1 Timotius 2:2 - Perjanjian Baru Bahasa Melayu Maluku Utara

² Torang musti kase berdoa pa raja-raja deng pa pemimpin-pemimpin laeng, supaya torang bole hidup aman deng baku bawa bae-bae. Deng bagitu, torang bole hidup iko Tuhan Allah pe mau deng torang pe kalakuang yang pantas untuk orang yang so percaya pa Tuhan.

1 Timotius 2:2 Referans Kwoze

1 Tesalonika 4:11

Ngoni musti berusaha hidup baku bawa bae-bae deng orang laeng. Jang ngoni campur orang laeng pe urusan, tapi lebe bae ngoni urus ngoni pe urusan sandiri. Ngoni musti karja deng ngoni pe tangan sandiri untuk dapa ngoni pe makang deng ngoni pe keperluan hari-hari, sama deng torang so perna pasáng pa ngoni.

Ibrani 12:14

Ngoni berusaha suda hidup baku bawa bae-bae deng samua orang, deng ngoni berusaha lagi hidup deng hati yang bersi pa Tuhan Allah pe muka. Kalu orang tara hidup deng hati bersi pa Tuhan Allah pe muka, orang itu nanti tara mo lia pa Tuhan Allah.

Roma 12:18

Kong ngoni berusaha hidup dame turus deng samua orang, apalagi hidup dame itu musti ngoni yang kamuka biking!

Filipi 4:8

Jadi sudara-sudara, ini kita pe nasehat terahir yang kita mo bilang pa ngoni. Ngoni musti pikir turus-turus samua yang ada guna macam bagini: samua yang butul, samua yang pantas orang hormati, samua yang adil, samua yang tara biking ngoni berdosa, samua yang bae, samua yang bagus yang orang suka mo kase carita, deng samua yang pantas untuk orang puji. Ngoni musti pikir turus samua itu.

Kisah Para Rasul 24:16

Kong karna kita percaya deng yakin bagitu, kita salalu berusaha hidup deng hati bersi pa Tuhan Allah pe muka deng pa manusia.

Kisah Para Rasul 10:22

Dorang bilang pa dia, “Bagini, bapa. Torang pe komandan kompi bapa Kornelius, suru torang datang kamari. Dia hidup butul pa Tuhan Allah pe muka deng jaga semba pa Tuhan Allah. Kong samua orang Yahudi bilang dia itu orang bae-bae. Kong baru saja, Tuhan Allah pe malaekat kudus suru pa dia la undang pa bapa pigi pa dia pe ruma, supaya dia bole dengar apa yang bapa bilang.”

Lukas 2:25

Waktu itu di Yerusalem, ada satu orang dia pe nama Simeon. Dia itu hidup butul pa Tuhan Allah pe muka deng dia dengar-dengaran pa Tuhan Allah. Deng dia ada tunggu waktu yang nanti Tuhan Allah mo kase slamat pa bangsa Israel. Kong Roh Kudus salalu sama-sama deng dia.

Lukas 1:6

Dorang dua laki bini ini hidup butul pa Tuhan Allah pe muka, deng dong iko samua Dia pe parenta deng aturan-aturan, kong tarada yang bisa kase sala pa dorang.