1 Timotius 1:9 - Perjanjian Baru Bahasa Melayu Maluku Utara

⁹ Torang tau aturan-aturan yang ada di lima kitab Musa itu Tuhan Allah pe tujuan bukang untuk orang yang so hidup butul pa Dia pe muka, tapi untuk larang orang-orang yang bagini: yang malawang Tuhan Allah pe parenta, yang tara iko Tuhan Allah pe aturan, yang jaga biking dosa, yang cuma iko dorang pe mau sandiri, yang tara percaya pa Tuhan, yang bunu pa dorang pe papa deng mama deng pa orang laeng,

1 Timotius 1:9 Referans Kwoze

Galatia 3:19

Jadi karna Tuhan Allah so kamuka biking janji deng Abraham, turus Dia pe maksut apa deng biking lagi aturan-aturan di lima kitab Musa itu? Tuhan Allah tamba aturan-aturan itu supaya torang sadar, torang manusia berdosa. Kong, torang musti iko aturan-aturan itu sampe dia pe waktu Abraham pe turunan Satu yang Tuhan Allah janji itu datang. Waktu Tuhan Allah kase aturan-aturan itu, Dia pe malaekat-malaekat kase sampe pa nabi Musa, baru nabi Musa kase sampe pa orang-orang Yahudi. Deng bagitu, nabi Musa jadi orang yang sama deng jambatan antara Tuhan Allah deng manusia.

1 Petrus 4:18

Di Kitab Suci ada tatulis bagini, “Kalu orang yang hidup butul pa Tuhan Allah pe muka saja amper-amper tara dapa slamat, bagimana lagi deng orang-orang yang tara iko pa Tuhan Allah deng orang-orang yang jaga biking dosa, pasti dong tara slamat, to?”

Roma 5:20

Tuhan Allah kase aturan di lima kitab Musa supaya manusia tau persis, dorang so paling banya biking dosa. Tapi biar manusia pe dosa tamba banya, Tuhan Allah pe bae pa manusia lebe tamba banya.

Galatia 5:23

tara kasar, deng kuasai diri sandiri. Tara ada aturan yang kase sala orang yang hidup macam bagitu.

Titus 3:3

Barang, dulu waktu torang bolong percaya pa Yesus, torang tara mangarti apa-apa. Jadi torang malawang pa Tuhan, torang me tapengaru deng hal-hal yang jahat. Napsu deng keinginan yang tara bae so kuasai di torang pe hati kong torang hidup baku mangiri deng orang laeng. Torang jahat pa orang deng torang salalu baku binci.

Roma 6:14

Jadi, dosa so tara bole kuasai lagi pa ngoni, barang ngoni dapa slamat bukang karna iko aturan di lima kitab Musa, tapi karna Tuhan Allah pe bae.

Roma 1:30

Dorang itu jaga kase tara bae orang pe nama, binci pa Tuhan Allah, pandang enteng, sombong, suka bicara tinggi-tinggi, pintar biking barang yang jahat deng suka malawang pa orang tua.

Wahyu 22:15

Tapi ada orang-orang yang tara bole maso di kota itu. Dorang itu: orang yang tara percaya pa Tuhan, orang yang jaga pake tiop-tiop, orang yang baseks sabarang, orang yang jaga bunu orang, orang yang semba dong pe puji-puji, deng tiap orang yang suka bafoya kong biking itu turus-turus.

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”

Titus 1:16

Dorang bilang kata, dorang kanal pa Tuhan Allah, padahal dong pe kalakuang itu kase tunju dorang itu tara kanal pa Dia. Orang-orang yang jahat bagitu, dorang tara iko Tuhan Allah pe mau, deng tara mampo biking barang yang bae.

1 Petrus 3:20

Roh-roh itu, orang-orang mati pe roh yang waktu jaman Nuh dong tara dengar-dengaran pa Tuhan Allah. Waktu itu Nuh ada biking kapal basar. Sementara itu, Tuhan Allah tunggu deng sabar la manusia jaman itu mo ruba dong pe kalakuang yang tara bae, tapi dorang tara mau. Karna itu, waktu banjir basar datang, cuma delapan orang yang maso di kapal itu kong slamat.

Ibrani 11:31

Di kota itu, ada parampuang nama Rahab. Biar dia parampuang tara bae, tapi dia percaya pa Tuhan Allah kong dia bantu pa orang Israel pe mata-mata, deng tarima bae-bae dorang pa dia pe ruma. Karna dia pe percaya itu, dia tara dapa bunu sama-sama deng orang-orang yang tara dengar-dengaran pa Tuhan Allah.

2 Tesalonika 2:8

Waktu itu, baru orang jahat itu mo muncul. Tapi waktu Tuhan Yesus datang ulang deng Dia pe kuasa yang hebat, orang jahat itu akan mati slama-lamanya. Tuhan Yesus bunu pa dia deng cara tiop pa dia, langsung dia mati.

