Матфей 6:13 - Од Соткс Новый Завет на мордовском-мокша языке 2016

¹³ Тямасть вятфне варчсемас, но Кальдявть эзда идемасть. Вдь Тоннет – Оцязорксшись, вийсь и иневалдсь пефтома пингс. Аминь.

Матфей 6:13 Referans Kwoze

Павелонь васенце сёрмац Коринфу 10:13

Сембе варчсематне, конат прайхть лангозонт, сембе синь ломанти кирдевомшкат. Шкайсь кирдьсы валонц: Сон мзярдонга аф нолдай лангозонт стама варчсемат, конат улельхть тейнть аф вийс коре. Тяконь лаца эрь варчсемаса Сон няфти лисема васта и максы вий сонь кирдемс.

Иоанн 17:15

Эняльдян Тейть аф сявомс синь масторлангста, а ванфтомс синь кальдявда.

Матфей 26:41

Тяда уда, озондода: варчсемстонт афоледе пра пежес. Ваймось анок паронь тиемс, а ронгсь лафча».

Иоаннонди панчф няйфкс 19:1

Тяда меле мон кулень кайги вайгяль, бта пяк лама ломань морась менельса: «Аллилуйя! Идемась, шнамась, пара лувкссь и вийсь минь Азороньконди,

Павелонь омбоце сёрмац Фессалоникав 3:3

Но Азорть лангс ули кода надиямс: Сон кемокстатядязь и ванфттядязь тинь Кальдявть эзда.

Матфей 6:10

Катк сай Тонь Оцязорксшице; катк ули Тонь мяльцень коряс модалангсовок, кода менельса;

Пёторонь омбоце сёрмац 2:9

Тя сембось няфнесы: Азорсь содасы, кода идемс Шкайда пели ломаттнень сталмотнень-варчсематнень эзда, а коень колсихнень кирдемс судонь шить самс наказаманди,

Павелонь васенце сёрмац Фессалоникав 1:10

и учемонза менельста Сонь Цёранц – Иисусонь, конань Сон вельмафтозе кулофста и кона идесамазь минь Шкайть сай кяженц эзда.

Иоаннонди панчф няйфкс 21:4

Сон нардасы синь сельмостост эрь сельмоведнять: аф ули ни кулома, аф ули оду ризф, аф авардемат, аф сярятьф, сяс мес ингольденнесь сембось тусь».

Иоаннонди панчф няйфкс 3:10

Тон ванфтыть монь кошардомазень улемс кирдикс, сяс монга карман ванфтомот тонь варчсемань-маятамань пингста, кона шашты марнек масторть лангс и кармай варчсемост-маятафтомост модалангонь сембе эряйхнень.

Иоаннонь васенце сёрмац 3:8

А кие тиенди пеже, ся идемэвозть эзда, сяс мес идемэвозсь ушетксстокиге тиенди пеже. Сянкса и сась Шкаень Цёрась: машфтомс идемэвозть тевонзон.

Пёторонь васенце сёрмац 5:8

Уледа сргозьфт и фалу анокт, сяс мес тинь душманонте, идемэвозсь, якай вакссонт, кода уркоды лев, кона вешенди кинь сивомс.

Павелонь сёрмац Галатияв 1:4

Сон максозе Эсь прянц минь пеженьконь инкса, сяс мес Сонь мялец идемс минь кяжи вийть эзда, кона азорондай тяни масторлангса. Тя ульсь Шкайть, минь Аляньконь, мяленц коряс,

Павелонь омбоце сёрмац Коринфу 1:20

и мзяра надияфтомада афоль макса Шкайсь, эрсь эздост пяшкодевсь Христосса. Вов мес минь Христосса, Шкайть шнаманкса, корхтатама «аминь, тяфта ули!»

Иоаннонди панчф няйфкс 2:10

Тят пеле сянь эзда, мезе тейть сави кирдемс. Ламотнень эздонт идемэвозсь ёрдасыне пякстамгуду. Тя ули тейнть кемамань варжамакс. Кемонь шит кармайхть люпштама эсонт, но сяка, тяк кадонда кемамацень, кда мянь сави куломс. И эста, кода сяськити, Мон максса тейть эряфонь каштазть.

Иоаннонди панчф няйфкс 1:18

Мон – эряфонь канды лихтибрян. Мон улень кулоф, и тяни шисан и карман эряма пефтома пингс. Монь кядьсон адонь и куломань панжематне.

Матфей 5:37

Кда мяленте мярьгомс "тяфта", мярьгода – "тяфта", кда мяленте мярьгомс "аф", мярьгода – "аф". А мезе лия тянди поладови – ся Кальдявть эзда».

Павелонь васенце сёрмац Коринфу 14:16

Кда тон азат сюконяма Шкайти аньцек эсь ваймопожфсот, эста кода ломанць, конань аш лия кяльхнень панчсемань казнец, мярьги «афкукс тяфта!» тонь валхнень каршес? Вдь сон аф шарьхкоди, мезе тон корхтат!

Матфей 28:20

Тонафтость синь ванфтомс семботь, мезе Мон мярьгонь тейнть. Содасть, Мон улян мархтонт сембе шитнень, пингть пенц самс». Аминь.

Иоаннонди панчф няйфкс 19:4

Эста комсь нилие атятне и ниле эряй ваймотне прасть и сюконясть Шкайти, кона озаф оцязоронь озама вастсонза, и мярьгсть: «Аминь! Аллилуйя!»

Иоаннонди панчф няйфкс 5:13

И мон кулине, кода эрь тифсь менельса, модать лангса, модать ала и оцюведьса – сембось, мезе ули синь эсост, морась: «Оцязоронь вастса Озадоти и Верозти улеза бславама и пара лувкс, шнама и азорксши пефтома пингс!»

Иоаннонди панчф няйфкс 3:14

«Лаодикиянь кемаень пуромксть ангелонцты сёрматт: "Вов мезе корхтай Аминь, валонь кирди и виде азондысь, конань вельде Шкайсь тиезе семботь:

Еврейхненди сёрмась 11:36

Лиятне кирдсть эсь лангсост сялдомат и локшеса пикссемат, и кирдсть мянь цинзерса и пякстамгудса улема.

Павелонь васенце сёрмац Тимофеенди 1:17

Пефтома пингонь Оцязорти, аф кулыти, аф няевити, фкя тяка смузю Шкайти – шнама и иневалда пефтома пингс! Аминь.