3 Yohanes 1:8 - Perjanjian Baru Bahasa Melayu Maluku Utara

⁸ Jadi torang musti tarima deng bantu sudara-sudara yang percaya itu, deng bagitu torang samua so ambe bagian dalam dong pe karja untuk kase ajar Tuhan pe ajaran.

3 Yohanes 1:8 Referans Kwoze

3 Yohanes 1:10

Jadi, kalu kita ka sana di situ, kita mo kase tau turus tarang pa ngoni tentang samua yang dia biking, karna dia so carita tara bae untuk mo kase jatu pa torang. Tapi samua itu bolong cukup pa dia. Barang, waktu sudara-sudara yang percaya datang, dia tara mau tarima pa dorang. Mala, dia larang pa orang-orang di jemaat situ untuk tarima pa sudara-sudara yang datang itu. Kalu dorang tarima pa orang yang datang itu, dia user pa dorang dari jemaat.

Filemon 1:24

Deng ada salam lagi dari Markus, Aristarkhus, Demas deng Lukas. Dorang itu kita pe tamang yang sama-sama jaga kase tau Kabar Bae tentang Yesus Kristus pa orang-orang.

Filemon 1:2

Surat ini torang tulis lagi pa Apfia, torang pe sudara parampuang yang sama-sama percaya pa Tuhan, deng pa Arkhipus, torang pe tamang yang sama-sama karja karas untuk kase tau tentang Tuhan Yesus pa orang-orang. Deng surat ini lagi untuk jemaat yang biasa jaga bakumpul untuk sambayang di ngana pe ruma.

1 Tesalonika 3:2

turus Timotius torang pe sudara yang sama-sama percaya, torang utus pigi pa ngoni. Timotius itu torang pe tamang karja yang sama-sama kase tau Tuhan Allah pe Kabar Bae tentang Yesus Kristus. Torang utus pa Timotius la kase kuat ngoni pe hati deng kase smangat pa ngoni supaya ngoni lebe tamba percaya pa Yesus.

Kolose 4:11

Bagitu lagi deng Yesus yang orang jaga pangge pa dia Yustus, dia ada kirim salam pa ngoni. Dari samua tamang-tamang yang karja sama-sama deng kita untuk Tuhan, cuma dorang tiga itu yang orang Yahudi. Dorang tiga itu suda yang kase kuat kita pe hati. Kong torang pe karja itu, kase tau tentang bagimana orang-orang bisa jadi Tuhan Allah pe umat la Dia Berkuasa sebagai Raja pa dorang pe hidup.

Filipi 4:3

Pa Sunsugos lagi, kita pe tamang karja yang setia, kita minta supaya ngana bantu pa dong dua itu, supaya dong bisa baku bae ulang. Dorang dua itu so berusaha karas sama-sama deng kita. Torang tiga jaga kase tau Kabar Bae tentang Yesus Kristus pa orang-orang. Bagitu lagi deng Klemens deng torang pe tamang-tamang laeng yang so karja sama-sama deng kita untuk kase tau Kabar Bae itu. Dorang samua pe nama-nama so tatulis di buku kehidupan.

2 Korintus 8:23

Kong tentang Titus, dia itu kita pe tamang yang bakarja sama-sama deng kita untuk bantu pa ngoni. Kong dua sudara yang percaya yang sama-sama deng Titus, dorang dua itu dapa utus dari jemaat-jemaat untuk antar doi sumbangan di Yerusalem. Apa yang dorang dua biking itu, biking Yesus Kristus dapa puji deng hormat.

2 Korintus 6:1

Torang deng Tuhan Allah karja sama-sama untuk kase tau Kabar Bae tentang Yesus Kristus pa orang-orang. Ngoni ini so tarima Tuhan Allah pe bae waktu Yesus Kristus dapa salib, jadi torang minta pa ngoni, jang kase sia-sia Tuhan Allah pe bae itu.

Lukas 11:7

Masa orang itu mo jawab, ‘Jang ganggu pa kita, kita so kunci pintu, barang kita deng kita pe ana-ana so tidor. Jadi kita tara akan bangun kong mo bantu pa ngana.’

Matius 10:40

Yesus bilang lagi, “Sapa yang tarima pa ngoni yang percaya pa Kita, itu berarti dia so tarima pa Kita. Kong sapa yang tarima pa Kita, dia me so tarima pa Tuhan Allah yang utus pa Kita.

Matius 10:14

Kong kalu ada orang di satu ruma atau kota yang tara tarima pa ngoni atau tara mo dengar ngoni pe ajaran, kaluar suda dari ruma atau kota itu. Abu yang ada pa ngoni pe kaki me ngoni kase tada di situ, la kase inga dorang so sala pa Tuhan Allah.

3 Yohanes 1:7

Barang, waktu dong kase tau tentang Yesus Kristus pa orang-orang, dorang tara dapa bantuan apa-apa dari orang yang bolong percaya.

3 Yohanes 1:9

Kita so perna tulis surat sadiki untuk jemaat di situ, tapi Diotrefes tara mau dengar pa kita, barang dia suka skali jadi tuang basar di jemaat.