Nuquɛ, Timoteo, ʉm ba̱jtziquigö, dí ddahqui nʉr cargo‑nʉ como ngu̱ gá tsjihqui má̱hmɛto. Gui mbe̱ni ja mí ncja bbʉ mí tti̱xqui pa güi pɛjpi ca Ocja̱. Cʉ hermano cʉ bi nzohqui bi ma̱n cʉ dda palabra cʉ xquí xijmʉ ca Ocja̱. Bi ma̱jmʉ tema bbɛfi güi dyøte. Nuya, gui mbe̱n cʉ palabra cʉ bi xihqui‑cʉ, cja̱ gui zɛdi, gui mpɛh quer bbɛfi. Gui ncja ngu̱ hnar sundado ca i mpɛgui pa da da̱pi quí contra. Gui mbe̱ndi car palabra xcú hñeme, cja̱ gui dyøte ncja ngu gri pa̱di ga ne ca Ocja̱.
1 CORINTIOS 9:7 - Otomi7 Jabʉ gui nú̱ car hñøjø ca da ñʉti gá sundado cja̱ da jiontsjɛ cár raya? Guejti ca to i pɛjpi cʉ uva, ¿cja jin gui jogui da za cʉ uva? Co ni car cja̱hni ca i hñi̱ nda̱ni, ¿cja jin da jogui da zijpi cár bba? Gade chapit la |
1 CORINTIOS 9:7
16 Referans Kwoze
Dí xih cʉ hermano cʉ i mandado, gui födijʉ rá zö cʉ hermano cʉ xcú recibi jer dyɛjʉ, como nucʉ, í tzi dɛti ca Ocja̱‑cʉ. Jin gui föjmʉ jøntsjɛtjo porque xí tsjihquijʉ gui dyøtijʉ‑ca̱. Pe gui nú̱jʉ, göhtjo cor pöjö, pa da tzøh ca Ocja̱. Jin da má ir mʉyjʉ car domi ca da ttahquijʉ, pe gui ungui ir mʉyjʉ gui dyøtijʉ car bbɛfi ncja ngu̱ ga ne ca Ocja̱.
Ya xtú tzöbbe rá ngu̱ cʉm contra, cja̱ co hne̱j yʉ prueba, cja̱ xtú tja̱ja̱ rá zö. Xtú uni ʉm mʉy, xtú øti nʉr bbɛfi xí ddajqui ca Ocja̱, cja̱ ya xtrá cjuajti. Xtú pɛhtzi rá zö nʉ́r mensaje car Jesucristo. Ncja ngu̱ gá xijqui guegue, ncja ngu̱ xtá xij yʉ pé ddaa, cja̱ ya xí ntʉngui nʉ́r tzi palabra ca Ocja̱.
Gui mpɛgui pa gui ta̱pi ca Jin Gui Jo, cja̱ guejtjo pa gui ta̱pi cár voluntad cʉ pé dda cja̱hni, pa da hñe̱me̱ ca Ocja̱. Gui zɛdi pa gui ta̱h car premio ca i ña̱jtiqui ca Ocja̱, gue car nzajqui ca jin da tjegue. Xí nzohqui ca Ocja̱ pa da ddahqui car nzajqui‑ca̱, cja̱ nuquɛ, ya xcú hñe̱me̱. Már ngu̱ cʉ cja̱hni cʉ bi dyøh bbʉ ngú dö quer testimonio, ngú ma̱, ya xi nguí e̱me̱ car Jesucristo cja̱ nguí tɛn‑ca̱.
Piblisite