Efesus 1:22 - Perjanjian Baru Bahasa Melayu Maluku Utara

²² Tuhan Allah kase kala samua-samua yang ada, supaya samua-samua itu ada di bawa Yesus Kristus pe kuasa. Deng Tuhan Allah biking Yesus Kristus jadi kapala pa samua orang yang percaya pa Dia.

Efesus 1:22 Referans Kwoze

Kolose 1:18

Yesus Kristus itu suda pemimpin yang ator Dia pe jemaat, sama deng kapala ator dia pe badan. Dia itu suda yang kamuka hidup ulang dari samua orang yang perna mati, jadi Dia yang paling penting dari samua yang ada.

Kolose 2:10

Kong karna ngoni so satu hati deng Yesus Kristus, samua yang ngoni perlu, so ada pa Dia. Dia itu suda yang lebe berkuasa dari samua yang bapimpin deng dari samua kuasa yang ada di langit deng di bumi.

Ibrani 2:8

Tuhan Allah biking dia berkuasa pa samua-samua yang ada.” Jadi dari yang so tatulis itu, so jelas pa torang, Tuhan Allah biking manusia berkuasa pa samua-samua yang ada. Tara ada yang dia tara kuasai. Cuma skarang ini, torang bolong lia dia berkuasa pa samua-samua yang ada.

Kolose 2:19

Orang-orang macam bagitu so tara butul-butul lagi iko pa Yesus Kristus. Padahal Yesus Kristus itu Kapala dari samua Dia pe umat. Dia yang biking pa torang jadi satu, deng supaya torang pe percaya pa Tuhan lebe tamba kuat. Ini bole kase sama deng kapala deng badan yang jadi satu karna ada sendi-sendi yang tara biking tapisa satu deng yang laeng.

Efesus 5:23

karna laki itu bini pe pemimpin, sama deng Yesus Kristus jadi kapala untuk pimpin jemaat. Kong jemaat itu bole kase sama deng Yesus Kristus pe badan, karna Yesus Kristus yang kase slamat pa jemaat dari dosa-dosa.

1 Korintus 11:3

Tapi ada yang kita masi mo kase inga pa ngoni lagi: yang jadi kapala pa samua laki-laki yang percaya, itu Yesus Kristus. Kong yang jadi kapala pa parampuang yang percaya, itu laki-laki. Baru, yang jadi kapala pa Yesus Kristus, itu Tuhan Allah.

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

Efesus 3:21

Jadi, torang yang so jadi Dia pe jemaat, torang yang so satu hati deng Kristus Yesus, mari suda torang puji deng hormat pa Dia sampe slama-lamanya. Amin.

1 Timotius 3:15

Jadi kalu kita ada alangan kong terlambat datang, kita pe surat so sampe pa ngana kamuka. Deng kita pe surat ini, ngana bole tau, bagimana orang percaya musti hidup sebagai Tuhan Allah pe keluarga. Kita pe maksut bilang Tuhan Allah pe keluarga, itu pe maksut, Tuhan Allah yang hidup pe jemaat. Dia pe jemaat itu yang musti pegang kuat ajaran yang butul, sama deng tiang raja deng fandasi yang biking ruma jadi kuat.

Matius 16:18

Karna itu, Kita kase nama pa ngana Petrus, yang pe arti, batu fandasi yang kuat. Kong di atas batu fandasi itu Kita mo kase badiri Kita pe jemaat. Kong Kita pe jemaat itu akan ada turus, tarada apa-apa yang mampo kase berenti pa dorang, biar itu kuasa kematian.

Kolose 1:8

Epafras itu lagi yang kase carita pa torang, ngoni samua salalu baku sayang karna Roh Kudus ada di ngoni pe hati.