3 Yohanes 1:1 - Perjanjian Baru Bahasa Melayu Maluku Utara

¹ Kita pe tamang Gayus, yang butul-butul kita sayang. Salam dari kita Yohanes, penatua di jemaat.

3 Yohanes 1:1 Referans Kwoze

1 Yohanes 3:18

Jadi, ngoni yang kita sayang sama deng kita pe ana-ana, kalu torang sayang orang, jang cuma di mulu saja atau cuma bilang torang sayang pa dorang tapi torang tara biking apa-apa. Mari suda torang sayang pa orang butul-butul iko deng apa yang torang biking tiap hari pa orang laeng.

1 Korintus 1:14

Kita bilang tarimakasi pa Tuhan Allah, karna tara banya dari ngoni yang kita baptis, cuma Krispus deng Gayus saja.

Roma 16:23

Gayus lagi ada kirim salam pa ngoni. Dia yang ada kase dia pe ruma untuk kita manumpang, deng dia lagi ada kase dia pe ruma pa jemaat la bakumpul untuk baibada. Kong Erastus, bendahara kota, deng torang pe sudara yang percaya yang pe nama Kwartus, ada kirim salam lagi pa ngoni.

Kisah Para Rasul 19:29

Kong samua tampa di kota Efesus jadi kaco. Orang-orang itu pigi rame-rame tangka pa Gayus deng Aristarkhus, barang dorang dua ini orang Makedonia yang biasa sama-sama deng Paulus. Dorang bawa pa dong dua di lapangan basar, tampa orang jaga bakumpul.

Kisah Para Rasul 20:4

Ada babarapa orang yang iko pa Paulus. Dorang itu: Sopater dari kota Berea (dia itu Pirus pe ana), Aristarkhus deng Sekundus dari kota Tesalonika, Gayus dari kota Derbe, Timotius, deng dua orang dari daera Asia Kecil yang pe nama Tikhikus deng Trofimus.

Kisah Para Rasul 11:30

Abis kumpul doi itu, dorang tunju pa Barnabas deng Saulus bawa doi itu la kase pa penatua-penatua di daera Yudea.

1 Petrus 5:1

Skarang kita mo kase nasehat pa ngoni yang jadi penatua di jemaat-jemaat karna kita me penatua. Kita ini perna lia deng mata kapala sandiri waktu Yesus Kristus dapa siksa. Kong nanti waktu Yesus Kristus datang ulang yang kedua kali kase tunju Dia pe kuasa yang luar biasa pa samua orang, kita me akan tarima bagian itu. Jadi ini kita pe nasehat:

3 Yohanes 1:2

Kita pe sudara yang kita sayang, kita berdoa supaya ngana sehat-sehat deng bae-bae dalam samua hal, sama deng ngana pe percaya yang kuat.