Матфей 6:25 - Од Соткс Новый Завет на мордовском-мокша языке 2016

²⁵ «Сяс корхтан тейнть: тяда пичеде эряфонтень инкса: мезьда ярхцамс и симомс; али ронгонтень инкса: мезьса щамс. Эряфсь сяда питни ярхцамбяльть коряс, а ронгсь – щамда питни.

Матфей 6:25 Referans Kwoze

Павелонь сёрмац Филиппав 4:6

Мезеньге колга тяда пичеде, но фалу озондомаса и эняльдемаса, сюконязь панчсесть мялентень Шкайть инголе.

Пёторонь васенце сёрмац 5:7

Сембе пичефксонтень веляфтость лангозонза, сяс мес Сон пичеди-канзеди тинь инксонт.

Павелонь сёрмац Риму 8:32

Шкайсь, кона ашезе ужяльде Эсь Цёранц, а максозе Сонь куломас минь сембонь инксонк, дяряй аф макссы тейнек Сонь мархтонза семботь лиятьке?

Матфей 6:31

Сяс тяда пичеде и тяда корхта: "Мезьда ярхцамс?" али "Мезьда симомс?" али "Мезе щамс?"

Марк 4:19

но эрь шинь тефне, козякодомати прафтомась и лия тевонь кувалма мяльхне сувайхть потмозост и опаптсазь валть, и валсь аф канды раштафкс.

Матфей 10:19

Но мзярда тинь вяттядязь судс, тяда пичеде, кода и мезе корхтамс; ся пингоня тейнть максови, мезе азомс,

Павелонь васенце сёрмац Коринфу 7:32

Монь мялезе: афоледе лажна-пичеде стакащемда. Аф рьвяяфсь лажнай Азоронь тефнень колга, кода ваномс Азорть мяленц,

Матфей 6:34

Тяфта, тяда пичеде вандыень шить инкса, вандысь эсь инксонза пичеди. Эрь шить сонцень пичефксонза».

Павелонь омбоце сёрмац Тимофеенди 2:4

Кодамовок ушманць аф сотнесы эсь прянц кудъётконь эрямань-ащемань тевса, сяс мес ёрай тумс сянь мяльс, кие сонь сиводезе ушманкс.

Лука 8:14

Сялги тишес прафне, нят сят, кит кульсазь валть, но пингонь ётазь эрь шинь тефне, ярмаконь и топоцьта эряфонь мельге панцемась опаптсазь валть и сон аф максы раштафкс.

Матфей 13:22

А сялги тишетнень ёткс видеф видьмось тя ся, кие кульсы валть, но эряфонь тефне и козяшити прафтомась опапнесазь валть, и сон аф канды раштафкс.

Лука 12:11

Мзярда тинь вяттядязь синагогас, оцюнятненди и прятненди, тяда пичедь, кода араламс пря и мезе корхтамс.

Марк 13:11

Мзярда ина вяттядязь тинь судс, инголькиге тяда пичедь, мезе тейнть корхтамс. Мезе ули максф тейнть ся пингоня, сянь и корхтасть: сяс мес аф тинь карматада корхтама, а Иняру Ваймопожфсь.