3 Yohanes 1:5 - Perjanjian Baru Bahasa Melayu Maluku Utara

⁵ Gayus, kita pe sudara yang kita sayang, kita sanang karna ngana setia bantu pa torang pe sudara-sudara yang percaya waktu dong singga kase tau Kabar Bae di ngana pe kampong. Biar dorang itu ngana bolong kanal, ngana bantu pa dorang.

3 Yohanes 1:5 Referans Kwoze

Galatia 6:10

Jadi selama torang masi hidup, mari suda torang biking barang yang bae pa samua orang, lebe-lebe lagi pa torang pe sudara-sudara yang sama-sama percaya.

Kolose 3:17

Kong samua yang ngoni biking deng ngoni bilang, ngoni biking suda samua itu deng bae-bae, karna ngoni Tuhan Yesus pe wakil di dunia. Kong ngoni lagi musti salalu bilang tarimakasi banya pa Tuhan Allah, torang pe Bapa karna apa yang Tuhan Yesus so biking.

Lukas 12:42

Kong Tuhan Yesus jawab pa dorang pake umpama bagini, “Kalu ada orang karja yang pande deng setia pa dia pe tuang, dia pe tuang mo angka pa dia jadi kapala untuk kase makang pa samua dia pe orang karja yang laeng pas pa dia pe waktu.

Matius 24:45

Yesus bilang lagi, “Kalu ada orang karja yang pande deng setia, dia pe tuang angka pa dia jadi kapala untuk kase makang pa dia pe orang-orang karja yang laeng pas di dia pe waktu.

Kisah Para Rasul 1:15

Satu kali bagini, waktu orang-orang yang percaya pa Yesus bakumpul sama-sama, dorang itu pe banya mangkali saratus dua pulu orang. Turus Petrus badiri pa dong pe tenga-tenga kong bilang,

Roma 12:13

Ngoni musti tolong pa orang-orang yang so jadi Tuhan Allah pe umat yang pe hidup kekurangan. Kong ngoni musti tarima pa orang-orang di ngoni pe ruma deng hati sanang.

Ibrani 13:2

Ngoni musti tarima pa orang-orang yang ngoni bolong kanal di ngoni pe ruma. Barang, ada babarapa orang yang tarima pa orang laeng pa dong pe ruma, dong kira orang biasa, padahal yang dong tarima itu malaekat-malaekat.

3 Yohanes 1:3

Kita sanang skali waktu torang pe sudara-sudara yang percaya datang kase tau ngana pe kabar pa kita. Dorang bilang ngana tetap percaya ajaran yang butul, deng memang ngana iko samua ajaran yang butul itu.

3 Yohanes 1:10

Jadi, kalu kita ka sana di situ, kita mo kase tau turus tarang pa ngoni tentang samua yang dia biking, karna dia so carita tara bae untuk mo kase jatu pa torang. Tapi samua itu bolong cukup pa dia. Barang, waktu sudara-sudara yang percaya datang, dia tara mau tarima pa dorang. Mala, dia larang pa orang-orang di jemaat situ untuk tarima pa sudara-sudara yang datang itu. Kalu dorang tarima pa orang yang datang itu, dia user pa dorang dari jemaat.

Matius 25:16

Turus, orang karja yang tarima doi mas lima tas itu langsung kase putar doi itu, kong dia dapa untung doi mas lima tas lagi.