Павелонь сёрмац Ефесу 1:11 - Од Соткс Новый Завет на мордовском-мокша языке 2016

¹¹ Сонь эсонза минь кочкамазь и тейнек аноклазь сембе ся паротнень, конат максовихть Шкайть ломанензонды. Тя ульсь Шкайть инголькиге арьсефонц коряс, Шкайть, кона семботь тиендьсы Эсь мяленц и ладяфонц коряс.

Павелонь сёрмац Ефесу 1:11 Referans Kwoze

Павелонь сёрмац Риму 8:28

А минь содасаськ: сембось шары цебяренди сятненди, кит кельгсазь Шкайть, и конатнень Сон тердезень Эсь мяленц-арьсеманц коряс.

Пёторонь васенце сёрмац 1:4

Шкайть эзда минь учсаськ ся инголькиге аноклаф паршить, кона аф юмай, аф гастяви и аф пужи, и кона тяни кирдеви-ванфтови тейнть менельса.

Павелонь сёрмац Ефесу 1:14

И сяс мес эсонк ули Иняру Ваймопожфсь, минь кемоста содасаськ: сембе ся паротне, конат аноклафт тейнек, улихть максфт, мзярда Шкайсь идесыне ломанензон Эсь иневалдонц шнаманкса.

Павелонь сёрмац Ефесу 3:11

Тя ульсь Шкайть пефтома пингонь арьсефонц коряс, конань Сон пяшкодезе Христос Иисус Азороньконь вельде.

Павелонь сёрмац Ефесу 1:5

Сон Иисус Христость вельде минь инголькиге ладямазь Эстейнза идькс. Тя Сонь пара мялец.

Павелонь сёрмац Галатияв 3:18

Кда Шкайть эзда аноклаф уликс-парось макссеволь койть коряс, эста сон афоль максов надияфтомать коряс. Ина Авраамонди Шкайсь максозе Эсь уликс-паронц надияфтомать коряс.

Еврейхненди сёрмась 6:17

Шкайсь ёрась няфтемс Эсь мялень аф полафнеманц сятненди, кинди ульсь максф надияфтома. Сяс Сон кемокстазе Эсь надияфтоманц варамаса.

Павелонь сёрмац Титонди 3:7

сяс мес Шкайть мялец лувомс минь аф муворукс Эсь пароказненц вельде и мялец максомс тейнек пефтома эряф минь надияманьконь коряс.

Павелонь сёрмац Риму 8:17

А кда минь Шкаень иттяма, эста тейнек максови Сонь надияфтф бславаманц уликс-пароц. Тя козя бславамать уликс-паронц Шкайсь макссы кода Христости, тяфта и тейнек, вдь кда минь Христость мархта маятатама, эста Сонь мархтонза ульхтяма иневалдсонзонга.

Павелонь сёрмац Колоссав 1:12

Кеняртькс потмоса сюконяда Шкай Аляти, кона макссь тейнек сявомс аноклаф казнеть: улеза миньге пяльксоньке Сонь иняру ломанензон ёткса валдонь Оцязорксшиса.

Павелонь сёрмац Колоссав 3:24

Тинь содасать: тейнть максови надияфтф казнесь, кона аноклаф Азорть ломанензонды. Вдь тинь покоттяда Христос Азорть лангс.

Апостолхнень тевсна 26:18

Кучте сельмоснон панжема, шобдать эзда валдти шарфтомост, Сатанать азорксшинц эзда – Шкайти. Мондейне кемамать вельде нолдавихть синь пежесна и максови тейст эсь пялькссна сембе иняруяфнень мархта марса".

Апостолхнень тевсна 20:32

Вов тяни, кемай ялгат, мон каттядязь тинь Шкайти и Сонь пароказнень валонцты, конанди вийс коре сядонга кемокстамс тинь и максомс тейнть сянь, мезе надияфнесь сембонди, кинь иняруяфтозе.

Апостолхнень тевсна 2:23

Сонь, Иисусонь, максозь тинь кядезонт Шкайть арьсефонц коряс и инголькиге содаманц коряс, и тинь коень аф содайхнень кядьснон вельде эськодесть Сонь крёзти, и шавость.

Апостолхнень тевсна 20:27

Вдь мон най азонкшнине тейнть Шкайть марнек мялензон.

Апостолхнень тевсна 4:28

Синь пяшкодезь сянь, мезе Тон инголькиге арьсеть Эсь мяльсот и вийсот.

Пёторонь васенце сёрмац 3:9

Тяда панда кяжть инкса кяжса али сялдомать инкса сялдомаса. Меколанкт, бславасть сянь, кие тинь обжадязь. Тинь содасать: тяфта тиендема тердедязь Шкайсь. Эста Сон тиньге бславатядязь.

Павелонь сёрмац Риму 11:34

Кие шарьхкодезе Азорть ёненц? И кие ульсь Тейнза ёньц путыкс?

Иаковонь сёрмац 2:5

Кулхцондода, кельгома кемай ялгат: дяряй аф масторлангонь ашуфнень Шкайсь кочказень улемс козякс кемамаса и дяряй аф тейст максозе Эсь Оцязорксшинц, конань Сон надияфтозе Эсь кельгиензонды.

Павелонь сёрмац Ефесу 1:8

Тя пароказнеть Шкайсь максозе тейнек апак ужяльтть эрь кодама смузьшинди и шарьхкодеманди.

Апостолхнень тевсна 13:48

Лия тналонь ломаттне тянь кулемста кеняртькшнесть и шназь Азорть валонц, и сембе, кит кочкафтольхть пефтома эряфонди, кармасть кемама.

Павелонь сёрмац Риму 8:29

Нят сят, конатнень Шкайсь инголькиге содазень, мзярда синь нинге ашельхть, и ладязень улемс Сонь Цёранц лаца. Тяфта Сонь Цёрац кармай улема васенцекс ламоц сазорхнень-браттнень ёткса.

Павелонь сёрмац Риму 8:30

И конатнень тянди ладязень Шкайсь, сятнень и тердезень; а конатнень тердезень, сятнень и лувозень видексшинь ломанькс; а конатнень лувозень видексшинь ломанькс, сятненди и казезе Эсь иневалдонц.

Павелонь сёрмац Риму 9:11

Мзярда иттне нинге афи шачендсть и мезевок ашесть кенере тиемс, аф цебярь, аф кальдяв, Шкайсь ни мярьгсь Ревекканди: «Оцюсь кармай ёмлать лангс покодема». Тяфта Шкайсь няфтезе: Сон кочкась Эсь мяльсонза, аньцек тердеманц коряс, аф ломанень тевть коряс.

Павелонь сёрмац Ефесу 1:9

Шкайсь пара мяленц коряс панжезе тейнек Эсь мяленц салавашинц, конань инголькиге путозе-ладязе пяшкодемс Христость эса

Павелонь сёрмац Ефесу 1:18

Катк Сон валдоптсыне тинь шарьхкодемантень сельмонзон, эста тинь няйсасть, кодама ся надиямась, конанди Сон тердедязь, и конашкава козя Сонь иневалдонь аноклафоц иняру ломаттненди,

Павелонь сёрмац Титонди 2:14

Сон максозе прянц инксонк и тяфта идемазь сембе пежетнень эзда, аруяфтомазь и тиемазь минь Эстейнза ломаньтналкс, кона ваймонь путозь ёрай тиемс пара.