SAN LUCAS 20:25 - Otomi

²⁵ Cja̱ car Jesús bi xijmʉ, bbʉ: ―Nubbʉ, i nesta gu cju̱htijʉ car emperador cʉ contribución, como í mɛjti guegue. Guejtjo i nesta gu döjtijʉ ca Ocja̱ quí mɛjti guegue‑ca̱ hne̱je̱.―

SAN LUCAS 20:25 Referans Kwoze

1 CORINTIOS 10:31

Nugö, dí xihquijʉ, bbʉ gui ñunijʉ, bbʉ gui tzijʉ, o bbʉ te gui dyøtijʉ, gui jionijʉ ja grí dyøtijʉ göhtjo pa da tti̱htzibi ca Ocja̱.

HECHOS 5:29

Cja̱ bi da̱h car Pedro ya co cʉ dda apóstole, bi ma̱jmʉ: ―Rí ntzöhui gu øjtitjoje ca Ocja̱, masque jin gu øjtije yʉ cja̱hni.

SAN MARCOS 12:17

Bi da̱j ya car Jesús, bi xijmʉ: ―Gui unijʉ car rey yí mɛjti guegue, cja̱ guejti ca Ocja̱, gui unijʉ quí mɛjti‑ca̱ hne̱je̱.― Nu cʉ hñøjø‑cʉ, bbʉ mí dyøde ja ncja gá nda̱h car Jesús, bi ndo hño í mʉyjʉ, bbʉ.

SAN MATEO 22:21

Cja̱ bi hñi̱mbijʉ: ―Gue yí mɛjti car emperador romano.― Diguebbʉ ya, car Jesús pé bi xijmʉ: ―Guehcá̱. Nubbʉ́, gui u̱nijʉ car emperador romano ca bí tocabi, cja̱ guejti ca Ocja̱, gui unijʉ ca bí tocabi hne̱je̱.―

SAN MATEO 17:27

Pe pa jin da hñi̱na̱ cʉ pé dda cja̱hni, dí tzangöjʉ car templo, nde̱jma̱ gu cju̱tijʉ ca i ttöjquijʉ. Eso, gui maguɛ ya jar mar, gui pøti quer hmamöy gá gancho. Car möy ca bbɛto gui tzʉdi, gui cjʉx‑cá̱ cja̱ gui yajquibi cár ne. Pʉ mbo ʉ́r ne xquí töti hnar domi. Gui jña̱x car domi‑cá̱, cja̱ gui ma bú dö pʉ jabʉ i jmu̱ntzi cʉ contribución. Da ntzöhui pa dí yojmi.―

1 PEDRO 4:11

Car cjua̱da̱ ca i pɛhtzi cár cargo pa da nzoh cʉ pé ddaa, da xijmʉ te i ma̱n ca Ocja̱. Jin da ma̱n cár mfe̱nitsjɛ. Da ma̱ mero ca i ma̱n nʉ́r Palabra ca Ocja̱. Guejti car cjua̱da̱ ca pé i nú̱ cʉ pé dda cosa cʉ i nesta jar templo, da dyøte göhtjo mbo ʉ́r tzi mʉy, como gue cam Tzi Tajʉ ji̱tzi i ddajqui nʉm nzajquijʉ cja̱ co nʉm fuerzajʉ pa gu pɛjpijʉ. Bbʉ gu øtijʉ cada hnaagöjʉ car bbɛfi ca xí ddajquijʉ cam Tzi Tajʉ ji̱tzi, nubbʉ, da tti̱htzibi guegue‑ca̱, yojmi car Jesucristo. Rí ntzöhui da tti̱htzibi cja̱ da tsjöjtibi cam Tzi Jmu̱jʉ Jesucristo göhtjo cʉ cjeya, ni jabʉ drí tjegue. Amén.

SAN LUCAS 20:24

Gui u̱jtiguijʉ ya hnar domi gá denario.― Cja̱ bi ttuni hnaa, bi cca̱hti. Nubbʉ, bi hñöni: ―¿To ʉ́r retrato na̱ i cuati huá, cja̱ to ʉ́r tju̱ju̱?― Cja̱ guegue‑cʉ bi da̱dijʉ: ―Gue car emperador, tzʉdi, car César.―