Roma 4:13

Tuhan Allah janji mo kase dunia pa Abraham deng pa dia pe turunan, bukang karna Abraham jaga iko aturan di lima kitab Musa, tapi karna Abraham percaya pa Tuhan Allah, itu sampe Tuhan Allah biking dia jadi orang yang tara sala pa Tuhan Allah pe muka.

Matius 10:21

Nanti ada dia pe waktu, orang akan serakan dia pe sudara la dapa bunu. Bagitu me deng papa-papa, dorang akan biking bagitu pa dong pe ana-ana. Kong ada lagi ana-ana yang akan malawang pa dong pe orang tua, kong dorang serakan dong pe orang tua la dapa bunu.

1 Petrus 2:7

Jadi untuk ngoni yang percaya pa Yesus, Dia itu paling berharga. Tapi untuk dorang yang tara percaya, Tuhan Allah so bilang bagini di Kitab Suci, “Batu yang tukang-tukang bangunan so tara pake, so jadi batu fandasi yang paling penting.”

Ibrani 12:16

Ngoni jaga supaya jang ada dari ngoni yang baseks sabarang. Jang lagi ada yang tara hormati pa Tuhan Allah sama deng dulu Esau. Esau itu ada hak untuk dapa janji berkat dari Tuhan Allah, tapi dia pandang enteng janji berkat itu kong jual dia pe hak sebagai ana yang tua, cuma untuk makanang satu piring.

Galatia 5:21

mangiri orang pe barang, pangmabo, babapesta kong mabo-mabo sampe biking hal sabarang, deng biking hal-hal laeng yang tara bagus lagi. Tentang samua hal yang tara bagus itu, hari ini kita kase inga ulang pa ngoni, sama deng yang kita so perna bilang pa ngoni dulu, bagini: orang yang hidup bagitu tara akan dapa bagian waktu Tuhan Allah Berkuasa sebagai Raja pa Dia pe umat.

Galatia 5:18

Tapi kalu torang kase tong pe diri untuk Roh Kudus pimpin, torang tara musti iko aturan-aturan di lima kitab Musa.

1 Timotius 4:7

Jang ngana badekat deng orang-orang yang suka carita dulu-dulu yang tarada dia pe guna, yang Tuhan Allah tara suka itu. Tapi lebe bae, ngana lati ngana pe diri bae-bae supaya ngana bole biking Tuhan Allah pe mau.

1 Timotius 6:20

Timotius, ngana musti jaga bae-bae samua yang Tuhan so kase percaya pa ngana. Jang ngana badekat deng orang yang bacarita hal yang tarada dia pe guna deng yang tara hormati pa Tuhan Allah. Deng jang ngana badekat pa orang yang bawa ajaran sesat, yang orang jaga bilang ‘pengetahuan’, padahal itu sala.

2 Timotius 2:16

Jang ngana badekat pa orang-orang yang bacarita yang tarada guna deng yang tara hormati pa Tuhan Allah. Karna orang-orang yang jaga bacarita bagitu, dong itu tara iko Tuhan Allah pe mau.

2 Timotius 3:2

Hari-hari itu, orang-orang cuma sayang dorang pe diri sandiri, deng dong pe doi. Dorang suka bicara tinggi deng sombong. Dorang suka kase tara bae orang pe nama, malawang pa dong pe orang tua, deng tara tau batarimakasi. Dorang sama skali tara mau iko Tuhan pe mau.

Titus 1:6

Tiap orang yang ngana pili mo jadi penatua, dia pe cara hidup musti butul, deng dia musti hidup setia pa satu bini saja. Dia pe ana-ana me musti percaya pa Yesus Kristus, deng tarada orang yang bilang ana-ana itu suka biking barang yang jahat atau dorang itu pangmalawang.

Titus 1:10

Kita suru ngana cari orang yang pimpin macam bagitu, karna dorang itu musti kuat hadapi banya orang yang tantang ajaran yang butul skarang ini. Orang-orang itu suka pengaru orang laeng supaya iko pa dorang, padahal dorang pe ajaran itu ajaran yang sala deng tara guna. Lebe-lebe lagi, ada dari dorang itu, orang agama Yahudi yang so percaya pa Yesus, tapi dong kase ajar kata, kalu orang bukang Yahudi yang mo iko pa Yesus, musti sunat dulu.

Yudas 1:15

Dia datang untuk adili pa samua orang, deng Dia lagi mo hukum pa orang-orang yang tara semba pa Tuhan Allah karna samua dong pe kalakuang yang tara iko Tuhan Allah pe mau deng samua dong pe kata-kata kasar tentang Tuhan.”