Матфей 7:21 - Од Соткс Новый Завет на мордовском-мокша языке 2016

²¹ Аф эрсь, кона корхтай Тейне: "Азор! Азор!", пови Менелень Оцязорксшити, а ся, кона пяшкотькшнесы Менелень Алязень мяленц.

Матфей 7:21 Referans Kwoze

Павелонь сёрмац Риму 2:13

Шкайть инголе видексшинь ломанькс лувовихть аф сят, кит кульсазь койть, а сят, кит сонь пяшкотькшнесазь.

Лука 6:46

«Мес тинь лемнесамасть Монь: "Азор! Азор!" и аф тиендьсасть, мезьс кошярятядязь?

Иаковонь сёрмац 1:22

Тиендеда Шкаень валть коряс, а аф аньцек кулхцонкшнесть сонь кода сят, конат васькафнесазь эсь пряснон.

Лука 11:28

Иисус каршезонза мярьгсь: «Сядонга павазуфт сят, конат кульсазь Шкаень валть и пяшкодьсазь сонь».

Павелонь сёрмац Титонди 1:16

Синь корхтайхть, бта содасазь Шкайть, а эсь тевсост шарфтыхть Эздонза. Синь нильготькст, аф кулхцондыхть и кодамовок пара тевонь тиема аф маштыхть.

Еврейхненди сёрмась 4:6

Сят, конат васенцекс кулезь Пара кулять, ашесть пов тоза аф кулхцондоманкса. Сембе сяка, кие-бди нинге сувави Сонь ваймама вастозонза,

Иоанн 6:40

Кучиезень мялец тяфтама: эрть, кие няйсы Цёрать и кемай Тейнза, сянь ули пефтома эряфоц; и Мон вельмафтса сонь мекольце шиня».

Иоаннонди панчф няйфкс 3:5

Кие сяськи, сянь щасазь акша щамса, и Мон аф нардаса сонь лемонц эрямань книгаста. Мон лувса сонь Монценнекс Алязень и Сонь ангелонзон инголе.

Пёторонь васенце сёрмац 4:2

И сяс лядыкс масторлангонь эряфонц сон ётафтсы аф ломанень визькс мяльхнень-арьсематнень коряс, а Шкайть мяленц коряс.

Еврейхненди сёрмась 13:21

катк аноклатядязь тинь эрь кодама пара тевонди, и тяфта тинь карматада тиендема Сонь мяленц коряс. И катк Сон Иисус Христосонь вельде тисы эсонт сянь, мезе Сонь мялезонза. Улеза Христости иневалда пефтома пингс! Аминь.

Матфей 12:50

Вдь кие пяшкотькшнесы Монь Менелень Алязень мяленц, ся Тейне и брад, и сазор, и тядя».

Иоаннонди панчф няйфкс 22:14

Павазуфт сят, кит ванфтсазь Сонь кошардомвалонзон: тейст мярьгови ярхцамс эряфонь шуфтть имождонза и сувамс ошти ортава.

Иоанн 3:5

Иисус азозе: «Видеста корхтан тейть: кие аф шачи ведьста и Ваймопожфть эзда, ся аф сувави Шкаень Оцязорксшити.

Матфей 18:3

«Видеста корхтан тейнть, кда аф шарфттада Шкайти и аф аратада иттнень лаца, аф сувафтада Менелень Оцязорксшити.

Иоанн 7:17

Кие ёрай тиендемс Сонь мяленц коряс, ся кармай содамонза: Шкайть эзда тя тонафтомась, али Мон Эсьстон корхтан.

Павелонь сёрмац Риму 12:2

Тяда эря стане, кода эряйхть тяни тя масторлангса, но эсь ёнентень-мялентень одкстоптоманц вельде полафтость седиентень. Эста тейнть шарьхкодеви Шкайть мялец: мезсь пара, мезсь Сонь мялезонза и мезсь афсатыксфтома.

Марк 3:35

Кие пяшкотькшнесы Шкайть мяленц, ся Монь брадозе, сазорозе и тядязе».

Павелонь васенце сёрмац Фессалоникав 5:18

сембонкса сюконяда, сяс мес тяфтама Шкайть мялец тейнть, Иисус Христости кемайхненди.

Павелонь сёрмац Ефесу 6:6

Тяфта тиендеда аф аньцек сельме инголе няфтемать инкса, кода ломанень мялень ваныхне, но кода Христость уренза, седи ваксста тиендеда Шкайть мяленц коряс.

