1 Yohanes 3:7 - Perjanjian Baru Bahasa Melayu Maluku Utara

⁷ Jadi, ngoni yang kita sayang sama deng kita pa ana-ana, ngoni jaga diri bae-bae, jang sampe orang tipu pa ngoni kong ngoni iko ajaran yang tara butul. Sapa yang biking barang yang butul, dia itu orang yang hidup butul sama deng Yesus Kristus itu butul.

1 Yohanes 3:7 Referans Kwoze

1 Yohanes 2:29

Ngoni tau Dia itu butul, jadi ngoni me musti tau, tiap orang yang jaga biking barang yang butul, orang itu so jadi Tuhan Allah pe ana.

Roma 2:13

Karna bukang orang-orang yang dengar aturan di lima kitab Musa yang Tuhan Allah bilang dorang itu orang butul, tapi orang-orang yang biking aturan itu.

1 Yohanes 3:3

Samua orang yang baharap pa Tuhan sama deng itu, orang itu musti salalu hidup deng hati bersi sama deng Yesus Kristus yang suci itu.

1 Yohanes 2:26

Samua yang kita tulis pa ngoni ini, mo kase tau pa ngoni tentang orang-orang yang berusaha mo tipu pa ngoni deng ajaran yang tara butul.

1 Yohanes 2:1

Sudara-sudara yang kita sayang sama deng kita pe ana-ana, kita tulis surat ini pa ngoni supaya jang ngoni biking dosa lagi. Tapi kalu ada dari ngoni yang biking dosa, ada yang mo bela pa dia di Tuhan Allah torang pe Bapa pe muka. Yang mo bela itu, Yesus Kristus, Dia yang adil.

Kisah Para Rasul 10:35

Tapi, Tuhan Allah tarima samua orang dari samua suku bangsa yang tako pa Dia deng yang jaga biking yang butul pa Dia pe muka.

Efesus 5:9

Karna orang yang hidup dalam tarang, dorang itu biking barang yang bae, yang butul, deng yang adil.

1 Petrus 2:24

Dia sandiri yang tanggung torang pe dosa waktu Dia mati di kayu salib, supaya torang bole bebas dari dosa pe kuasa, kong torang bole hidup untuk biking barang yang butul pa Tuhan Allah pe muka. Kong karna Dia pe luka-luka itu, torang jadi bae.

1 Korintus 6:9

Ngoni pasti tau, orang-orang yang biking tara butul, dorang tara mungkin jadi Tuhan Allah pe umat yang Dia Berkuasa sebagai Raja pa dorang pe hidup. Jang dengar orang yang bilang kata, Tuhan Allah pe umat bole biking barang tara bae, conto sama deng bagini: orang yang baseks sabarang, orang yang semba pa dia pe puji-puji, orang yang baku suka deng orang yang bukang dia pe laki atau bini, laki-laki yang baseks deng laki-laki,

Lukas 1:75

Kong selama torang hidup, torang hidup cuma biking Tuhan Allah pe mau, deng hidup cuma biking yang butul pa Tuhan Allah pe muka.”

Yakobus 2:19

Ngoni percaya cuma ada satu Tuhan saja, Tuhan Allah. Itu bagus, tapi tara cukup. Setang-setang me percaya itu kong dorang tako sampe totofore.

Filipi 1:11

Kita minta lagi supaya Yesus Kristus bakarja di ngoni pe hati la ngoni bole biking barang yang butul pa Tuhan Allah pe muka. Turus orang-orang mo puji deng hormat pa Tuhan Allah karna dorang lia yang ngoni so biking itu.

Matius 5:20

Jadi, dengar bae-bae yang Kita bilang ini. Guru-guru agama Yahudi yang ahli lima kitab Musa deng orang Yahudi dari aliran Farisi, dorang jaga iko Tuhan Allah pe aturan-aturan, cuma dorang tara biking yang butul pa Tuhan Allah pe muka. Tapi ngoni ini musti biking yang butul pa Tuhan Allah pe muka kalu ngoni mau jadi Tuhan Allah pe umat yang Dia Berkuasa sebagai Raja pa ngoni pe hidup.”

Yakobus 1:22

Jadi jang ngoni cuma dengar Tuhan Allah pe firman saja, tapi ngoni musti biking itu. Karna kalu tarada, itu sama deng ngoni tipu ngoni pe diri sandiri.

Ibrani 7:2

Turus, Abraham kase pa Melkisedek spulu persen dari barang-barang yang dia dapa waktu prang itu. Melkisedek pe nama pe arti, ‘Raja yang adil’. Deng, karna dia raja dari kota Salem, orang jaga pangge pa dia lagi raja Salem, yang pe arti, ‘raja yang bawa dame’.

Ibrani 1:8

Tapi pa Anak Allah, Tuhan Allah bilang bagini, “Ngana itu Tuhan Allah, Ngana mo dudu di kursi raja kong Berkuasa sebagai Raja pa Ngana pe umat sampe slama-lamanya. Ngana berkuasa itu deng adil.

Efesus 5:6

Jang ngoni dapa kase bodo dari orang-orang yang bilang kata, hal-hal itu bukang dosa. Barang, Tuhan Allah pasti mo hukum pa orang-orang yang biking hal-hal itu, karna dorang tara dengar-dengaran pa Tuhan Allah.

1 Yohanes 3:18

Jadi, ngoni yang kita sayang sama deng kita pe ana-ana, kalu torang sayang orang, jang cuma di mulu saja atau cuma bilang torang sayang pa dorang tapi torang tara biking apa-apa. Mari suda torang sayang pa orang butul-butul iko deng apa yang torang biking tiap hari pa orang laeng.

1 Yohanes 4:17

Tuhan Allah pe sayang itu biking torang butul-butul baku sayang iko Dia pe mau, supaya nanti di hari kiamat, waktu Tuhan mo adili pa samua orang, torang tara tako, karna waktu torang hidup di dunia ini, torang iko sama deng yang Tuhan Yesus biking.