SAN MATEO 27:46 - Otomi

⁴⁶ Bbʉ ya xti zʉh car hora bbʉ mí jñu̱ nde, car Jesús bi mafi nzajqui, bi ma̱ gá hebreo ya palabra ya, bi hñi̱na̱: ―Elí, Elí, ¿lama sabactani?― Ya palabra‑yá i ne da ma̱: “Nuquɛ, dí nzohqui ya, ʉm Cjá̱a̱‑quigö. ¿Dyoca̱ xcú tzoguigui ya?”

SAN MATEO 27:46 Referans Kwoze

HEBREOS 5:7

Nu car tzi Jesús, bbʉ mí bbʉjcua jar jöy cja̱ ya xti bböhti, bi ndo nzoh ca Ocja̱, mí mahti nzajqui, cja̱ mí zoni. Mí öjpi cár Tzi Ta di gʉhtzibi car prueba ca di tzöhui, pa jin di du̱. Cja̱ como guegue mí mbe̱n ca Ocja̱ göhtjo ʉr tiempo, cja̱ mí øhtibi cár voluntad, car Tzi Ta ji̱tzi bi dyøjtibi cár jña̱, bi mötzi, pé bi cjajpi bi jña̱ ʉ́r jña̱.

SAN MARCOS 15:34

Cja̱ bbʉ mí zʉ jñu̱ nde, car Jesús bi mafi nzajqui, bi ma̱: ―Eloi, Eloi, ¿lama sabactani?― Na̱r palabra‑ná̱ i ne da ma̱: “Nuquiguɛ, ʉm Cjá̱a̱‑qui, dí nzohqui ya, ¿dyo ya‑ca̱ xcú jiɛguigui?”

SAN LUCAS 23:46

Nubbʉ, car Jesús bi hna mafi nzajqui, bi ma̱: ―Nuquɛ, Tzi Ta, dí döhqui jer tzi dyɛ nʉm tzi mʉy, gui cuajti ya.― Xní ma̱ ncjapʉ, xní bøn cár tzi mʉy, xní du̱, bbʉ.

SAN MATEO 27:47

Cʉ dda cja̱hni cʉ már bböh pʉ, bi dyøj nʉr palabra nʉ bi ma̱, pe jin gá mba̱dijʉ, ¿cja már nzoh car Tzi Ta ji̱tzi? Mí i̱na̱jʉ, pé már mahti ca ndor profeta Elías pa di hñe̱je̱, di mötzi.