2 Yohanes 1:10 - Perjanjian Baru Bahasa Melayu Maluku Utara

¹⁰ Jadi kalu ada orang datang kase tau pa ngoni ajaran yang tara sama deng Yesus Kristus pe ajaran, jang ngoni tarima pa dia di ngoni pe ruma deng jang kase salam pa dia.

2 Yohanes 1:10 Referans Kwoze

Titus 3:10

Kalu ada orang yang biking sampe jemaat so tara satu hati, ngana togor pa dia la dia berenti. Kalu ngana so togor pa dia sampe dua kali kong dia tara dengar, jang ngana badekat lagi pa dia.

2 Tesalonika 3:6

Sudara-sudara, karna kita Tuhan Yesus Kristus pe utusan, kita minta pa ngoni supaya ngoni bajao dari sudara-sudara yang sama-sama percaya yang tara mancari deng tara iko ajaran yang torang so kase ajar pa ngoni.

2 Tesalonika 3:14

Kalu ada orang yang tara mau iko yang torang tulis di surat ini, ngoni musti ati-ati deng jang batamang deng dia, supaya dia jadi malu.

1 Korintus 5:11

Tapi skarang kita tulis pa ngoni ini, kita pe maksut itu, jang ngoni batamang deng orang yang mangaku dia itu tong pe sudara yang percaya, padahal dia salalu biking hal-hal jahat ini: baseks sabarang, golojo orang pe barang kong mau ambe, jaga semba pa dia pe puji-puji, jaga bicara tara bae tentang orang laeng, jaga mabo-mabo, atau yang jaga rampas orang pe barang. Deng orang yang macam bagitu, ngoni tara bole batamang, apalagi mo makang sama-sama.

2 Yohanes 1:11

Barang, sapa yang tarima deng kase salam pa orang itu, itu sama saja deng dia so biking yang jahat sama deng orang itu biking.

1 Korintus 16:22

Orang yang tara sayang pa Tuhan, biar suda dia dapa kutuk. Maranata, Tuhan datang suda!

Kisah Para Rasul 15:23

Kong rasul-rasul deng penatua-penatua kase titip surat pa dorang dua untuk orang-orang yang percaya di kota Antiokhia, daera Siria deng daera Kilikia. Surat itu pe isi bagini, “Salam pa sudara-sudara yang percaya dari bangsa-bangsa yang bukang Yahudi. Torang rasul-rasul deng penatua-penatua di Yerusalem ada kirim surat ini pa ngoni.

3 Yohanes 1:10

Jadi, kalu kita ka sana di situ, kita mo kase tau turus tarang pa ngoni tentang samua yang dia biking, karna dia so carita tara bae untuk mo kase jatu pa torang. Tapi samua itu bolong cukup pa dia. Barang, waktu sudara-sudara yang percaya datang, dia tara mau tarima pa dorang. Mala, dia larang pa orang-orang di jemaat situ untuk tarima pa sudara-sudara yang datang itu. Kalu dorang tarima pa orang yang datang itu, dia user pa dorang dari jemaat.