GÁLATAS 6:16 - Otomi

¹⁶ Göhtjo cʉ to i tɛn na̱r palabra‑na̱, ca Ocja̱ da nú̱ göhtjo8co ni cár tzi tti̱jqui, cja̱ da mötzi pa da hmʉpjʉ rá zö. Cʉ to i e̱me̱jʉ ncjapʉ, ntjumʉy israelita‑cʉ, mero í cja̱hni ca Ocja̱.

GÁLATAS 6:16 Referans Kwoze

GÁLATAS 3:29

Como í cja̱hniquijʉ car Jesucristo, ya xqui jantiquijʉ ca Ocja̱ ncjahmʉ í ba̱jtziquijʉ ca ndor Abraham, cja̱ guegue da ddahquijʉ car bendición rá tzi zö ca bi prometebi car Abraham cja̱ co quí ba̱jtzi cʉ pé di hmʉy.

FILIPENSES 3:3

Dí göhtjojʉ, como ngu̱ dar tɛnijʉ car Jesucristo, dí yojmʉ car Tzi Espíritu Santo. Guejcöjʉ, bí jantiguijʉ car Tzi Ta ji̱tzi, ncjahmʉ ya xcri pɛhtzijʉ car seña ca i ttøhtibi cʉ judio. Cja̱ nugöjʉ, ya xtí pa̱dijʉ, jin te i mu̱hui ca te da ncjajpi nʉm cuerpojʉ. Nuya, dí cuatijʉ car Tzi Ta ji̱tzi por rá ngue car Espíritu Santo, cja̱ dí ndo mpöjmʉ, como dí yojmʉ ca hnáa ca bi hñi̱x cár Tzi Ta pa bi salvaguijʉ, tzʉdi, car Jesús.

SAN JUAN 1:47

Ya xi má cuati car Natanael pʉ jabʉ már bbʉh car Jesús, cja̱ car Jesús ya bi jianti, cja̱ bi xih cʉ to már bbʉbi: ―Cierto i jon ca Ocja̱ nʉr hñøjø nʉ ba e̱je̱. Jin gui øti ntjöti‑nʉ.―

FILIPENSES 3:16

Pe bbʉ dí ne gu hmɛtojʉ car hñu̱ ca dár tɛnijʉ, i nesta gu øtijʉ ca ya xtí pa̱dijʉ, jin gu jɛjtijʉ‑ca̱.

GÁLATAS 5:25

Car Tzi Espíritu Santo xí ddajquijʉ car ddadyo nzajqui ca dí pɛhtzijʉ ya. Eso, rí ntzöhui gu øtijʉ ca i xijquijʉ‑ca̱, gu jñɛguijʉ pa da mandadoguijʉ.

GÁLATAS 5:16

Nuquiguɛjʉ, pa gui hmʉpjʉ ncja ngu̱ ga ne ca Ocja̱, gui dyøtijʉ ca da xihquijʉ car Tzi Espíritu Santo. Nubbʉ, jin da da̱hquijʉ quir mfe̱nitsjɛjʉ pa gui dyøtijʉ ca jin gui tzö.

SAN JUAN 16:33

Ya xtú xihquijʉ te da ncja, pa gui hñemeguijʉ, göhtjo mbo ir mʉyjʉ, cja̱ pa da jñu̱ ir mʉyjʉ. Masque da dyøjtiquijʉ tu̱jni yʉ cja̱hni yʉ i tɛn nʉr mundo, pe jin da ga̱x ir mʉyjʉ. Nugö, ya xtú ta̱pi göhtjo yʉ i cja hua jar mundo.―

SAN JUAN 14:27

Nuya, ya xtí ne gu hñi̱hquijʉ, cja̱ dí ne gu tzohquijʉ hnar bendición, gue ca dír jñu̱ ir mʉyjʉ. Jin dí hñi̱hquijʉ ncja ngu̱ di hñi̱jte hnar cja̱hni ca di tɛndi nʉr mundo. Nugö, dí xihquijʉ, masque da zʉhquijʉ ca te da zʉhquijʉ, nde̱jma̱ da jñu̱ ir mʉyjʉ. Dyo te guí mbe̱nijʉ, cja̱ dyo guí ntzu̱jʉ.

FILIPENSES 4:7

Nubbʉ, ca Ocja̱ da jñu̱jtiquijʉ ir tzi mʉyjʉ pa jin gui ntzøtijʉ masque guí tjojmʉ tema cosa rá ntji̱. Yʉ cja̱hni yʉ rí dɛn nʉr mundo jin gui ntiende ja ncja ga jñu̱ ir mʉyjʉ bbʉ guir tjojmʉ prueba. Nu cam Tzi Tajʉ ji̱tzi da möxquijʉ pa gui segue gui hñe̱me̱jʉ car tzi Jesucristo, göhtjo mbo ir tzi mʉyjʉ, cja̱ gui yojmʉ‑cá̱, pa ncjapʉ jin te gui mbe̱nijʉ hne̱je̱.

GÁLATAS 1:3

Ca Ocja̱ cam Tzi Tagöjʉ, yojmi cam Tzi Jmu̱jʉ, car Jesucristo, da ddahquijʉ bendición cja̱ da möxquijʉ pa da hmʉy rá zö quir tzi mʉyjʉ.

ROMANOS 1:7

Nuquɛjʉ guí hermanojʉ gár bbʉpjʉ pʉ Roma, dí pɛnquijʉ na̱r carta‑na̱ göhtjo cʉ to xí hñeme car Jesucristo. Car Tzi Ta ji̱tzi i ma̱hquijʉ, xí nzoh quir tzi mʉyjʉ, cja̱ xí ngʉzquijʉ ca rá nttzo ca nguí tu̱jʉ. Cam Tzi Tajʉ ji̱tzi cja̱ co cam Tzi Jmu̱jʉ Jesucristo da möxquijʉ co cár tzi ntti̱jqui pa gui hmʉpjʉ rá zö.

EFESIOS 6:23

Guejnʉ dí negö, da hmʉy rá zö göhtjo cʉ hermano. Cam Tzi Tajʉ ji̱tzi, yojmi cam Tzi Jmu̱jʉ Jesucristo da möxquijʉ pa gui ma̱jtsjɛjʉ cja̱ gui segue gui hñemejʉ.

1 PEDRO 1:3

Rí ntzöhui gu ndo öjpijʉ mpöjcje ca Ocja̱, cár Ta cam Tzi Jmu̱jʉ Jesucristo. Guegue xí möxquijʉ co ni cár tzi tti̱jqui, xí ddajquijʉ hnar ddadyo hmʉy ca rí hñe̱ jar ji̱tzi. Por rá nguehca̱ gá nantzi car Jesucristo bbʉ ya xquí du̱, dí pa̱dijʉ, hne̱quigöjʉ, bbʉ xtá tu̱jʉ, pé gu nantzijʉ hne̱je̱. Nubbʉ, ya jim pé gu tu̱jʉ, bbʉ. Gue car pa‑ca̱ dí tøhmijʉ‑cá̱.

JUDAS 1:2

Ca Ocja̱ da möxquijʉ co ni cár tzi tti̱jqui, da mɛzquijʉ rá zö cja̱ da nú̱quijʉ co ni cár jma̱jte.