1 Yohanes 3:6 - Perjanjian Baru Bahasa Melayu Maluku Utara6 Jadi tiap orang yang tetap hidup satu hati deng Tuhan Yesus, dia tara biking dosa lagi. Barang, kalu orang itu masi biking dosa, dia tara perna mangarti sapa Yesus Kristus deng tara perna kanal pa Dia. Gade chapit la |
Tiap orang yang Tuhan Allah so biking jadi Tuhan Allah pe ana, dia itu pe hidup so beruba jadi baru, deng dia me so tara biking dosa lagi, barang Tuhan Allah hidup pa orang itu pe diri, sama deng Tuhan Allah ada tanam bibit pa orang itu pe hati kong batumbu. Tuhan Allah so biking dia jadi Dia pe ana, jadi dia so tara biking dosa lagi.
Sudara-sudara yang kita sayang, skarang torang ini Tuhan Allah pe ana-ana. Jadi torang tau, nanti waktu Yesus Kristus, Raja yang Tuhan Allah pili itu so datang ulang, torang mo jadi sama deng Dia, barang torang mo lia pa Dia yang sebenarnya. Tapi tentang torang pe hidup nanti bagimana, Dia bolong kase tau samua pa torang.
Kong untuk torang samua yang percaya, so tara ada lagi yang tutu tong pe pikiran, jadi torang bisa lia Tuhan pe kuasa yang luar biasa. Turus, orang me bisa lia Tuhan pe kuasa yang luar biasa pa torang pe diri. Barang, Tuhan salalu ruba torang pe hidup supaya torang bole jadi sama deng Dia, tamba hari torang pe kalakuang deng torang pe hidup tamba bae. Tuhan yang biking torang jadi bagitu, Dia itu suda Roh Kudus.