng Kita me jaga minum anggur. Kong orang-orang bilang kata, ‘Coba lia! Orang ini golojo deng pangbaminum. Dia me jaga batamang deng tukang tagi pajak deng orang-orang berdosa laeng.’ Tapi biar ngoni tara tarima pa Kita deng Yohanes, Tuhan Allah pe hikmat akan ngoni lia waktu orang-orang yang iko Tuhan pe ajaran kase tunju kalakuang yang bae.”

Efesus 1:7

Barang, deng Yesus Kristus mati kong Dia pe dara tatumpa untuk tebus pa torang, torang bole dapa ampun dari torang pe dosa-dosa. Samua itu torang dapa, karna Tuhan Allah pe bae yang basar skali pa torang.

Efesus 1:9

Dulu, tarada orang yang tau Dia pe rencana itu, tapi skarang Dia so kase tau pa torang. Dia pe rencana itu tentang Yesus Kristus, kong rencana itu suda yang Dia ingin biking dari dulu.