GÁLATAS 3:21 - Otomi

²¹ ¿Cja dár ma̱ngö bbʉ, i ncontrahui car ley ca bi ma̱n car Moisés co car promesa ca bi ma̱n ca Ocja̱? Jin gui ncontrahui‑cʉ. Como car promesa i ddajquijʉ car nzajqui ca jin da tjegue, nu car ley jin gui ddajquijʉ car nzajqui‑ca̱. Bbʉ di ddajquijʉ car ley hnar ddadyo hmʉy pa ya jin gua øtijʉ ca rá nttzo, nubbʉ, di jogui gua tɛnijʉ car ley pa di nu̱guijʉ rá zö ca Ocja̱.

GÁLATAS 3:21 Referans Kwoze

GÁLATAS 2:21

Ya jin gu e̱me̱gö car ley ca bi ma̱n car Moisés. Porque bbʉ gu ma̱, da jogui gu ta̱tsjɛ cam salvación por rá nguehca̱ dár tɛn car ley, nubbʉ, i tzʉdi ncjahmʉ dí ma̱ngö, jin dí nesta cár tzi tti̱jqui ca Ocja̱. Bbʉ di cierto‑ca̱, jin di nesta di du̱ car Jesucristo pa di gʉxquigö, bbʉ.

ROMANOS 9:31

Nu yʉ cja̱hni israelita, guegue‑yʉ mí tɛn cár ley ca Ocja̱ cja̱ mí i̱na̱jʉ, di ncjapʉ drí dötijʉ car salvación. Pe nde̱jma̱ jin gá jiöti di cumplijʉ göhtjo ca i ma̱n car ley, por eso jin gá ndöti ca mí jonijʉ.

GÁLATAS 2:19

Bbʉ gua segue gua tɛn car ley, ya xtrú ttɛmbigui cam castigo, gue car du̱, como jin gua jöti gua zøjti ca i ma̱. Eso, ya xtú jɛh car ley pa xtá cuati car Jesucristo. Xí ncjapʉ xcá jogui pa ntju̱mʉy gu hmʉy ncja ngu̱ ga ne ca Ocja̱.

GÁLATAS 2:17

I bbʉ cʉ ddaa cʉ i ma̱jmʉ, ca ya xtá cuatije jár dyɛ car Jesucristo, ya xtú ttzontsjɛ cam vidaje, como ya xtú jɛjme car ley ca bi ma̱n car Moisés. Bbʉ di cierto‑ca̱, di pøni ncjahmʉ gue car Cristo xtrú u̱jtiguije gri bbʉpje hnar vida rá nttzo. ¡ʉr bbɛtjri‑ca̱! Más rá ndo zö car ddadyo vida ca i u̱jtiguijʉ car Jesucristo.

ROMANOS 3:31

¿Cja i pøni ncjahmʉ jin te i sirve car ley, bbʉ? Ji̱na̱. Jin gui pøni ncjapʉ. Guehca̱ xtá cuatijʉ jár dyɛ car Jesucristo, nuya dí ntiendegöhʉ, göhtjo cierto ca i xijquijʉ car ley.

ROMANOS 3:4

Ca Ocja̱ tiene que da cumpli ncja ngu xcá ma̱. Masque jin di bbʉh hnar cja̱hni ca di e̱me̱, ¿cja da ttøti ca xí ma̱n ca Ocja̱?, masque göhtjo di cønijʉ, di ma̱jmʉ jin te i ntjumʉy quí promesa, pe nu ca Ocja̱ nde̱jma̱ di cumpli ca xí ma̱. Bbʉ di jogui di ttzojni ca Ocja̱ pa di ttøhtibi ʉr prueba, di zʉdi ncja ngu ga ma̱m pʉ jar salmo. I ma̱ ncjahua: Nuquiguɛ, ʉm Tzi Jmu̱quije, bbʉ da tja̱nqui ʉr huɛnda, xta fa̱di, guí ma̱nguɛ ca ncjua̱ni, Cja̱ bbʉ xta ttøhtibi ʉr prueba cʉ palabra cʉ xcú ma̱, xta ni̱gui, göhtjo cierto cja̱ göhtjo rá zö.

ROMANOS 3:6

Pe nde̱jma̱ ʉr jogui nzöya ca Ocja̱. Bbʉ ji̱na̱, jin di mɛhtzi derecho da juzga göhtjo yʉ cja̱hni yʉ i bbʉjcua jar jöy.

