Biblia Todo Logo
Bib sou entènèt

- Piblisite -




1 Yohanes 3:12 - Perjanjian Baru Bahasa Melayu Maluku Utara

12 Jang ngoni sama deng Kain. Iblis so kuasai pa dia jadi dia bunu dia pe ade sandiri. Kain bunu pa dia pe ade karna Kain itu jahat, deng karna samua yang dia pe ade biking, Tuhan Allah lia itu butul.

Gade chapit la Kopi




1 Yohanes 3:12
31 Referans Kwoze  

Kong karna Habel percaya pa Tuhan Allah, jadi dia kase binatang korban persembahan pa Tuhan Allah iko apa yang Tuhan Allah suru, tara sama deng dia pe kaka Kain. Deng karna Habel pe percaya itu, Tuhan Allah tarima deng hati sanang Habel pe persembahan itu, deng bilang, Habel itu so tara sala pa Tuhan Allah pe muka. Jadi biar Habel so mati, dia pe percaya itu jadi conto pa torang. Itu sama saja deng dia masi hidup kong bicara untuk ajar pa torang.


Cilaka suda dorang! Tuhan Allah akan kase hukuman pa dorang nanti karna dorang orang yang jahat macam deng Kain. Dorang me berdosa sama deng Bileam, yang bawa orang Israel biking dosa cuma karna golojo doi. Kong dorang me sama deng Korah yang malawang pa Tuhan Allah, jadi dorang akan dapa hukuman lagi.


mulai dari Habel sampe nabi Zakharia, yang dapa bunu di Ruma Ibada Pusat, antara tampa yang jaga bakar binatang korban persembahan deng Ruang Paling Suci. Dengar bae-bae yang Kita bilang ini: orang-orang skarang ini yang akan mo dapa hukum dari samua yang so jadi itu.


Karna itu, Tuhan Allah mo hukum pa ngoni karna samua orang yang ngoni pe orang tua dulu-dulu so bunu di dunia, mulai dari Habel sampe pa Berekhya pe ana, nabi Zakharia, yang dapa bunu di Ruma Ibada Pusat antara tampa bakar korban persembahan deng Ruang Paling Suci. Dorang itu orang yang jaga biking yang butul pa Tuhan Allah pe muka.


Tapi skarang, dorang yang jaga biking hal-hal jahat itu jadi herang pa ngoni, karna ngoni so tara iko biking barang yang jahat sampe tarada dia pe batas, sama deng dorang. Jadi dorang kase tara bae ngoni pe nama.


Kong di situ lagi ngoni baku dapa deng Yesus Kristus. Dia itu yang mati supaya jadi sama deng jambatan la biking janji yang baru antara Tuhan Allah deng manusia. Kong Dia pe dara yang tatumpa itu lebe bagus dari Habel pe dara yang tatumpa dulu, barang hasil dari Habel pe dara itu, orang dapa hukum, tapi hasil dari Yesus pe dara itu biking orang bole dapa ampun dari dosa.


Tapi sapa yang biking dosa turus, dia itu Iblis pe ana, karna Iblis itu jaga biking dosa dari dulu. Jadi Yesus Anak Allah itu datang untuk kase ancor samua yang Iblis biking.


Coba ngoni bilang, nabi mana yang ngoni pe orang tua dulu-dulu tara perna siksa? Mala dorang bunu pa nabi-nabi yang kase tau Yesus, Orang yang butul itu mo datang. Kong ngoni me sama saja deng dorang. Ngoni tau Dia so datang, tapi ngoni bahianat deng bunu pa Dia.


Tapi Yesus bilang pa dorang, “Ngoni so lia Kita biking banya hal yang bae yang Kita pe Bapa suru Kita biking. Kong, mana yang biking sampe ngoni mo lempar pa Kita deng batu?”


Kong Pilatus tanya lagi pa dorang, “Dia so biking kajahatan apa kong?” Tapi orang banya itu bataria tamba kuat, “Salib suda pa Dia!”


Kalu kobong itu, sama deng dunia. Turus, bibit yang bagus itu, sama deng orang-orang yang Tuhan Allah so Berkuasa sebagai Raja pa dorang. Tapi bibit kusu-kusu itu, sama deng orang-orang yang iko pa Iblis, setang-setang pe raja.


Bibit yang jatu di jalang itu sama deng orang-orang yang dengar firman tentang Tuhan Allah Berkuasa sebagai Raja, tapi dorang tara mangarti butul-butul. Pe abis dorang dengar firman Tuhan itu, Iblis, setang-setang pe raja datang kong ambe firman itu dari dorang pe hati.


Kita lia parampuang tara bae itu mabo karna dia minum dara dari orang-orang yang so jadi Tuhan Allah pe umat, deng dara dari orang-orang yang mati karna kase tau tentang Tuhan Yesus. Waktu kita lia itu, kita herang skali.


Sudara-sudara, ngoni so dapa siksa dari ngoni pe sudara satu bangsa di kota Tesalonika. Itu sama deng orang Yahudi yang percaya pa Kristus Yesus di daera Yudea yang dapa siksa dari dorang pe orang sandiri.


Jadi kalu memang butul, bilang saja, ‘Iyo’. Kalu tarada, bilang saja ‘Tarada’. Karna kalu ngoni bilang lebe dari itu, itu pe asal so dari Iblis, setang-setang pe raja.”


Tapi apa yang ngoni biking tara sama deng Abraham, mala ngoni berusaha mo bunu pa Kita cuma karna Kita so bilang pa ngoni ajaran yang butul, yang Kita dengar dari Tuhan Allah. Apa yang ngoni biking itu tara iko sama deng yang Abraham so biking.


Tapi ngoni so biking iko ngoni pe papa yang laeng pe conto.” Dorang jawab, “Ee, torang ini bukang ana di luar nika. Torang pe Bapa cuma satu, Dia itu Tuhan Allah.”


Swiv nou:

Piblisite


Piblisite