SAN MATEO 9:22 - Otomi

²² Nu car Jesús bi bböti, bi cca̱hti, cja̱ bi xifi: ―Nuya, gui mpöj ya, ʉm tti̱xu̱qui. Guehca̱ xquí hñemegui, xcú zö.― Cja̱ exque bi zö car bbɛjña̱ car hora‑ca̱.

SAN MATEO 9:22 Referans Kwoze

SAN LUCAS 7:50

Nu car Jesús bi xih car bbɛjña̱: ―Xcú hñe̱me̱gui, eso, ya xí ccʉzqui ca rá nttzo ca nguí tu̱. Nuya, dyo te guí mbe̱ni. Gui ma rá zö ya.―

SAN MATEO 15:28

Diguebbʉ, bi da̱h car Jesús, bi hñi̱na̱: ―Nuquɛ, na̱na̱, rá zö guir hñe̱me̱gui. Da ncja como ngu̱ guí neguɛ.― Cja̱ bi zö cár tti̱xu̱ desde car hora‑cá̱.

SAN MATEO 9:2

Cja̱ nupʉ, bú ttzimpi hnar döhtji, jí̱ mí tzö di hña̱ni, mbá oxti pʉ jár mfi̱di. Car Jesús bi cca̱hti cʉ cja̱hni cʉ mbá ncjʉnijʉ car döhtji, cja̱ bi ba̱di, mí e̱me̱jʉ guegue. Nubbʉ́, bi nzoh car döhtji, bi hñi̱mbi: ―Gui mpöjquɛ ya, ʉm ba̱jtziqui. Ya xí mperdonaqui cʉ rá nttzo cʉ nguí tu̱.―

SAN LUCAS 18:42

Car Jesús bi xifi: ―Janiguɛ ya bbʉ. Xcú hñe̱me̱gui, eso, xcú jogui.―

SAN LUCAS 17:19

Cja̱ diguebbʉ ya bi nzoh car hñøjø‑ca̱, bi xifi: ―Bböj ya, cja̱ gui me ir ngu̱. Ya xcú töti car nzajqui ca jin da tjegue, como xcú hñe̱me̱gui.―

SAN LUCAS 8:48

Nuya car Jesús bi xifi: ―Nuquɛ, na̱na̱, guehca̱ xquí hñemegui, eso xcú zö. Nuya, gui ma rá zö ya.―

SAN MARCOS 10:52

Cja̱ bi ma̱n car Jesús, bbʉ: ―Ya xí xoj yir dö, como xcú hñemegui. Nuya, ya xí jogui pa gui me ir ngu̱.― Bbʉ mí ma̱n cʉ palabra‑cʉ, bi xoh quí dö ca múr godö jma̱ja̱, cja̱ bi dɛn car Jesús pʉ jabʉ má pa.

SAN MARCOS 5:34

Cja̱ car Jesús bi xifi: ―Nuquɛ ʉm tti̱xu̱qui, guehca̱ xquí hñe̱me̱gui, xcú zö. Gui má ya rá zö, da jñu̱ ir tzi mʉy. Ya jim pé da yojpi quer jñi̱ni.―

SAN MATEO 9:29

Diguebbʉ ya, car Jesús bi dömbi quí döhui cja̱ bi xijmi: ―Nuya, da xoj yir döhui, como xcú hñemeguihui, rá nzɛjqui pa gu föxquihui.―

HECHOS 16:18

Dé mí tɛnguije, rá ngu̱ mpa, mí ma̱ ncjapʉ, hasta bi zøti ʉ́r mʉy car Pablo. Nubbʉ́, bi bböti car Pablo, bi huɛnti car ttzonda̱ji̱ ca mí yojmi car bbɛjña̱, bi hñi̱mbi: ―Dí mandadoqui por rá ngue cár tju̱ju̱ car Jesucristo, gui wenguɛ nttzɛdi jár mʉy nʉr bbɛjña̱‑nʉ́.― Cja̱ exque, gue car hora‑cá̱, bi wen car demonio.

SAN JUAN 4:53

Nubbʉ, bi ba̱h car hñøjø‑ca̱, exque gue car hora ca xcuí ma̱n car Jesús: “Ya xí zö quer ttʉ,” mismo car hora‑ca̱ bi joh cár ba̱jtzi. Cja̱ bi hñeme car Jesús, guegue göhtjo co quí familia.

HEBREOS 4:2

Dí jñɛjmʉ cʉ cja̱hni israelita cʉ xcuí bøm pʉ jar jöy Egipto cja̱ mír ma pʉ jar jöy Canaán, como guejquitjogöjʉ, xí tsjijquijʉ hne̱je̱ ja gár tzønijʉ pʉ jabʉ bí bbʉh ca Ocja̱. Nu cʉ cja̱hni‑cʉ, jin te gá sirvebijʉ car palabra ca bi xih ca Ocja̱, porque jin gá hñemejʉ.

HECHOS 14:9

Nucá̱, mí øde már ña̱ car Pablo. Cja̱ nu car Pablo bi cca̱hti rá zö cja̱ bi ba̱di, car hñøjø‑ca̱ mí ndo e̱me̱ ca Ocja̱ pa di cjajpi di zö.

SAN MATEO 17:18

Cja̱ bú tzíji, bbʉ. Diguebbʉ ya, car Jesús bi huɛhti car ttzonda̱ji̱ ca mí yojmi car ba̱jtzi, cja̱ nucá̱, bi bøni, bi wem pʉ. Cja̱ desde car hora‑cá̱ bi joh car tzi hñøjø.

SAN MATEO 8:13

Diguebbʉ ya, car Jesús pé bi nzoh car capitán, bi hñi̱mbi: ―Gui ma ir ngu̱ ya, xta ncja ca xcú dyöjqui, como xcú hñemegui.― Cja̱ car möxte ca mí jñi̱ni, exque bi joh car hora‑cá̱.