1 Korintus 3:3 - Perjanjian Baru Bahasa Melayu Maluku Utara

³ Barang sampe skarang, ngoni pe kalakuang masi iko manusia pe mau. Kita bilang bagitu, barang ada dari ngoni yang jaga baku mangiri, deng baku-baku ambe. Itu dia pe tanda ngoni masi iko manusia pe mau.

1 Korintus 3:3 Referans Kwoze

Yakobus 3:16

Karna kalu orang pangmangiri deng cuma pikir diri sandiri, dia pasti biking kaco deng biking samua hal yang jahat.

Titus 3:3

Barang, dulu waktu torang bolong percaya pa Yesus, torang tara mangarti apa-apa. Jadi torang malawang pa Tuhan, torang me tapengaru deng hal-hal yang jahat. Napsu deng keinginan yang tara bae so kuasai di torang pe hati kong torang hidup baku mangiri deng orang laeng. Torang jahat pa orang deng torang salalu baku binci.

Galatia 5:15

Tapi kalu ngoni cuma bakalae deng baku malawang, ngoni musti ati-ati, jang sampe ngoni sama deng binatang yang baku-baku gigi sampe baku abis.

2 Korintus 12:20

Kita hawater, kalu kita so datang pa ngoni nanti, ngoni bolong biking sama deng yang kita mau. Bagitu lagi deng ngoni, ngoni lia kita biking tara sama deng yang ngoni mau. Kita hawater, jang sampe kita dapa ada dari ngoni yang baku-baku malawang, baku mangiri, mara-mara, cuma pikir diri sandiri, carita busu orang pe nama, bamulu, basombong deng biking kaco.

1 Korintus 11:18

Yang pertama yang kita dengar, waktu ngoni bakumpul untuk baibada, ngoni baku pisa-pisa. Kong amper samua yang kita dengar itu kita percaya.

1 Korintus 1:11

Kita bilang bagitu pa ngoni sudara-sudara, barang ada orang-orang di Kloe pe ruma, yang kase tau pa kita tentang ngoni. Dorang bilang, ngoni ada baku tasala.

Roma 13:13

Torang musti hidup deng kalakuang yang bae, kalakuang yang orang-orang jaga biking siang-siang. Jang babapesta kong mabo-mabo sampe biking hal sabarang, jang baseks sabarang, jang iko napsu sama deng binatang, jang suka bakalae deng jang suka mangiri.

1 Petrus 4:2

Jadi selama ngoni masi hidup di dunia, ngoni pake waktu yang ada untuk iko Tuhan Allah pe mau, jang iko manusia pe keinginan.

1 Korintus 1:10

Sudara-sudara, karna kita ini torang pe Tuhan Yesus Kristus pe utusan, jadi kita minta pa ngoni samua supaya ngoni baku dengar satu deng yang laeng. Ngoni tara bole tapisa satu deng yang laeng, tapi ngoni musti tetap jadi satu, satu pikiran deng satu tujuan.

1 Korintus 3:4

Karna ada dari ngoni yang bilang, “Kita iko pa Paulus,” deng yang laeng bilang, “Kita iko pa Apolos”. Kalu ngoni biking bagitu, itu kase tunju ngoni masi iko manusia pe mau.