1 Timotius 1:10 - Perjanjian Baru Bahasa Melayu Maluku Utara

¹⁰ yang baseks sabarang, laki-laki yang baseks deng laki-laki, yang jaga pancuri orang kong jual untuk biking dia jadi orang karja, yang pangbafoya, yang jadi saksi yang tara butul, deng yang jaga biking hal-hal yang tara baku cocok deng ajaran yang butul.

1 Timotius 1:10 Referans Kwoze

2 Timotius 4:3

Ngana musti rajin biking itu karna akan ada dia pe waktu, orang-orang tara mau dengar lagi ajaran yang butul. Mala dorang cuma mo pangge guru-guru agama yang dorang suka. Guru-guru itu mo bilang pa dorang hal-hal yang dorang suka dengar saja supaya cuma iko dorang pe mau.

Roma 1:26

Jadi karna dorang so tara semba lagi pa Tuhan Allah, Dia kase biar pa dorang iko dorang pe napsu tara bae yang biking malu dong pe diri sandiri. Parampuang-parampuang so tara suka pa laki-laki, mala dorang cuma baku suka deng parampuang saja.

Wahyu 21:27

Tapi samua yang jahat, atau orang yang jaga biking hal-hal yang cafarune atau yang jaga kase foya orang, dorang tara akan maso di kota itu. Yang bisa maso di kota itu cuma orang-orang yang dong pe nama ada tatulis di Anak Domba pe buku kehidupan. Di buku itu ada tulis orang-orang pe nama yang dapa hidup deng Tuhan Allah slama-lamanya.

1 Timotius 6:3

Ajaran ini dari Yesus Kristus torang pe Tuhan. Kalu iko ajaran itu, torang hidup iko Tuhan Allah pe mau. Tapi ada orang yang tara percaya torang pe ajaran itu, kong bawa ajaran yang sesat. Sapa yang kase ajar ajaran yang sesat,

Yudas 1:7

Bagitu lagi yang jadi di kota Sodom deng Gomora, deng kota-kota laeng yang baku dekat deng dua kota itu. Orang-orang di kota-kota itu jaga baseks sabarang, deng baseks iko napsu yang tara pantas dorang biking. Karna itu, dorang dapa hukuman di api yang tara mati-mati, kong itu jadi conto untuk kase inga pa samua orang, orang jahat pasti mo dapa hukum dari Tuhan.

Titus 1:9

Dia musti pegang butul-butul Tuhan pe ajaran yang dia so dapa, supaya dia mampo kase nasehat pa orang laeng iko ajaran itu, deng dia me bisa kase mangarti pa orang-orang yang suka lawan ajaran yang butul supaya dorang jadi yakin deng ajaran itu.

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”

Ibrani 13:4

Samua orang musti hargai dong pe perkawinan. Laki bini musti setia, tara bole baku suka deng orang laeng. Barang, Tuhan Allah akan hukum pa orang-orang yang baseks sabarang deng pa orang yang baku suka deng orang pe laki atau orang pe bini.

Wahyu 22:15

Tapi ada orang-orang yang tara bole maso di kota itu. Dorang itu: orang yang tara percaya pa Tuhan, orang yang jaga pake tiop-tiop, orang yang baseks sabarang, orang yang jaga bunu orang, orang yang semba dong pe puji-puji, deng tiap orang yang suka bafoya kong biking itu turus-turus.

2 Timotius 1:13

Jadi Timotius, iko saja ajaran yang ngana so dengar dari kita. Ajaran itu butul deng bisa jadi conto la ngana kase ajar pa orang laeng. Ngana musti percaya turus pa Yesus deng sayang pa samua orang, itu yang jadi bukti ngana jadi satu deng Kristus Yesus.

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

Titus 1:13

Apa yang nabi so kase tau itu butul. Jadi ngana musti tegas kase inga pa dorang supaya dorang butul-butul iko ajaran yang butul saja.

Wahyu 18:13

So tarada lagi yang mo bili dorang pe kayu manis, minya wangi, balsem, mur, deng kemenyan. So tarada lagi yang mo bili dong pe anggur, minya zaitun, tarigu deng gandum. So tarada lagi yang mo bili dong pe sapi, domba, kuda, kereta deng orang karja.

1 Timotius 4:6

Timotius, ngana musti kase ajar hal-hal itu turus pa orang-orang percaya supaya dorang jang iko ajaran sesat. Kalu ngana kase ajar samua itu, ngana so jadi Kristus Yesus pe pelayan yang bae. Ngana pe percaya me akan jadi kuat karna ngana iko turus ajaran yang butul yang orang ajar pa ngana dari dulu.