Пёторонь васенце сёрмац 2:15

Шкайть мялец тяфтама: тинь, пара тевонь тиендезь, лоткафтолесть аф шарьхкоди ломаттнень ёньфтома корхтамаснон.

Матфей 25:21

Азороц корхтай тейнза: "Пара, тон цебярь покодият и лангозт ули кода надиямс. Тонь лангозт ульсь кода надиямс ёмла тевса, и тяни мон максан тейть сяда оцю тев. Сак азорцень илазонза".

Павелонь васенце сёрмац Фессалоникав 4:3

Шкайть мялец тяфтама: эряледе тинь инярушиса и ванфтолесть прянтень усксевомада.

Павелонь сёрмац Колоссав 4:12

Кучи тейнть пара вал тинцень Епафрасонте. Сон Иисус Христость покодиец, кона эсь озондомасонза апак лотксек вяти тюрема тинь инксонт. Сонь мялец тяфтама: илядоледе тинь афсатыксфтомокс и педа-пес содалесть, мезе Шкайть мяленц коряс.

Лука 13:25

Сай пинге, мзярда кудазорсь стяй и пякстасыне кенкшнень, и эста тинь, уша ширеса ащезь, карматада чакама кенкшти и корхтама: "Азор! Азор! Панчк тейнек!" Но Сон мярьги каршезонт: "Аф содатядязь, китяда и костоннетяда тинь".

Апостолхнень тевсна 14:22

Сембе вастова синь кемокснезь тонафнихнень ваймопожфснон, тонафтозь ванфтомс кемамаснон, корхтасть: «Лама маятама вельде тейнек сувама Шкаень Оцязорксшити».

Лука 18:25

Козя ломанти пяк стака сувамс Шкаень Оцязорксшити, сяда тёждя ишимти ётамс салмокс пиленява».

Марк 9:47

Кьда тонь сельмоце вяттянза пежес, таргак сонь: тейть сяда пара ули фкя сельмоса сувамс Шкайть Оцязорксшизонза, адонь толти кафцьке сельмоса ёрдамать коряс,

Матфей 19:24

И нинге мярьган тейнть: сяда тёждя ишимти ётамс салмокс пиленява, а аф козяти сувамс Шкаень Оцязорксшити».

Матфей 18:35

Тяфта Менелень Алязевок тии мархтонт, кда эрсь эздонт седиге аф нолдасы кемай ялганцты сонь пежензон».

Иоанн 15:23

Кие Монь прокс афолемань няе, ся афолезе няе Алязеньге.

Матфей 26:42

И омбоцеда Иисус аердсь озондома: «Аляй! Кда аф ётафтови вакскан тя маятамань кядьгось, и Тейне эряви сонь симомс, эста катк ули Тонь мяльцень коряс».

Матфей 16:17

Эста Иисус мярьгсь каршезонза: «Павазуват тон, Симон, Ионань цёрац, сяс мес аф ломань тянь панжезе тейть, а Монь Менелень Алязе.

Иоаннонди панчф няйфкс 2:27

Сон кармай ваномост синь кшнинь байдекса и коласыне синь кода сёвонень кядьгонятнень. Тяфтама азорксшись Тейневок максфоль Алязень эзда.

Иоанн 14:7

Кда тинь Монь содасамасть, эста Алязеньге содасасть. Тячиень шиста содасасть Сонь, и няесть Сонь».

Иоанн 5:17

Но Иисус корхтась тейст: «Алязе фалу тевса, стане Монга тевсан».

Матфей 26:39

Иисус аердсь аф ламода шири, прась модать лангс и ушедсь озондома: «Аляй! Кда ули кода, ётафтк маятамань кядьготь Монь вакскан. Аньцек улеза аф Монь, а Тонь мяльцень коряс».

Матфей 18:10

«Ванода, киньге ня ёмлатнень эзда тясть лува аф питникс. Корхтан тейнть, синь ангелсна менельса фалу няйсазь Монь Менелень Алязень шаманц.

Матфей 18:19

И тага мярьган тейнть: кда масторлангса кафттне эздонт фкя мяльса ушедыхть эняльдема мезенксовок, эста мезенкса синь афольхть эняльде, Монь Менелень Алязе сянь макссы тейст.

Матфей 25:10

Мзярс ёньфтомотне якасть ваенкса, сась рьвяяйсь. Стирьхне, конат ульсть анокт васьфтемати, сувасть мархтонза рьвяяма илань ётафтома куду, и кенкшне мельгаст сёлговсть.