Efesus 1:3 - Perjanjian Baru Bahasa Melayu Maluku Utara

³ Mari suda torang puji pa Tuhan Allah, torang pe Tuhan Yesus Kristus pe Bapa! Dia so kase sagala berkat rohani dari sorga pa torang, karna torang so percaya pa Yesus Kristus.

Efesus 1:3 Referans Kwoze

1 Petrus 1:3

Puji suda pa Tuhan Allah, Dia itu torang pe Tuhan Yesus Kristus pe Bapa. Dia pe rasa kasiang pa torang basar skali, sampe Dia kase pa torang hidup yang baru waktu Dia so kase hidup ulang pa Yesus Kristus. Kong karna itu, torang bole baharap deng percaya sunggu-sunggu pa Dia.

2 Korintus 1:3

Mari suda torang puji pa Tuhan Allah, torang pe Tuhan Yesus Kristus pe Bapa! Dia itu Bapa yang salalu kasiang pa torang, deng Dia itu Tuhan Allah yang salalu kase kuat torang pe hati.

Efesus 2:6

Barang, sama deng Kristus Yesus mati kong Tuhan Allah kase hidup ulang pa Dia, itu lagi yang jadi deng torang yang so satu hati deng Kristus Yesus. Tuhan Allah so kase torang hidup deng cara yang baru kong Dia kase pa torang tampa untuk berkuasa sama-sama deng Kristus Yesus di sorga.

Efesus 1:20

sama deng kuasa yang Dia pake waktu kase hidup ulang pa Yesus Kristus. Kong deng kuasa itu lagi Dia angka pa Yesus Kristus dudu di tampa yang terhormat, pa Dia pe sabla kanan di sorga.

Efesus 6:12

Barang, torang pe musu itu bukang manusia tapi kuasa-kuasa jahat yang torang tara dapa lia. Torang lawan samua yang berkuasa di dunia yang galap ini, deng samua yang berkuasa di udara.

Efesus 3:10

Tuhan Allah pe maksut supaya samua yang bapimpin deng yang berkuasa di langit bole tau, Tuhan Allah itu tau samua hal deng tara perna abis akal untuk ator samua yang ada. Dorang bole tau itu karna dorang lia Dia biking orang Yahudi deng orang bukang Yahudi jadi satu karna skarang dorang so percaya pa Yesus Kristus.

Galatia 3:9

Jadi, Tuhan Allah kase berkat itu pa Abraham karna Abraham pe percaya pa Tuhan Allah. Bagitu lagi deng torang, torang mo dapa berkat jadi orang yang tara sala pa Tuhan Allah pe muka, asal torang percaya pa Yesus Kristus.

Yohanes 17:21

Bapa, Kita minta supaya dorang itu jadi satu hati satu deng yang laeng, sama deng Kita lagi jadi satu deng Bapa kong Bapa jadi satu deng Kita. Kita minta dorang jadi satu hati satu deng yang laeng supaya dorang lagi jadi satu deng Torang. Kita minta bagitu supaya kalu torang samua jadi satu, samua orang di dunia ini jadi percaya, Bapa yang utus pa Kita.

Efesus 1:17

Kita berdoa pa Tuhan Allah, torang pe Tuhan Yesus Kristus pe Bapa yang hebat. Kita minta supaya Dia pe Roh pe kuasa buka ngoni pe pikiran deng biking ngoni lebe mangarti tentang Tuhan Allah, sampe ngoni kanal pa Dia lebe dalam lagi.

2 Korintus 11:31

Yang kita bilang itu, butul. Tuhan Allah, torang pe Tuhan Yesus pe Bapa, Dia tau kita tara bafoya. Puji suda pa Dia sampe slama-lamanya.

2 Korintus 5:21

Yesus Kristus tara perna biking dosa, tapi Tuhan Allah so kase hukuman pa Dia untuk ganti pa torang yang berdosa, supaya torang yang percaya pa Yesus Kristus, Tuhan Allah biking torang jadi orang yang tara sala pa Dia pe muka.

