1 Yohanes 3:21 - Perjanjian Baru Bahasa Melayu Maluku Utara

²¹ Sudara-sudara yang kita sayang, kalu di torang pe hati torang tau torang tara sala, torang tara usa tako lagi badekat pa Tuhan Allah.

1 Yohanes 3:21 Referans Kwoze

1 Yohanes 2:28

Ngoni yang kita sayang sama deng kita pe ana-ana, ngoni musti tetap hidup satu hati deng Yesus Kristus, supaya waktu Dia datang ulang, torang so tara tako deng tara malu mo mangada pa Dia.

Ibrani 4:16

Karna itu, jang torang tako lagi, tapi mari suda torang badekat untuk berdoa pa Tuhan Allah, torang pe Raja yang pe hati bae. Torang berdoa pa Dia itu, supaya Dia tolong pa torang sampe torang tarima Dia pe rasa kasiang deng Dia pe bae, pas di waktu yang torang perlu.

2 Korintus 1:12

Sudara-sudara, yang biking torang pe hati sanang, itu karna tong pe dalam hati sandiri yang kase tau ini butul: torang pe kalakuang pa samua orang di dunia itu bae deng lebe-lebe lagi tong pe hubungan deng ngoni me bae. Torang pe hidup jujur, deng tong pe tujuan butul iko Tuhan Allah pe mau. Kong samua yang tong biking itu bukang karna tong iko manusia pe pande, tapi karna Tuhan Allah pe bae sampe tong mampo biking samua itu.

1 Yohanes 5:14

Kong torang tara usa tako badekat pa Tuhan Allah. Barang, torang tau kalu torang minta apa saja iko Dia pe mau, torang bole yakin Dia dengar apa yang torang minta itu.

1 Yohanes 4:17

Tuhan Allah pe sayang itu biking torang butul-butul baku sayang iko Dia pe mau, supaya nanti di hari kiamat, waktu Tuhan mo adili pa samua orang, torang tara tako, karna waktu torang hidup di dunia ini, torang iko sama deng yang Tuhan Yesus biking.

Ibrani 10:22

Dia so biking torang pe hubungan deng Tuhan Allah jadi bae-bae ulang, jadi mari suda torang datang pa Tuhan Allah deng hati yang tara ragu deng percaya butul-butul pa Dia. Barang, torang pe hati so jadi bersi dari yang jahat, deng tong pe badan so dapa kase bersi deng aer bersi.

1 Korintus 4:4

Barang, di kita pe hati, kita rasa kita so biking kita pe tugas bae-bae sama deng yang Tuhan Allah suru. Tapi itu tara berarti kita ini orang yang butul. Nanti Tuhan Allah sandiri yang nilai kong bilang, kita butul ka tarada.

1 Timotius 2:8

Karna itu, kita mau orang-orang percaya berdoa di mana-mana, yang laki-laki angka tangan kong puji pa Tuhan deng hati yang bersi. Dorang tara bole mara deng tara bole baku malawang deng orang laeng.

Roma 14:22

Kalu ngoni yakin apa yang ngoni makang, minum atau biking itu tara sala, biar suda ngoni simpang itu di ngoni pe dalam hati supaya cuma ngoni deng Tuhan Allah saja yang tau, tara perlu ngoni suru orang laeng iko apa yang ngoni biking itu. Kalu ngoni rasa tara sala waktu ngoni biking satu barang yang ngoni yakin itu butul, ngoni itu suda yang paling sanang.

Efesus 3:12

Kong karna torang so percaya pa Yesus Kristus, torang dapa pintu maso untuk badekat pa Tuhan Allah, deng torang tara usa tako tapi bole yakin Dia akan tarima pa torang.

1 Yohanes 2:7

Sudara-sudara yang kita sayang, parenta yang kita tulis ini, bukang parenta yang baru tapi parenta yang so ada pa ngoni dari dulu. Parenta itu bagini: ngoni musti baku sayang satu deng yang laeng. Itu firman yang ngoni so perna dengar.

1 Yohanes 3:2

Sudara-sudara yang kita sayang, skarang torang ini Tuhan Allah pe ana-ana. Jadi torang tau, nanti waktu Yesus Kristus, Raja yang Tuhan Allah pili itu so datang ulang, torang mo jadi sama deng Dia, barang torang mo lia pa Dia yang sebenarnya. Tapi tentang torang pe hidup nanti bagimana, Dia bolong kase tau samua pa torang.

1 Yohanes 3:20

biar lagi torang pe hati masi rasa bersala karna torang berdosa. Barang, Tuhan Allah lebe basar dari torang pe hati deng Dia tau samua yang torang pikir deng torang biking.