2 Yohanes 1:9 - Perjanjian Baru Bahasa Melayu Maluku Utara

⁹ Tiap orang yang so tara iko Yesus Kristus pe ajaran, kong iko ajaran laeng, dia itu so tara hidup satu hati deng Tuhan Allah. Tapi orang yang iko Yesus Kristus pe ajaran, dia itu so hidup satu hati deng Tuhan Allah, torang pe Bapa, deng Yesus Kristus, Anak Allah.

2 Yohanes 1:9 Referans Kwoze

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

1 Yohanes 1:3

Skarang torang kase tau pa ngoni apa yang torang so lia deng so dengar dari Dia, supaya ngoni deng torang bole hidup satu hati, deng bagitu torang samua bole hidup satu hati deng torang pe Bapa, Tuhan Allah deng Dia pe Anak Yesus Kristus.

Kisah Para Rasul 2:42

Orang-orang percaya itu jaga bakumpul sama-sama untuk baku kase kuat dorang pe percaya pa Yesus. Dorang rajin dengar ajaran tentang Yesus dari rasul-rasul. Dorang pela-pela roti kong makang sama-sama, supaya inga Tuhan Yesus pe sengsara deng kematian. Dorang me berdoa sama-sama.

Titus 2:10

Dorang tara bole ambe dong pe tuang pe barang, biar cuma sadiki. Dorang musti biking barang yang bae supaya dong pe tuang percaya pa dorang. Kalu dorang jujur bagitu, orang laeng jadi suka deng torang pe ajaran yang dari Tuhan Allah. Tuhan Allah itu yang kase slamat pa torang.

Yohanes 15:6

Sapa saja yang hidup tara satu hati deng Kita, Tuhan Allah mo buang pa dia sama deng cabang yang tara babua yang so kiring, kong dong kumpul cabang itu, turus dong bakar.

Yohanes 14:6

Kong Yesus bilang pa dia, “Kita ini jalang yang mo pigi pa Tuhan Allah, deng Kita ini yang kase tau yang butul tentang Tuhan Allah, deng Kita lagi yang kase hidup deng Tuhan Allah slama-lamanya. Jadi, tara ada satu orang yang bole pigi pa Tuhan Allah kalu tara iko pa Kita.

Yohanes 5:23

Bapa kase tugas itu pa Dia pe Anak supaya samua orang hormati pa Bapa pe Anak sama deng dorang hormati pa Bapa. Sapa saja yang tara hormati pa Dia pe Anak, dia lagi tara hormati pa Bapa yang utus pa Dia pe Anak itu.

Lukas 10:22

Samua yang ada pa Kita pe Bapa, Bapa so kase pa Kita. Tara ada satu orang yang tau sapa sebenarnya Kita Anak Allah, cuma Bapa yang tau. Kong tara ada satu orang yang tau sapa itu Bapa, cuma Kita, Anak Allah yang tau, deng orang-orang yang Kita pili untuk kanal pa Bapa.”

Ibrani 6:1

Jadi, jang torang cuma ulang-ulang balajar ajaran-ajaran dasar yang tong tarima waktu tong baru jadi percaya pa Yesus Kristus. Tapi, torang yang so lama percaya musti balajar ajaran yang biking torang pe percaya pa Yesus Kristus lebe tamba kuat. Torang tara usa ulang-ulang balajar ajaran dasar macam ini: ajaran tentang bertobat dari torang pe kalakuang yang tarada dia pe guna, ajaran tentang musti percaya pa Tuhan Allah,

Ibrani 3:14

Barang, kalu torang tetap pegang turus apa yang torang so percaya dari pertama sampe waktu dunia ini kiamat, torang akan dapa bagian dari samua yang ada pa Yesus Kristus.

Matius 11:27

Samua yang ada pa Kita pe Bapa, Bapa so kase pa Kita. Tara ada satu orang yang kanal pa Kita Anak Allah, cuma Bapa saja. Kong tara ada satu orang yang kanal pa Bapa, cuma Kita Anak Allah, deng orang-orang yang Kita pili untuk kanal pa Bapa.

Yohanes 8:31

Turus, Yesus bilang pa orang-orang agama Yahudi yang so percaya pa Dia, “Kalu ngoni biking turus Kita pe ajaran, ngoni butul-butul Kita pe murit.

3 Yohanes 1:9

Kita so perna tulis surat sadiki untuk jemaat di situ, tapi Diotrefes tara mau dengar pa kita, barang dia suka skali jadi tuang basar di jemaat.