SAN MATEO 20:1 - Otomi

¹ Car Jesús pé bi ma̱n nʉr bbede‑nʉ́, pa di ba̱dijʉ ja ncja ga mandado ca Ocja̱. Bi ma̱ guegue: ―Mí bbʉh hnar hñøjø, mí tjɛ jöy, cja̱ mí pɛhtzi hnar huerta gá uva. Ca hnar pa ya, bi bøni nxu̱ditjo, bi má bú joni mɛfi, cja̱ bú reglahui pa di pɛh pʉ jár huerta gá uva.

SAN MATEO 20:1 Referans Kwoze

SAN MATEO 13:47

Guejtjo hne̱je̱ bbʉ xta ntʉngui nʉr palabra nʉ i ma̱, ja ncja ga mandado ca Ocja̱, da jñɛjmi hnar hmamöy, xí bbøti jar mar, xpá tzo pʉ göhtjo tema möy.

SAN MATEO 13:24

Diguebbʉ ya car Jesús pé bi xih cʉ cja̱hni pé hnar bbede gá ejemplo. Nʉr bbede‑nʉ́ i xijquijʉ te da ncja bbʉ xta ntʉngui nʉr tzi ddadyo jña̱ digue cár jmandado ca Ocja̱. øde, pʉ jabʉ xí ntʉngui cár palabra ca Ocja̱, i jñɛjmi hnar jua̱ttɛy. Car hñøjø ca to múr mɛjti car jua̱ttɛy bi mongui semilla rá zö pʉ jár jöy.

HEBREOS 13:21

Por guegue car Jesucristo, ca Ocja̱ da möxquiguɛjʉ pa gui zɛdijʉ, gui cjajʉ göhtjo ca rá zö, cja̱ gui dyøhtibijʉ cár tzi voluntad. Göhtjoguigöjʉ da möxquigöjʉ pa gu cjajʉ ca da tzøjø. Rí ntzöhui gu xöjtibijʉ göhtjo ʉr tiempo, da ncjapʉ amén.

1 CORINTIOS 15:58

Nuya, ʉm tzi hñohuiquijʉ, gui zɛdijʉ ya, jin gui wenijʉ jár hñu̱ ca Ocja̱. Gui mbe̱nijʉ, cierto gu ja̱ ʉm jña̱jʉ, cja̱ gui mpɛguijʉ, gui dyøhtibijʉ cár bbɛfi cam Tzi Jmu̱jʉ, como ya xquí pa̱dijʉ, jin da bbɛh car bbɛfi ca guí øhtibijʉ guegue.

SAN JUAN 15:1

Diguebbʉ, pé bi ma̱n car Jesús, bi xih quí möxte: ―Nugö, dí ncja ngu̱ hnar za gá uva ca i ndo tu̱ uva rá zö, cja̱ cam Tzi Ta ji̱tzi i ncja ngu̱ car mɛfi ca i föh car huerta.

SAN MATEO 25:1

Car Jesús pé bi ma̱m bbʉ: ―Pa gui pa̱dijʉ ja da ncja bbʉ pé xcuá e̱h pʉ ji̱tzi pa gu mandado hua jar jöy, gui dyødejʉ nʉr bbede‑nʉ́: Hna vez, bi ttøti hnar ntja̱jti. Car novia bi mvitabi ddɛtta cʉ ba̱jtzi bbɛjña̱ cʉ mí ntzixihui guegue pa di hñe̱jmʉ car ntja̱jti. Nu cʉ amiga‑cʉ́ bi du̱x quí lámparajʉ gá aste cja̱ bi möjmʉ pʉ jár ngu̱ car novio. Bi døhmijʉ pʉ hasta bbʉ xti zʉh car hora pa di bønijʉ du ntjɛjʉ car novio.

SAN MATEO 22:2

―Pa gui pa̱dijʉ ja ncja ga mandado ca Ocja̱, i jñɛjmi hnar mbaxcjua gá ntja̱jti. Mí bbʉh ca hnar rey, ya xti ntja̱jti cár ttʉ. Bi dyøhtibi cár mbaxcjua.

