1 Yohanes 3:4 - Perjanjian Baru Bahasa Melayu Maluku Utara

⁴ Tiap orang yang biking dosa, orang itu tara iko Tuhan pe parenta. Jadi kalu tara iko Tuhan pe parenta, itu dosa.

1 Yohanes 3:4 Referans Kwoze

1 Yohanes 5:17

Samua yang jahat yang orang biking, itu dosa, tapi ada dosa yang bisa dapa ampun, dosa itu tara biking orang dapa hukuman tapisa deng Tuhan Allah slama-lamanya.

Roma 3:20

Barang, tarada satu orang yang jadi orang yang butul pa Tuhan Allah pe muka karna dia iko aturan-aturan di lima kitab Musa. Mala dari aturan itu, torang jadi tau, torang berdosa.

2 Korintus 12:21

Kita hawater, kalu kita datang itu, kita dapa ngoni masi biking dosa sama deng dulu, kong ngoni bolong bertobat. Kalu bagitu, kita jadi malu pa Tuhan Allah pe muka, kong kita mo manangis karna banya dari ngoni yang pe kalakuang masi cafarune, yang baseks sabarang, deng yang masi biking hal-hal yang tara pantas untuk mo biking.

Roma 4:15

Barang, kalu orang mo iko aturan di lima kitab Musa, dia tara mampo iko aturan itu, mala dia cuma biking Tuhan Allah mara sampe Tuhan Allah mo hukum pa dorang. Tapi kalu tarada aturan di lima kitab Musa, pasti tarada orang yang mo langgar aturan itu.

Yakobus 5:15

Kalu dorang berdoa deng hati yang sunggu-sunggu percaya pa Tuhan, Tuhan akan kase sembu orang itu. Kong kalu dia so biking dosa, Tuhan mo kase ampun pa dia dari dia pe dosa.

Matius 5:19

Karna itu, sapa yang langgar satu aturan saja, biar yang paling kacil, kong kase ajar pa orang laeng la iko sama deng dia, dia itu mo jadi orang yang paling tara penting di antara Tuhan Allah pe umat yang Tuhan Allah Berkuasa sebagai Raja. Tapi sapa yang iko samua aturan itu kong kase ajar pa orang laeng supaya orang laeng iko sama deng dia, dia itu mo jadi orang yang paling penting di antara Tuhan Allah pe umat yang Tuhan Allah Berkuasa sebagai Raja.

Kisah Para Rasul 23:3

Turus, Paulus bilang pa Ananias, “Ee, bapa ada di situ mo adili pa kita iko aturan di lima kitab Musa, tapi bapa sandiri yang langgar aturan itu waktu bapa parenta orang tampeleng pa kita. Pangbafoya! Tuhan Allah akan balas tampeleng pa bapa.”