1 Yohanes 2:4 - Perjanjian Baru Bahasa Melayu Maluku Utara4 Sapa saja yang bilang, “Kita kanal pa Tuhan Allah,” tapi dia tara biking Tuhan Allah pe parenta-parenta, dia itu pangbafoya kong ajaran yang butul tara ada di dia pe dalam hati. Gade chapit la |
Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.
Kita suru ngana cari orang yang pimpin macam bagitu, karna dorang itu musti kuat hadapi banya orang yang tantang ajaran yang butul skarang ini. Orang-orang itu suka pengaru orang laeng supaya iko pa dorang, padahal dorang pe ajaran itu ajaran yang sala deng tara guna. Lebe-lebe lagi, ada dari dorang itu, orang agama Yahudi yang so percaya pa Yesus, tapi dong kase ajar kata, kalu orang bukang Yahudi yang mo iko pa Yesus, musti sunat dulu.