1 Korintus 3:1 - Perjanjian Baru Bahasa Melayu Maluku Utara

¹ Sudara-sudara, tuhari waktu kita masi sama-sama deng ngoni, kita tara bisa ajar pa ngoni sama deng kita ajar pa orang yang Roh Kudus so kuasai. Kita cuma kase ajar, ajaran yang gampang ngoni mangarti sama deng kita ajar pa orang-orang yang masi iko manusia pe mau yang suka biking dosa. Barang, ngoni pe percaya pa Yesus Kristus bolong kuat, sama deng ana kacil yang baru lahir.

1 Korintus 3:1 Referans Kwoze

Ibrani 5:13

Barang, orang yang cuma dapa ajar ajaran dasar saja, yang bolong tau mana yang sala deng mana yang butul, dorang itu macam deng ana kacil yang memang cuma bole minum susu.

1 Korintus 2:6

Tapi biar bagitu, kalu torang babicara pa orang-orang yang dorang pe percaya so kuat, torang bicara tentang rencana yang bijaksana. Rencana yang bijaksana itu pe asal bukang dari dunia ini, deng bukang dari orang-orang yang berkuasa di dunia ini yang nanti dorang so tara berkuasa lagi.

1 Korintus 14:20

Sudara-sudara, mangarti bae-bae yang kita bilang tentang karunia-karunia itu, deng jang ngoni pe pikiran sama deng ana-ana. Tapi tentang barang yang jahat, ngoni pe pikiran musti sama deng ana-ana supaya ngoni tara bapikir untuk biking yang jahat.

Roma 7:14

Torang tau, aturan di lima kitab Musa itu Tuhan Allah yang kase. Tapi kita ini cuma manusia yang suka biking dosa, itu sama deng dosa so jadi kita pe tuang.

1 Yohanes 2:12

Ngoni yang kita sayang sama deng kita pe ana-ana, kita tulis surat ini pa ngoni, barang ngoni so dapa ampun dari ngoni pe dosa karna apa yang Yesus Kristus so biking.

Galatia 6:1

Sudara-sudara, kalu ngoni dapa ngoni pe sudara satu yang percaya ada biking dosa, lebe bae ngoni yang Roh Kudus kuasai kase nasehat pa dia bae-bae supaya jang dia biking bagitu lagi, kong dia bole bale ulang di jalang yang butul. Ngoni me musti jaga-jaga supaya ngoni sandiri jang sampe tagoda untuk biking dosa sama deng orang itu.

Matius 16:23

Tapi Yesus babale kong togor pa Petrus, “Badiam ngana! Ngana pe bicara sama deng Iblis pe bicara. Ngana halangi Kita untuk biking Tuhan Allah pe mau. Barang, ngana cuma pikir apa yang manusia pikir, bukang apa yang Tuhan Allah pikir.”

1 Korintus 14:37

Kalu ada orang yang rasa dia ada karunia untuk kase turus pasáng dari Tuhan Allah, atau kalu dia rasa dia ada karunia yang laeng dari Roh Kudus, dia itu musti sadar, apa yang kita bilang ini, itu butul-butul parenta dari Tuhan Allah.