Efesus 1:13 - Perjanjian Baru Bahasa Melayu Maluku Utara

¹³ Kong ngoni orang-orang yang bukang Yahudi, skarang ngoni me so dengar ajaran yang butul kong so jadi percaya pa Yesus Kristus. Ajaran yang butul itu, Kabar Bae tentang Yesus Kristus yang so kase slamat pa ngoni dari dosa-dosa. Kong waktu ngoni percaya pa Yesus Kristus, Tuhan Allah kase Roh Kudus pa ngoni supaya jadi tanda ngoni itu so jadi Tuhan Allah punya. Roh Kudus itu suda yang Tuhan Allah so janji dari dulu.

Efesus 1:13 Referans Kwoze

2 Korintus 1:22

Dia me kase Roh Kudus tinggal dalam tong samua pe hati, la tong yakin samua yang Tuhan janji, pasti Dia kase. Dia kase Roh Kudus itu jadi tanda pa torang, torang itu Dia punya.

Efesus 4:30

Jang sampe deng ngoni pe bicara yang tara bae itu, ngoni biking Tuhan Allah pe Roh Kudus jadi sedi. Inga, Tuhan Allah pe Roh Kudus yang ada pa torang itu jadi tanda, torang ini Tuhan Allah punya, sampe di waktu Dia datang ulang untuk kase slamat pa torang.

2 Timotius 2:19

Biar bagitu me, Tuhan Allah pe ajaran tetap kuat sama deng ruma pe fandasi. Di Tuhan Allah pe ajaran itu so tatulis bagini, “Tuhan Allah kanal Dia pe umat” deng “Sapa saja yang bilang, dia itu Tuhan Allah pe umat, dia musti berenti biking yang jahat”.

1 Tesalonika 2:13

Torang lagi salalu bilang tarimakasi pa Tuhan Allah karna waktu torang kase tau pa ngoni Kabar Bae dari Tuhan Allah, ngoni tarima itu deng sanang hati. Ngoni tarima Kabar Bae itu karna ngoni tau, kata-kata itu bukang dari manusia, tapi dari Tuhan Allah. Deng memang itu butul dari Tuhan Allah. Kong Kabar Bae itu bakarja di ngoni pe hati yang percaya pa Yesus Kristus.

Roma 4:11

Jadi Abraham so percaya dulu pa Tuhan Allah, baru dia dapa sunat. Kong sunat itu yang jadi tanda, Tuhan Allah so tarima pa dia jadi orang yang tara sala karna dia pe percaya pa Tuhan Allah. Deng karna dia pe percaya itu, Abraham jadi samua orang yang percaya pe papa. Biar orang-orang yang percaya itu tara sunat, Tuhan Allah tetap tarima pa dorang jadi orang yang tara sala, karna dorang pe percaya.

Titus 2:11

Torang musti hidup macam bagitu, barang Tuhan Allah so kase jalang la torang samua bole dapa slamat dari torang pe dosa-dosa, supaya torang jang dapa hukuman. Itu Dia pe bae pa torang.

Galatia 3:14

Yesus Kristus serakan Dia pe diri mati bagitu, supaya orang-orang yang bukang Yahudi me bole dapa berkat untuk jadi orang yang tara sala pa Tuhan Allah pe muka, sama deng Tuhan Allah janji pa Abraham deng dia pe turunan Yahudi dulu. Jadi, kalu torang percaya pa Kristus Yesus, torang samua bole tarima Roh Kudus yang Tuhan Allah so janji dari dulu itu.

Roma 1:16

Kita tara tako kase tau Kabar Bae tentang Yesus Kristus pa orang-orang, karna Kabar Bae itu ada kuasa dari Tuhan Allah yang bisa kase slamat pa samua orang yang percaya dari dosa-dosa. Kong bukang cuma orang Yahudi saja yang mo dapa slamat, tapi orang-orang yang bukang Yahudi lagi mo dapa slamat.

Kisah Para Rasul 2:33

Skarang, Tuhan Allah so angka pa Dia kong kase tampa yang terhormat, pa Tuhan Allah pe sabla kanan. Tuhan Allah so kase Roh Kudus pa Yesus, sama deng Tuhan Allah so janji dari dulu. Kong Roh Kudus itu Dia so kase pa torang skarang, itu yang ngoni so dengar deng lia pa torang di sini.

Yohanes 14:26

Tapi kalu Kita so pigi pa Kita pe Bapa, Dia mo kase Roh Kudus untuk tolong pa ngoni, ganti pa Kita. Roh Kudus itu pe tugas, kase ajar pa ngoni samua yang ngoni musti tau, kong mo kase inga pa ngoni samua yang Kita so bilang pa ngoni.

Yohanes 1:17

Memang dari nabi Musa, torang tau Tuhan Allah pe aturan di lima kitab Musa, tapi dari Yesus Kristus, torang bole tau Tuhan Allah pe sayang deng Dia pe ajaran yang butul.

Lukas 24:49

Turus Kita sandiri yang mo kase turung Roh Kudus pa ngoni, yang Kita pe Bapa so janji dari dulu. Tapi ngoni musti tinggal di kota ini dulu, sampe kuasa yang dari Tuhan Allah itu turung kuasai pa ngoni.”

