1 Yohanes 3:10 - Perjanjian Baru Bahasa Melayu Maluku Utara

¹⁰ Torang bisa tau sapa yang jadi Tuhan Allah pe ana-ana deng sapa yang jadi Iblis pe ana-ana. Orang yang tara biking Tuhan Allah pe mau deng tara sayang pa dia pe sudara yang percaya pa Tuhan, dia itu bukang Tuhan Allah pe ana.

1 Yohanes 3:10 Referans Kwoze

1 Yohanes 4:8

Tapi sapa yang tara sayang orang, dia tara kanal pa Tuhan Allah, barang Tuhan Allah itu pangsayang.

3 Yohanes 1:11

Gayus, kita pe sudara yang kita sayang, jang iko barang yang jahat, tapi iko barang yang bae. Sapa yang biking barang bae, dia itu Tuhan Allah pe umat. Tapi sapa yang biking barang yang jahat, dia itu bolong kanal pa Tuhan Allah.

1 Yohanes 4:21

Ini parenta yang torang tarima dari Tuhan Allah: sapa saja yang sayang pa Tuhan Allah, dia me musti sayang pa dia pe sudara yang percaya.

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

Matius 13:38

Kalu kobong itu, sama deng dunia. Turus, bibit yang bagus itu, sama deng orang-orang yang Tuhan Allah so Berkuasa sebagai Raja pa dorang. Tapi bibit kusu-kusu itu, sama deng orang-orang yang iko pa Iblis, setang-setang pe raja.

Yohanes 8:47

Sapa saja yang pe asal dari Tuhan Allah, dia dengar kong tarima Tuhan Allah pe ajaran. Tapi ngoni ini tara mau dengar Tuhan Allah pe ajaran, karna ngoni pe asal bukang dari Tuhan Allah.”

Lukas 6:35

Tapi jang ngoni bagitu! Ngoni musti sayang pa ngoni pe musu-musu deng biking yang bae pa dorang. Ngoni kase pinjam apa yang ngoni punya, kong tara usa harap dong mo kase pulang pa ngoni. Kalu ngoni biking bagitu, ngoni mo dapa upah basar. Deng kalu ngoni biking bagitu, ngoni mo jadi sama deng Tuhan Allah yang Paling Tinggi pe ana-ana. Barang, Tuhan Allah bae pa samua orang, biar dorang itu jahat atau tara tau batarimakasi.

1 Yohanes 4:6

Torang ini dari Tuhan Allah. Jadi orang yang kanal pa Tuhan Allah, dia dengar pa torang. Tapi orang yang tara kanal pa Tuhan Allah, dia tara dengar pa torang. Dari situ torang dapa tau, orang yang ada Tuhan Allah pe Roh, dia bawa ajaran yang butul, deng orang yang tarada Tuhan Allah pe Roh, dia bawa ajaran yang tara butul.

Efesus 5:1

Sudara-sudara, ngoni itu Tuhan Allah pe ana-ana yang Dia sayang. Jadi, ngoni musti berusaha iko Tuhan Allah pe sifat.

1 Yohanes 5:2

Turus kalu torang sayang pa Tuhan Allah deng iko Dia pe parenta-parenta, itu jadi bukti torang me sayang Dia pe ana-ana.

1 Yohanes 2:29

Ngoni tau Dia itu butul, jadi ngoni me musti tau, tiap orang yang jaga biking barang yang butul, orang itu so jadi Tuhan Allah pe ana.

Kisah Para Rasul 13:10

kong bilang, “Woe Iblis pe ana! Ngana memang tukang foya deng jahat. Ngana tukang malawang samua yang butul. Tuhan Allah pe rencana mo kase slamat pa manusia, tapi ngana salalu berusaha kase putar rencana itu.

1 Yohanes 5:19

Biar Iblis kuasai seluru dunia ini, torang tau, torang ini Tuhan Allah pe ana-ana.

Yohanes 1:12

Tapi biar bagitu, ada orang yang tarima pa Dia deng percaya pa Dia. Pa dorang itu, Dia kase kuasa supaya dorang jadi Tuhan Allah pe ana-ana.

Yohanes 11:52

Kong bukang cuma untuk bangsa Yahudi saja, tapi Dia mati untuk samua orang yang mo jadi Tuhan Allah pe umat, supaya dorang di samua bangsa yang tapisa-pisa bole jadi satu.

Roma 13:8

Jang ngoni bautang apa-apa pa sapa-sapa. Kacuali satu hal yang amper sama deng utang, yang ngoni musti biking turus-turus dalam ngoni pe hidup: ngoni musti baku-baku sayang satu deng yang laeng. Karna sapa saja yang sayang pa orang laeng, dia itu so biking samua aturan yang tatulis di lima kitab Musa.

Kolose 3:14

Kong yang paling penting dari samua itu, ngoni musti baku-baku sayang satu deng yang laeng. Barang, deng ngoni baku-baku sayang bagitu, ngoni taika jadi satu, deng sempurna.

1 Timotius 1:5

Kita kase nasehat ini pa ngana, dia pe tujuan supaya orang-orang percaya baku sayang. Torang bisa baku sayang kalu torang pe hati so bersi, torang pe hati tau apa yang butul, deng tong so butul-butul percaya pa Tuhan.

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

1 Yohanes 3:2

Sudara-sudara yang kita sayang, skarang torang ini Tuhan Allah pe ana-ana. Jadi torang tau, nanti waktu Yesus Kristus, Raja yang Tuhan Allah pili itu so datang ulang, torang mo jadi sama deng Dia, barang torang mo lia pa Dia yang sebenarnya. Tapi tentang torang pe hidup nanti bagimana, Dia bolong kase tau samua pa torang.