1 Korintus 12:12

Torang banya orang, tapi torang jadi satu, karna torang sama-sama percaya pa Yesus Kristus. Itu sama deng orang pe badan yang cuma satu, tapi ada dia pe kaki, tangan, mata, deng laeng-laeng.

Roma 12:5

Bagitu lagi deng torang. Biar torang banya orang, tapi tong so jadi satu sama deng torang ini satu badan karna torang so percaya pa Yesus Kristus. Kong torang samua baku perlu satu deng laeng, sama deng kaki, tangan deng yang laeng-laeng baku perlu.

Efesus 1:10

Dia pe rencana itu bagini: kalu so sampe dia pe waktu yang Tuhan Allah so tentukan, Dia mo biking samua yang ada di sorga deng di bumi jadi satu, kong Yesus Kristus yang berkuasa pa samua itu.

2 Korintus 5:17

Karna itu, sapa saja yang so percaya pa Yesus Kristus, dia itu so jadi manusia baru. Dia pe sifat dulu-dulu yang tara bae itu so ilang. Samua so jadi baru.

Roma 15:6

Jadi deng ngoni hidup satu hati, ngoni bole sama-sama puji deng hormat pa Tuhan Allah, torang pe Tuhan Yesus Kristus pe Bapa.

Ibrani 8:5

Imam-imam pe tugas yang dong biking di Tuhan Allah pe Tenda Ibada di dunia itu cuma gambaran atau conto saja deng apa yang mo jadi di sorga nanti. Jadi itu sama deng dulu, waktu nabi Musa mo biking Tenda Ibada itu, Tuhan Allah bilang pa dia, “Inga e! Ngana biking Tenda itu sama persis deng yang Kita so kase tunju pa ngana di atas gunung.”

Filipi 2:11

Dorang samua mo mangaku, “Yesus Kristus itu suda Tuhan.” Deng bagitu Tuhan Allah torang pe Bapa, mo dapa puji deng hormat!

1 Korintus 1:30

Barang, Tuhan Allah sandiri yang buka jalang untuk ngoni, supaya ngoni bole percaya pa Kristus Yesus. Deng bagitu, torang bole tau Tuhan Allah pe rencana yang bijaksana untuk kase slamat pa manusia. Yesus Kristus itu yang biking torang jadi orang yang tara sala pa Tuhan Allah pe muka deng yang biking torang jadi Dia pe umat, deng Yesus me yang tebus torang pe dosa-dosa.

Ibrani 9:23

Jadi, Tuhan Allah pe Tenda Ibada deng samua alat yang dong pake di dalam Tenda, samua itu bole kase sama deng tampa semba pa Tuhan Allah di sorga. Tenda di dunia deng samua alat itu musti kase bersi pake binatang korban persembahan pe dara supaya barang-barang itu jadi bersi pa Tuhan Allah pe muka. Tapi tampa semba pa Tuhan Allah di sorga itu musti ada dara korban persembahan yang lebe bae dari binatang korban persembahan pe dara, itu jadi waktu Yesus Kristus kase Dia pe diri jadi korban kong Dia pe dara tatumpa untuk hapus manusia pe dosa.

Yohanes 20:17

Yesus bilang pa Maria, “Jang pegang pa Kita, karna Kita bolong bale pa Kita pe Bapa. Tapi ngana pigi suda pa Kita pe sudara-sudara yang jaga iko pa Kita kong bilang pa dorang, Kita skarang mo nae pigi pa Kita pe Bapa deng ngoni pe Bapa lagi. Dia itu lagi Kita pe Tuhan Allah deng ngoni lagi pe Tuhan Allah.”

Yohanes 14:20

Kong waktu Kita hidup ulang itu, ngoni akan tau, Kita ini satu deng Kita pe Bapa kong ngoni ini satu deng Kita, kong Kita satu deng ngoni.

Lukas 2:28

Waktu Simeon lia Anak itu, langsung dia ka sana ambe, turus dukung deng puji pa Tuhan Allah. Dia bilang,