1 Petrus 2:10

Dulu, ngoni itu bukang Tuhan Allah pe umat, tapi skarang ngoni so jadi Dia pe umat. Dulu ngoni me bolong tarima Tuhan Allah pe rasa kasiang, tapi skarang ngoni so tarima Dia pe rasa kasiang itu.

Roma 6:17

Kita bilang tarimakasi pa Tuhan Allah. Karna, biar dulu dosa jadi sama deng ngoni pe tuang, tapi skarang ngoni so butul-butul iko ajaran yang torang so kase ajar pa ngoni.

Kisah Para Rasul 1:4

Satu kali bagini, waktu Yesus deng Dia pe rasul-rasul itu makang sama-sama, Dia pasáng pa dorang bagini, “Jang dulu ngoni kase tinggal kota Yerusalem ini. Ngoni tinggal di sini supaya tunggu Kita pe Bapa pe janji pa ngoni, sama deng yang Kita perna bilang pa ngoni.

Yohanes 15:26

Nanti Kita mo utus Roh Kudus untuk tolong pa ngoni, Roh Kudus itu dari Tuhan Allah. Roh Kudus itu yang mo kase tau yang butul tentang Tuhan Allah deng mo kase tau pa orang-orang tentang Kita.

Kisah Para Rasul 13:26

Sudara-sudara orang Israel, Abraham pe turunan, deng ngoni yang bukang Yahudi tapi jaga semba pa Tuhan Allah, pa torang samua ini, Tuhan Allah so kase tau Dia mo kase slamat pa manusia dari dosa-dosa.

Yohanes 6:27

Jang ngoni cuma cari-cari makanang yang biasa torang jaga makang di dunia ini, karna makanang itu capat mo abis deng mo busu. Tapi ngoni musti berusaha karas supaya dapa makanang dari sorga yang tara akan busu, kong bole biking ngoni hidup deng Tuhan Allah slama-lamanya. Makanang itu yang Anak Manusia mo kase pa ngoni, barang Tuhan Allah so kase kuasa itu pa Anak Manusia.”

Lukas 11:13

Jadi biar ngoni pe hati tara bae, tapi ngoni tau bagimana kase barang yang bae pa ngoni pe ana-ana. Apalagi ngoni pe Bapa yang di sorga! Dia pasti mo kase Roh Kudus pa orang-orang yang minta pa Dia.”

Wahyu 7:2

Malaekat ampa itu so dapa kuasa untuk kase rusak tana deng laut. Tapi kita lia lagi ada malaekat laeng muncul dari timur, tampa matahari nae. Malaekat itu ada bawa Tuhan Allah yang hidup pe cap, kong cap itu untuk orang yang jadi Tuhan Allah pe umat. Malaekat itu bicara kuat-kuat pa malaekat ampa yang laeng itu bagini,

Yakobus 1:18

Tuhan Allah biking torang jadi Dia pe ana-ana itu iko Dia pe mau sandiri, karna torang percaya Dia pe ajaran yang butul. Dia biking torang jadi Dia pe ana-ana supaya torang jadi yang paling penting dari samua yang Dia cipta.

Ibrani 2:3

Ajaran itu memang penting skali torang iko, tapi lebe penting lagi ajaran dari Tuhan Yesus yang Dia bilang langsung pa torang manusia! Ajaran itu tentang Dia yang kase slamat pa torang, kong ajaran itu bagus skali! Jadi kalu torang tara peduli, jang kira torang mo lolos dari hukuman! Yesus sandiri yang pertama kase tau ajaran itu, kong dorang yang dengar itu kase tau pa torang. Jadi, deng dorang pe kesaksian itu, torang bisa tau, ajaran itu memang butul.

2 Timotius 3:15

Waktu ngana masi kacil, ngana so tau Kitab Suci. Kitab Suci itu yang biking ngana jadi tau Tuhan pe jalang yang butul sampe ngana bole percaya pa Kristus Yesus kong Dia bole kase slamat pa ngana.

2 Timotius 2:15

Biking ngana pe tugas bae-bae supaya Tuhan Allah sanang pa ngana, deng ngana tara usa malu pa Tuhan Allah pe muka. Ngana ajar bae-bae Tuhan Allah pe ajaran pa orang-orang. Ajaran itu butul.

Efesus 4:21

Barang, ngoni so dengar deng so tarima ajaran yang butul, kong ajaran yang butul itu memang ada pa Tuhan Yesus.

2 Korintus 6:7

Torang salalu kase tau ajaran yang butul pa orang-orang, deng Tuhan Allah pe kuasa ada pa torang. Torang jaga biking yang butul kong itu sama deng torang bawa senjata, karna kalu torang so biking yang butul, torang bisa lawan orang yang tara suka torang iko pa Tuhan Yesus.

Yohanes 3:33

Tapi sapa yang percaya deng apa yang Dia kase tau itu, orang itu setuju, samua yang Tuhan Allah bilang itu butul.

Yakobus 1:21

Jadi ngoni musti berenti biking samua hal yang tara bae deng yang jahat. Ngoni musti tarima Tuhan Allah pe firman deng hati yang tara sombong. Firman itu so ada di ngoni pe hati, kong punya kuasa untuk kase slamat pa ngoni.