1 Yohanes 4:16 - Perjanjian Baru Bahasa Melayu Maluku Utara

¹⁶ Torang so tau deng so percaya, Tuhan Allah paling sayang pa torang. Tuhan Allah itu pangsayang. Jadi sapa yang sayang pa orang-orang, orang itu tetap satu hati deng Tuhan Allah, kong Tuhan Allah me satu hati deng dia.

1 Yohanes 4:16 Referans Kwoze

1 Yohanes 3:24

Sapa yang iko Tuhan Allah pe parenta-parenta, dia so jadi satu hati deng Tuhan Allah, kong Tuhan Allah me jadi satu hati deng dia. Deng bagitu, torang bisa tau, Tuhan Allah satu hati deng torang, barang Tuhan Allah so kase Dia pe Roh pa torang.

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

1 Yohanes 3:16

Torang tau sayang yang butul-butul itu sama deng Yesus Kristus pe sayang. Dia so kase Dia pe diri sampe mati untuk torang supaya torang dapa slamat. Jadi torang me musti siap kase tong pe diri sampe mati untuk torang pe sudara-sudara yang percaya.

1 Korintus 2:9

Rencana itu sama deng yang tatulis di Kitab Suci, bagini: “Tuhan Allah so kase sadia banya hal untuk orang-orang yang sayang pa Dia. Yang Dia so kase sadia itu, bolong perna manusia lia deng dia pe mata, bolong perna manusia dengar deng dia pe talinga, deng bolong perna ada pa manusia pe pikiran.”

Yohanes 6:69

Torang ini so percaya deng tau, Guru suda Yang Kudus yang Tuhan Allah utus.”

Yohanes 9:3

Yesus jawab, “Dia buta, bukang karna dia pe dosa deng bukang lagi gara-gara dia pe orang tua pe dosa, tapi supaya orang-orang dapa lia Tuhan Allah pe kuasa yang bakarja pa dia pe hidup.

1 Yohanes 4:7

Sudara-sudara yang kita sayang, mari suda torang baku sayang satu deng yang laeng, karna sayang itu dari Tuhan Allah. Jadi sapa saja yang sayang orang, dia itu kanal pa Tuhan Allah kong so jadi Tuhan Allah pe ana.