3 Yohanes 1:6 - Perjanjian Baru Bahasa Melayu Maluku Utara

⁶ Sudara-sudara yang ngana bantu itu so datang kamari, turus dorang so kase tau pa jemaat tentang ngana pe sayang itu. Bagus skali ngana bantu pa dorang itu, jadi kita minta pa ngana untuk tolong pa dorang lagi, supaya dorang bisa kase turus dong pe perjalanan. Deng bagitu, ngana so biking Tuhan Allah pe hati sanang.

3 Yohanes 1:6 Referans Kwoze

1 Tesalonika 2:12

Itu, torang kase smangat deng kase kuat ngoni pe hati supaya ngoni pe hidup pantas untuk orang yang iko pa Tuhan Allah. Tuhan Allah pangge pa ngoni la jadi Dia pe umat yang Dia berkuasa sebagai Raja, kong ngoni nanti dapa puji deng hormat sama-sama deng Dia.

Titus 3:13

Ngana me berusaha suda tolong pa Zenas ahli hukum itu deng pa Apolos, supaya dong dua bisa barangkat deng tara kurang apa-apa di jalang.

Kisah Para Rasul 15:3

Jemaat di Antiokhia antar pa dorang sampe di luar kota. Turus, dorang Paulus bajalang iko daera Fenisia deng daera Samaria. Di daera-daera itu, dorang kase carita pa orang-orang percaya tentang orang-orang bukang Yahudi di tampa laeng yang so bertobat kong jadi percaya pa Tuhan. Waktu orang-orang percaya di situ dengar kabar itu, dorang pe hati sanang skali.

1 Petrus 2:20

Barang, kalu ngoni menderita karna biking dosa, apa dia pe untung? Tarada to? Tapi kalu ngoni menderita karna biking barang yang bae kong ngoni tetap sabar, Tuhan Allah pasti kase Dia pe bae pa ngoni.

Kolose 1:10

Barang, kalu ngoni so tau Tuhan Allah pe mau, ngoni akan hidup deng kalakuang yang pantas dapa sebut orang yang percaya pa Tuhan, kong ngoni akan biking Dia pe hati sanang. Ngoni me akan biking hal-hal yang bae turus-turus, deng ngoni me akan lebe tamba kanal pa Tuhan Allah.

Filipi 4:14

Tapi biar bagitu, ngoni lagi so bantu pa kita waktu kita dapa susa. Apa yang ngoni so biking itu memang bae.

2 Korintus 1:16

Jadi, waktu kita rencana mo pigi di daera Makedonia, kita mo singga dulu lia pa ngoni di kota Korintus. Abis itu, baru kita turus pigi di Makedonia. Pulang dari Makedonia, kita mo singga lagi pa ngoni di Korintus. Deng bagitu, ngoni bisa bantu kita pe perlu supaya kita bisa kase turus kita pe perjalanan di daera Yudea.

Roma 15:24

kita ada rencana mo pigi di Spanyol. Jadi bagus kita singga dulu pa ngoni, supaya kita pe hati jadi sanang sama-sama deng ngoni biar tara lama. Turus abis itu, kita harap ngoni bantu pa kita pigi di Spanyol.

Kisah Para Rasul 21:5

Waktu kapal so mo barangkat, torang bale ulang di pante. Dorang samua yang percaya itu, termasuk dong pe bini deng ana-ana, antar pa torang sampe di luar kota. Bagitu so sampe di pinggir pante, torang samua berlutut kong berdoa.

3 Yohanes 1:12

Lia pa Demetrius! Samua orang deng kita me puji pa dia. Dia pantas dapa puji karna apa yang dia biking iko Tuhan pe ajaran. Kong ngoni tau, apa yang torang kase tau tentang dia itu butul. Torang tara bafoya.

Kisah Para Rasul 15:29

ngoni tara bole makang makanang yang so kase pa orang pe puji-puji, tara bole makang binatang yang mati karna dapa ramas di leher, deng tara bole makang dara. Ngoni me tara bole baseks sabarang. Kalu ngoni iko samua aturan itu, itu pe arti, ngoni so biking yang bae. Sampe di sini dulu torang pe surat.”