HEBREOS 11:7

Guejti car Noé bbʉ mí ttzofo bi hñeme ca Ocja̱. Guegue ca Ocja̱ bi xifi di ncja cosa cʉ jí̱ bbe mí ncja. Bi xifi di ma di ñu̱xi deje nʉr mundo. Nubbʉ, car Noé bi dyøti ca xquí ma̱n ca Ocja̱. Bi dyøti hnar barco pa gá huete göhtjo co quí familia. Nu cʉ pé dda cja̱hni cʉ mí bbʉjcua jar jöy, masque bi tsjifi te di ncja, jin gá hñeme, ¿cja cierto di ncja‑ca̱? Por eso göhtjo‑cʉ, mí nttzojquitsjɛjʉ gá ndu̱jʉ pʉ jar deje. Nu car Noé bi hñeme ca xquí ma̱n ca Ocja̱, por eso guegue‑ca̱ bi cca̱hti rá zö cja̱ bi un cár vida.

SAN LUCAS 20:16

Da ma du mandado da bböhti. Diguebbʉ ya, pé da jioni pé ddáa cja̱ da döjti guegue‑cʉ cár huerta.― Gue nʉr bbede‑nʉ bi ma̱n car Jesús. Nu cʉ möcja̱ cja̱ co cʉ maestro cʉ mí nxöh car ley, bbʉ mí dyødejʉ nʉr bbede, bi ntzøtijʉ, bbʉ́, cja̱ bi ma̱jmʉ: ―Xa̱jma̱, jin da ncjá ncja ngu̱ ga ma̱ nʉr bbede‑nʉ́.― Bi ma̱jmʉ ncjapʉ porque bi jña̱jʉ ʉr huɛnda, mír tjɛquihui gueguejʉ cʉ mɛfi már nttzo.

2 CORINTIOS 3:7

Ca bbɛto ʉr acuerdo bi ttun car Moisés bbʉ mbú ña̱hui ca Ocja̱ pʉ jar ttøø, cja̱ bi tju̱x pʉ ja me̱do cʉ mandamiento cʉ xquí ma̱n ca Ocja̱. Nu car Moisés, bbʉ mí guadi mí ña̱hui ca Ocja̱, pé bí nzoh cʉ cja̱hni israelita, cja̱ nucʉ, bi cca̱htijʉ, mír ndo juɛx cár jmi car Moisés, hasta mí ti̱ti quí döjʉ. Ddahtzʉ, ddahtzʉ nguá ni̱x ca mír yoti cár jmi. Nu cʉ ley cʉ bú ja̱ car Moisés i xijquijʉ, ca to jin da dyøte göhtjo ca i ma̱m pʉ ja ley, rí ntzöhui da du̱.

GÁLATAS 6:14

Nugö, dí pa̱di, jin te dí mu̱bbe, cja̱ jin dí jongö ja drí tti̱zquigö. Nugö, dí ne pa da tte̱me̱bi cja̱ da tti̱htzibi cam Tzi Jmu̱jʉ Jesús, como guegue bi du̱ pʉ jar ponti. Bbʉ mí du̱‑ca̱, ncjahmʉ dú tu̱gö hne̱je̱. Eso, ya jin dí jongö ca i ña̱ti nʉr mundo, como ya jin gui mportagui. Guejti yʉ cja̱hni yʉ rí ɛn nʉr mundo i cca̱jtigui, ya jin te dí mportagö hne̱je̱.

HEBREOS 7:18

Nuya, dí pa̱dijʉ, ca Ocja̱ ya jin gui bbɛjpiguijʉ gu tɛnijʉ cʉ mandamiento cʉ i cuati pʉ jar ley. Cʉ mandamiento‑cʉ, jin te mí bbʉ ʉ́r ttzɛdi pa di möx yʉ cja̱hni, cja̱ guegue‑cʉ jin gá jiöti di dyøtijʉ.

HEBREOS 7:19

Eso, ca Ocja̱ ya xí ddajquijʉ hnar ddadyo hñu̱, más rá ndo zö. Nuya dí pa̱dijʉ ja ncja da ccʉzquijʉ ca rá nttzo pa da jogui gu cuatijʉ ca Ocja̱, como ya xqui bbʉh ca hnar möcja̱ ca i ña̱hui ca Ocja̱ por rá nguejcöjʉ. Nucá̱, guejtsjɛ cár Tzi Ttʉ ca Ocja̱.