2 Yohanes 1:5 - Perjanjian Baru Bahasa Melayu Maluku Utara

⁵ Jadi skarang kita minta pa ibu supaya torang samua baku-baku sayang. Yang kita bilang ini, bukang parenta baru, tapi parenta yang so ada pa torang dari pertama waktu torang baru jadi percaya pa Tuhan.

2 Yohanes 1:5 Referans Kwoze

1 Yohanes 3:11

Dari dulu ngoni so dengar berita ini: torang samua musti baku sayang.

1 Tesalonika 4:9

Turus tentang bagimana cara ngoni hidup baku sayang deng sudara-sudara yang percaya, kita rasa itu so tara perlu torang mo kase ajar lagi, barang Tuhan Allah sandiri so kase ajar pa ngoni.

Yohanes 15:12

Ini Kita pe parenta: ngoni musti baku-baku sayang sama deng Kita so sayang pa ngoni.

1 Yohanes 3:23

Tuhan pe parenta itu bagini: torang musti percaya pa Yesus Kristus, Anak Allah, deng torang lagi musti baku sayang, sama deng parenta yang Yesus Kristus so kase pa torang.

1 Yohanes 4:20

Kalu ada orang bilang, “Kita sayang pa Tuhan Allah,” tapi dia binci dia pe sudara yang percaya, itu dia bafoya. Karna sapa saja yang tara sayang pa orang laeng yang dia lia, tara mungkin dia sayang pa Tuhan Allah yang dia tara dapa lia.

1 Petrus 4:8

Yang paling penting, ngoni musti butul-butul baku sayang satu deng yang laeng. Karna deng torang baku sayang, tong so tara inga orang laeng pe sala pa torang biar pe banya skali.

2 Petrus 1:7

kong kalu ngoni so hidup iko Dia pe mau, ngoni me musti sayang pa ngoni pe sudara-sudara yang percaya, deng ngoni me musti sayang pa samua orang.

Ibrani 13:1

Ngoni musti tetap baku-baku sayang turus e, karna ngoni orang yang sama-sama percaya pa Tuhan!

Efesus 5:2

Ngoni musti hidup baku-baku sayang, sama deng Kristus Yesus me sayang pa torang sampe Dia serakan Dia pe diri mati untuk torang. Kong apa yang Dia biking itu Tuhan Allah tarima, sama deng korban persembahan yang bobou sadap yang biking Tuhan Allah pe hati sanang.

Galatia 5:22

Tapi orang yang Roh Kudus kuasai itu dapa lia dari dorang pe hidup macam bagini: pangsayang, hati sanang, hati tenang, pangsabar, pangbae, biking barang yang bae, setia,

Yohanes 15:17

Jadi, Kita bilang ulang Kita pe parenta pa ngoni: ngoni ini musti baku-baku sayang.”

2 Yohanes 1:1

Ibu yang Tuhan Allah pili iko pa Dia deng ibu pe ana-ana, yang butul-butul kita sayang. Salam dari kita, penatua di jemaat. Bukang cuma kita yang sayang pa ngoni, tapi samua orang yang iko Tuhan pe ajaran me sayang pa ngoni.