SAN MATEO 13:33

Guejtjo, pé bi ma̱n car Jesús nʉ pé hnar bbede gá ejemplo, bi xih cʉ cja̱hni ncjahua: ―Pa gui pa̱dijʉ ja ncja da ngu̱jqui cʉ to da hñe̱me̱bi cár jmandado ca Ocja̱ hua jar jöy, i jñɛjmi ca bi dyøti hnar bbɛjña̱ bbʉ már øti tju̱jme̱. Bi jña̱ car levadura, bi hua̱ntzihui ngu̱ jñu̱ ttɛni car harina. Car levadura bi ngu̱jqui cja̱ bi ntʉngui hasta bi mføntzi göhtjo car cjʉni tju̱jme̱.―

SAN MATEO 13:31

Diguebbʉ ya car Jesús pé bi xih cʉ cja̱hni hnar bbede, pa di ba̱dijʉ ja ncja di ngu̱jqui cʉ cja̱hni cʉ di hñeme nʉ́r palabra ca Ocja̱. Bi xijmʉ ncjahua: ―Nʉr palabra nʉ i xijquijʉ ja ncja ga mandado ca Ocja̱ hua jar jöy i jñɛjmi hnár ndö ʉr murtaza. Hnar cja̱hni da gʉ cʉ ndö‑cʉ́, da moni jár jua̱ji̱. Diguebbʉ ya, xta føtze cja̱ xta te.

SAN MATEO 25:14

Diguebbʉ ya, car Jesús pé bi ma̱, i̱na̱: ―Gui dyødejʉ nʉ pé hnar bbede pa gui pa̱dijʉ ja ncja ga mandado ca Ocja̱. Mí bbʉh hnar hñøjø, múr rico. Mí ne di bøni di ma hnar jöy yapʉ. Bi nzoh quí muzo cja̱ bi döjti cár domi guegue pa di dyombi ʉ́r viaje.

SAN MARCOS 13:34

Nugö, xcuá hna e̱tjo, ncja hnar hñøjø ca ya xí mbøm pʉ́r ngu̱, xí ma yapʉ. Ante que di ma, bi döjti cár cargo cʉ muzo, cada hnaa cár bbɛfi. Guejtjo xí bbɛjpi car portero da mföh pʉ jar goxtji, xí xifi jin da a̱ja̱.

SAN MATEO 3:2

Mí xih cʉ cja̱hni ncjahua: ―Gui jiɛjmʉ ca rá nttzo, porque ya xta zʉh cʉ pá bbʉ xta ni̱gui hua jar jöy ja i ncja ga mandado ca Ocja̱.―

SAN MATEO 23:37

Nuquɛjʉ, guí mi̱ngu̱jʉ Jerusalén, ¿dyoca̱ segue guí pöhtijʉ cʉ jmandadero cʉ ba e̱jmʉ? ¿Dyoca̱ guí ccajnijʉ me̱do quí jmandadero ca Ocja̱? Guegue cjaatjo ba pɛnquijʉ‑cʉ́ pa drí nzohquijʉ. Te tza ngu̱ vez ndí ne gua cuajtiquijʉ ncja hnar tzu̱huade i cuajti quí tzi ba̱jtzi, i juitzi co quí jua. Cja̱ nuquɛjʉ, jin gú ne güi hñe̱jmʉ.

SAN MATEO 21:28

Cja̱ pé bi ma̱n car Jesús, bi xih cʉ cja̱hni‑cʉ́: ―Gui dyøjma̱jʉ nʉr bbede nʉ gu xihquijʉ, cja̱ gui ntzohmijʉ te i ne da ma̱. Mí bbʉh hnar hñøjø, mí hñi̱ yojo quí ttʉ. Bbɛto bi má bú ña̱hui ca hnáa, bi xifi: “Nuquɛ, ttʉ, gui ma bú pɛh pʉ jam huerta rá pa ya.”

SAN MATEO 20:2

Car jmu̱ bi reglahui cʉ mɛfi, cada hnáa di da̱h hnar domi gá denario cada pa. Cja̱ diguebbʉ ya guegue bi gu̱h cʉ mɛfi gá möjmʉ jár huerta pa du pɛjmʉ pʉ.