3 Yohanes 1:10 - Perjanjian Baru Bahasa Melayu Maluku Utara

¹⁰ Jadi, kalu kita ka sana di situ, kita mo kase tau turus tarang pa ngoni tentang samua yang dia biking, karna dia so carita tara bae untuk mo kase jatu pa torang. Tapi samua itu bolong cukup pa dia. Barang, waktu sudara-sudara yang percaya datang, dia tara mau tarima pa dorang. Mala, dia larang pa orang-orang di jemaat situ untuk tarima pa sudara-sudara yang datang itu. Kalu dorang tarima pa orang yang datang itu, dia user pa dorang dari jemaat.

3 Yohanes 1:10 Referans Kwoze

2 Korintus 13:2

Waktu kita datang yang kedua kali pa ngoni, kita so perna togor pa orang-orang di situ yang biking dosa, supaya dorang berenti biking dosa. Skarang bagitu kita jao dari ngoni, kita kase inga lagi pa dorang, deng pa samua orang yang biking dosa. Ini yang kita kase inga: nanti waktu kita datang ulang, kita mo togor karas kong mo kase hukuman pa samua orang yang masi biking dosa.

Lukas 6:22

Paling sanang suda ngoni yang karna ngoni iko pa Anak Manusia, orang binci pa ngoni, tara tarima pa ngoni, hina pa ngoni, deng kase tara bae ngoni pe nama.

3 Yohanes 1:5

Gayus, kita pe sudara yang kita sayang, kita sanang karna ngana setia bantu pa torang pe sudara-sudara yang percaya waktu dong singga kase tau Kabar Bae di ngana pe kampong. Biar dorang itu ngana bolong kanal, ngana bantu pa dorang.

Yohanes 9:22

Dia pe orang tua bilang bagitu, karna dorang tako pa pemimpin-pemimpin agama Yahudi. Barang, pemimpin-pemimpin agama Yahudi itu so baku ator, kalu ada orang yang mangaku Yesus itu Mesias, Raja yang Tuhan Allah janji mo kase slamat pa manusia, orang itu dapa larang maso di ruma ibada agama Yahudi.

Kisah Para Rasul 1:15

Satu kali bagini, waktu orang-orang yang percaya pa Yesus bakumpul sama-sama, dorang itu pe banya mangkali saratus dua pulu orang. Turus Petrus badiri pa dong pe tenga-tenga kong bilang,

Galatia 6:10

Jadi selama torang masi hidup, mari suda torang biking barang yang bae pa samua orang, lebe-lebe lagi pa torang pe sudara-sudara yang sama-sama percaya.

1 Timotius 5:13

Jadi kalu jemaat so bantu pa janda-janda yang umur bolong anam pulu taong, jang sampe dorang jadi pamalas deng suka kaluar maso orang pe ruma kong bacarita orang pe busu, suka campur orang laeng pe urusan, deng bacarita barang yang tara bae.

2 Yohanes 1:10

Jadi kalu ada orang datang kase tau pa ngoni ajaran yang tara sama deng Yesus Kristus pe ajaran, jang ngoni tarima pa dia di ngoni pe ruma deng jang kase salam pa dia.

2 Yohanes 1:12

Memang masi banya yang kita mo bilang pa ngoni, tapi lebe bae jang lewat surat. Kita harap bisa baku dapa deng ngoni la bisa bicara langsung deng ngoni, supaya torang pe hati butul-butul sanang.

3 Yohanes 1:3

Kita sanang skali waktu torang pe sudara-sudara yang percaya datang kase tau ngana pe kabar pa kita. Dorang bilang ngana tetap percaya ajaran yang butul, deng memang ngana iko samua ajaran yang butul itu.