Efesus 1:5 - Perjanjian Baru Bahasa Melayu Maluku Utara

⁵ Tuhan Allah sayang pa torang, kong karna itu, dari dulu Dia so ada rencana untuk kase jadi torang Dia pe ana-ana. Torang jadi Dia pe ana-ana itu karna apa yang Yesus Kristus biking, kong memang itu suda yang Tuhan Allah ingin biking.

Efesus 1:5 Referans Kwoze

Efesus 1:11

Tuhan Allah ator samua yang ada itu, iko Dia pe mau yang Dia so tentukan. Dari dulu, Dia so pili pa torang supaya torang bole tarima apa yang Dia so janji mo kase pa torang karna torang percaya pa Yesus Kristus.

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

Yohanes 1:12

Tapi biar bagitu, ada orang yang tarima pa Dia deng percaya pa Dia. Pa dorang itu, Dia kase kuasa supaya dorang jadi Tuhan Allah pe ana-ana.

Roma 8:23

Kong bukang cuma dunia deng dia pe isi saja yang tunggu dia pe hari itu, tapi torang lagi yang so percaya ada mengelu susa deng sengsara sementara tunggu Tuhan Allah mo kase Dia pe janji pa torang yang jadi Dia pe ana-ana. Tuhan Allah so kase Dia pe Roh kamuka pa torang, kong torang tunggu-tunggu Dia mo kase badan yang baru pa torang di sorga. Badan baru itu yang tara perna mo saki deng tara perna mo mati.

Galatia 3:26

Jadi sudara-sudara, ngoni so jadi Tuhan Allah pe ana-ana karna ngoni so percaya pa Yesus Kristus.

2 Korintus 6:18

Kita akan jadi ngoni pe Bapa, deng ngoni lagi mo jadi Kita pe ana-ana laki-laki deng Kita pe ana-ana parampuang.” Itu yang Tuhan Allah bilang di Kitab Suci. Dia itu yang Paling Berkuasa.

Wahyu 21:7

Sapa yang menang dari pengaru jahat, dia mo dapa samua yang Kita bilang tadi. Deng Kita mo jadi dia pe Tuhan Allah, kong dia mo jadi Kita pe ana.

Efesus 1:9

Dulu, tarada orang yang tau Dia pe rencana itu, tapi skarang Dia so kase tau pa torang. Dia pe rencana itu tentang Yesus Kristus, kong rencana itu suda yang Dia ingin biking dari dulu.

Yohanes 11:52

Kong bukang cuma untuk bangsa Yahudi saja, tapi Dia mati untuk samua orang yang mo jadi Tuhan Allah pe umat, supaya dorang di samua bangsa yang tapisa-pisa bole jadi satu.

2 Tesalonika 1:11

Kong karna torang tau Tuhan mo datang, torang salalu berdoa lagi untuk ngoni. Tuhan Allah so pangge pa ngoni jadi Dia pe umat sandiri, jadi torang berdoa la Tuhan biking ngoni pantas jadi Dia pe umat. Torang me berdoa supaya Tuhan Allah pake Dia pe kuasa la tolong pa ngoni kase selesai samua hal yang bae yang ngoni suka mo biking, ngoni biking samua itu karna ngoni percaya pa Yesus.

Lukas 10:21

Waktu itu suda, Roh Kudus kuasai pa Yesus kong biking Dia pe hati sanang. Kong Dia bilang, “Kita bilang tarimakasi pa Bapa, Tuhan yang berkuasa di sorga deng di bumi. Kita bilang tarimakasi karna Bapa tara kase tau samua itu deng jelas pa orang-orang yang pande deng yang tau banya hal. Tapi pa orang-orang biasa, Bapa biking sampe dorang mangarti. Ya Bapa, itu suda yang biking Bapa pe hati sanang.

1 Korintus 1:21

Karna biar manusia pande skali, manusia tara bisa kanal Tuhan Allah deng dong pe pande. Tapi Tuhan Allah itu tau samua hal kong Dia biking rencana yang bae, sampe Dia mau kase slamat pa orang-orang yang percaya Kabar Bae itu, biar banya orang bilang kata, itu orang bodo pe carita.

Yohanes 20:17

Yesus bilang pa Maria, “Jang pegang pa Kita, karna Kita bolong bale pa Kita pe Bapa. Tapi ngana pigi suda pa Kita pe sudara-sudara yang jaga iko pa Kita kong bilang pa dorang, Kita skarang mo nae pigi pa Kita pe Bapa deng ngoni pe Bapa lagi. Dia itu lagi Kita pe Tuhan Allah deng ngoni lagi pe Tuhan Allah.”

Matius 11:26

Ya Bapa, itu suda yang biking Bapa pe hati sanang.

Lukas 11:32

Nanti di waktu Tuhan mo adili pa samua orang, orang-orang Niniwe dulu akan hidup ulang sama-sama deng ngoni orang-orang skarang ini, kong dorang akan kase sala pa ngoni. Barang, orang-orang Niniwe itu bertobat waktu Yunus kase tau Tuhan Allah pe pasáng pa dorang. Tapi skarang ini di sini, ada Orang yang lebe penting dari nabi Yunus, kong ngoni tara mo dengar la bertobat tu!”

Filipi 2:13

Barang, Tuhan Allah sandiri yang bakarja di ngoni pe hati, supaya ngoni mau deng mampo iko apa yang Dia ingin ngoni biking.

1 Korintus 1:1

Salam dari kita Paulus, Kristus Yesus pe utusan yang orang sebut rasul. Kita jadi rasul, itu karna Tuhan Allah pili pa kita iko Dia pe mau. Surat ini lagi dari Sostenes, torang pe sudara yang percaya.

Matius 1:25

Tapi Yusuf tara tidor sama-sama deng Maria sampe Anak itu lahir. Bagitu Anak itu so lahir, Yusuf kase nama pa Dia, Yesus.

Lukas 12:32

Yesus bilang lagi, “Ngoni yang iko pa Kita cuma sadiki, sama deng domba-domba satu kelompok kacil. Tapi biar bagitu me jang ngoni tako! Karna ngoni pe Bapa sanang skali ngoni mo sama-sama deng Dia Berkuasa sebagai Raja.

Kisah Para Rasul 13:48

Waktu orang-orang bukang Yahudi dengar Paulus bilang bagitu, dorang sanang skali. Turus, dorang puji deng hormat pa Tuhan karna Tuhan pe ajaran itu. Abis itu, samua orang yang Tuhan Allah so pili mo dapa hidup deng Dia slama-lamanya, dorang itu jadi percaya.

Kolose 1:19

Barang, Tuhan Allah mau supaya samua Dia pe sifat deng kuasa ada pa Yesus Kristus pe diri.

Ibrani 2:4

Deng supaya orang bole yakin ajaran yang dorang kase tau itu butul, Tuhan Allah kase Dia pe kuasa pa dorang untuk biking mujizat-mujizat, deng tanda-tanda yang kase tunju Tuhan Allah pe kuasa sampe orang jadi herang. Deng Dia kase barbage Dia pe Roh Kudus pe kuasa pa dorang iko Dia pe mau la dorang ada karunia-karunia untuk pake layani pa orang-orang.