2 CORINTIOS 3:10 - Otomi

¹⁰ Car ley ca bi ttun car Moisés, ya jin gui tti̱htzibi ncja ngu̱ nguá tti̱htzibi má̱hmɛto, como ya jin gui jøña̱‑cá̱ i u̱jtiguijʉ ja i ncja ca Ocja̱, como nuya, ya xí ttajquijʉ nʉr ddadyo acuerdo nʉ más rá ndo zö. Yʉ pa yá, gue nʉr ddadyo acuerdo más i ndo u̱jtiguijʉ ja i ncja ca Ocja̱.

2 CORINTIOS 3:10 Referans Kwoze

2 PEDRO 1:17

Guejtsjɛ car Tzi Ta ji̱tzi bi hñi̱htzibi car Jesús, cja̱ bi u̱jtiguije, mero múr Ttʉ guegue. Ca hnar pa, bbʉ ndár bbʉpje car Jesús pʉ jar ttøø, dú cca̱htije ja ngá juɛx quí da̱jtu̱ co ni cár jmi̱, ncja ngu̱ nʉr jiadi. Dú cca̱htije, hnahño mír ni̱gui. Guejtjo dú øjme ca Ocja̱, cár Tzi Ta, mbí ña̱ pʉ mbo jar ji̱tzi, bi nzojquije, bi ma̱: “Gue nʉm Tzi Ttʉ, i ddaatsjɛ‑nʉ. Dí ndo tzøjø.” Eso, dí pa̱dije, ntjumʉy na̱r palabra na̱ dí xihquije.

APOCALIPSIS 22:5

Ya jin da cja ʉr xu̱y pʉ jar jñi̱ni‑ca̱. Jin da nesta to da tzøqui hnar tzibi o hnar yo, cja̱ jin da nesta car jiadi pa da yoti pʉ, como ca Ocja̱, cam Tzi Jmu̱göjʉ, da yoti cʉ i bbʉh pʉ. Cʉ cja̱hni cʉ xí ndɛnijʉ car Jesucristo da hmʉpjʉ ca Ocja̱, da mföxjʉ cár jmandado göhtjo cʉ cjeya, nim pa jabʉ drí tzöyajʉ.

HECHOS 26:13

Nuquɛ rey, dí xihqui, ndá pa pʉ jar hñu̱, bbʉ mí zʉ ju̱ xadi, cja̱ dú janti hnar tjay más már nti̱ ni ndra ngue nʉr jiadi. Nuca̱ bi hñi̱jquije madé, nugö cja̱ co göhtjo cʉ ndá yobbe.

2 CORINTIOS 3:9

Nu ca Ocja̱ mí cjajpi mí yoti cár jmi car Moisés, pa di fa̱di, cierto güí hñe̱ ji̱tzi cʉ ley cʉ mbá ja̱, cja̱ nucʉ, mí xih cʉ cja̱hni, mí ndu̱jpitejʉ. Nu nʉr evangelio, más i ndo yojmi cár jiahtzi ca Ocja̱, como i xij yʉ cja̱hni ja ncja drí mperdonabi ca rá nttzo ca i tu̱jʉ.

2 CORINTIOS 3:11

Mí nzojquijʉ ca Ocja̱ por rá ngue ca bbɛto ʉr acuerdo ca i tsjifi car ley hasta bbʉ mí ttøti car ddadyo acuerdo. Pe ante que di hñe̱h car Jesucristo, mí ndo tti̱htzibi car ley. Nuya i nzojquijʉ ca Ocja̱ por rá ngue nʉr ddadyo acuerdo nʉ bi ddajquijʉ car Jesucristo cja̱ ya jin da ttajquijʉ péhnaa pa pé da mbödihui. Eso, más i ndo tti̱htzibi car ddadyo acuerdo ni ndra ngue ca bbɛto ʉr acuerdo.