Efesios 2:9 - Otomi Tenango

⁹ A nu̱ ra̱ ja̱'i̱, hi̱ngui̱ sä da̱ 'yɛ̱na̱ ngue ja tema̱ nho da̱ 'yøt'e ngue da̱ zä di̱ nya̱ni̱. Ja̱na̱ngue hi̱nda̱ zäp'ʉ di 'yɛ̱ts'i̱ da̱ 'yɛ̱na̱ ngue nu̱'a̱ te ra̱ nho øt'e, gue'a̱ di̱ n'ya̱n'a̱.

Efesios 2:9 Referans Kwoze

2 ra̱ Timoteo 1:9

Nu̱na̱ Oja̱ bi ya̱njʉ, 'nɛ̱ bi zonnga̱hʉ ngue ga̱ hɛhmʉ p'ʉ ra̱ nts'o. Ma̱da̱gue'a̱ ngue hi̱nga̱ gä ra̱ nho xtá̱ n'yohʉ, pɛ Oja̱ bi 'yøtra̱ ma̱te bi zonnga̱hʉ ngue da̱ ya̱njʉ. Porque hante ngue di̱ nhohra̱ xi̱mhäi, Oja̱ ya xi zänni̱ ngue da̱ pɛnhna̱ Jesucristo ngue da̱ ya̱njʉ.

Romanos 11:6

¿Ua di ja tema̱ nho bi 'yøtya yø ja̱'i̱ bi huan'na̱ Oja̱ 'mø? Nu̱'a̱, hi̱n'na̱'a̱. Sinoque ra̱ ma̱tetho bi 'yøt Oja̱ ngue bi huanhni̱. Nu̱'mø ngue di ja tema̱ nho xta̱ 'yøtyø ja̱'i̱, ja̱na̱ngue bi huanhni̱, ya hi̱ngrá̱ ma̱tetho bi 'yøt'Oja̱ 'mø.

Romanos 9:16

Ja̱na̱ngue nu̱yá, nu̱na̱ ra̱ nho di u̱n'Oja̱, hi̱nda̱ 'yɛ̱nna̱ ja̱'i̱ ngue bi 'yɛ̱mmɛ̱i̱ bi hyoni̱ ha di di̱nna̱ nho. Porque Oja̱ ya xa̱ nzänni̱ to di huɛ̱qui̱.

Romanos 3:20

Nu̱'a̱ te gä ra̱ nho di̱ ma̱nda ra̱ ley ga̱ 'yo yø judío, hi̱njongui̱ pøni̱ ngue di øt'e. Ja̱na̱ngue nu̱yá, nu̱ to ɛ̱na̱ ngue ga̱ 'yo'a̱ te di̱ ma̱nda ra̱ ley, pɛ hi̱nga̱ gue'a̱ di̱ nya̱nná̱ te'a̱. Porque Oja̱ bi u̱nna̱ ley para ngue ga̱ pa̱hmʉ ngue ja ma̱ ts'oquihʉ.

Romanos 9:11

Pɛ hante ngue da̱ mi̱hya yø ba̱si̱ ya, nu̱na̱ Oja̱, bi xihra̱ Rebeca ngue ra̱ Esaú rá̱ mʉdi da̱ mi̱'a̱. Nu̱na̱ ra̱ Jacob ngue ra̱ zʉxinya̱, di̱ ma̱nda rá̱ n'yohʉ na̱. Ngu̱na̱ nt'ot'i p'ʉ ja ra̱ Ma̱ca̱ Libro ngue bi̱ ma̱n'Oja̱, bi 'yɛ̱na̱: “Da̱di̱ ma̱cä ra̱ Jacob, pɛ ra̱ Esaú, hi̱n da̱di̱ ma̱di̱”. Guehna̱ ra̱ hya̱ bi̱ ma̱n'Oja̱ na̱ya hante da̱ mi̱hyø ba̱si̱. Hi̱nga̱ 'be bi dø'ma̱ Oja̱ ngue di̱ m'mʉhya yø ba̱si̱ para ngue da̱ hnu̱ ndana̱ di̱ n'yo xa̱nho, ndana̱ hi̱ngui̱ 'yo xa̱nho. Ja di̱ nɛ̱qui̱ ua ya ngue ya ma̱m'mɛt'o xpa̱ nzän'na̱ Oja̱ te 'bɛ'a̱ ja ngue di̱ nja m'mɛfa. Hi̱ngue ma̱sque 'bet'o da̱ nu̱ te 'bɛ'a̱ da̱ gohyø ba̱si̱, sinoque nu̱'a̱ te xa̱ nzänni̱ ngue da̱ huanhni̱, gue'a̱ nja'a̱.

Romanos 4:2

Nu̱'mø ngue ra̱ Abraham ja tema̱ nho bi 'yøt'e ja̱na̱ngue Oja̱ bi hojpa̱bi̱ yø ts'oqui, ya säp'ʉ da̱ 'yɛ̱na̱ di 'yɛ̱x'mø. Pɛ pa̱ Oja̱ ngue hi̱ngui̱ sä di 'yɛ̱ts'i̱.