1 Yohanes 2:21 - Perjanjian Baru Bahasa Melayu Maluku Utara

²¹ Kita tulis surat ini pa ngoni, bukang karna ngoni tara tau ajaran yang butul, tapi karna ngoni so tau itu, deng ngoni me tau, tarada yang tara butul di ajaran yang butul itu.

1 Yohanes 2:21 Referans Kwoze

2 Petrus 1:12

Kong biar ngoni so tau samua itu, deng ngoni so kuat iko Tuhan pe ajaran yang ngoni so dengar, kita tetap mo kase inga turus pa ngoni.

Yudas 1:5

Samua yang kita bilang ini ngoni so tau, tapi kita akan kase inga lagi: Tuhan Allah pasti kase hukuman pa orang yang biking jahat. Dulu, Tuhan Allah kase bebas pa orang-orang Israel dari bangsa Mesir yang jaja pa dorang, tapi abis itu, dari dorang ada yang tara percaya lagi pa Tuhan, jadi Dia kase mati pa dorang itu.

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

Yohanes 18:37

Turus gubernur Pilatus batanya lagi pa Yesus, “Jadi Bapa ini Raja?” Yesus jawab pa dia, “Bapa yang bilang Kita ini Raja, deng memang itu butul suda dia pe tujuan Kita lahir deng Kita datang di dunia ini, supaya Kita bole kase tau yang butul. Kong sapa yang suka yang butul, dia pasti dengar pa Kita.”

Yakobus 1:19

Sudara-sudara yang kita sayang, ngoni musti inga hal-hal ini: kalu ada orang sementara bicara, ngoni dengar bae-bae dulu pa dia, jang ngoni capat bicara deng jang ngoni capat mara.

1 Yohanes 3:19

Kalu torang sayang pa orang bagitu, torang bisa tau torang ini iko yang butul, deng torang pe hati jadi tenang pa Tuhan Allah pe muka,