SAN MATEO 27:29 - Otomi

²⁹ Cja̱ bi mejʉ hnar corona gá hmi̱ni, bi jñu̱htzibijʉ‑cá̱, cja̱ bi göhtibijʉ hnar za jár jogui dyɛ. Bi guati cʉ sundado, bi nda̱ndiña̱jmu̱ pʉ jáy hua car Jesús. Mí øhtibijʉ ʉr burla, ncjahmʉ mí i̱htzibijʉ. Mí ma̱jmʉ: ―Nuquiguɛ, ʉ́r reyqui cʉ judio. ¡Que viva!―

SAN MATEO 27:29 Referans Kwoze

SAN MATEO 20:19

Pʉ Jerusalén da ndöguigö jáy dyɛ cʉ cja̱hni cʉ jin gui meya ca Ocja̱. Da i̱mbiguijʉ, cja̱ da jiʉbiguijʉ, cja̱ da døjquijʉ jar ponti pa gu tu̱. Pe bbʉ xtrí zʉ jñu̱jpa, pé gu jña̱ ʉm jña̱.― Ncjapʉ gá ma̱n car Jesús.

SAN MARCOS 15:18

Diguebbʉ ya bi mʉdi bi burlabitjojʉ, segue mí ma̱jmʉ: ―¡Da ncja ʉ́r nzajqui nʉ́r rey yʉ judio!―

SAN MATEO 27:37

Pʉ jár ña̱ car ponti pʉ jabʉ már ddøti car Jesús, bi ncuajti hnar tzi tabla, cja̱ mí ju̱x pʉ hnar letrero pa drí fa̱di ter bɛh ca̱ xquí dyøte. Car letrero mí ma̱ ncjahua: “Guejnʉ́ ʉr Jesús. ʉ́r rey yʉ judio‑nʉ́.”

SAN MATEO 26:49

Car Judas nguetica̱ bi guati pʉ jabʉ már bbʉh car Jesús, bi zɛngua, bi hñi̱mbi: ―Nuquɛ, tzi Maestro, ¿cja guí bbʉjtjo?― Cja̱ bi nda̱nebi cár jmi̱.

SAN MARCOS 15:17

Nubbʉ́, cʉ sundado bi jejtibijʉ car Jesús hnar da̱jtu̱ már ncjʉjpöy. Cja̱ bi jñu̱htzibijʉ hnar corona gá hmini.