Матфей 5:17 - Од Соткс Новый Завет на мордовском-мокша языке 2016

¹⁷ «Тяда арьсе, бта Мон сань койть али пророкнень сёрматфснон колама; аф коламост сань, а пяшкодемост.

Матфей 5:17 Referans Kwoze

Павелонь сёрмац Риму 10:4

А вдь Христос педа-пес пяшкодезе койть, сяс тяни эрсь, кие кемай Тейнза, ули лувф видексшинь ломанькс Шкайть инголе.

Лука 16:17

Но койста аф юмай фкявок китькскяське, сяда курок юмайхть менельсь и модась.

Павелонь сёрмац Риму 8:4

Сон тянь тиезе: пяшкодевольхть коень виде вешфксне минь эсонк, конат эряйхть Ваймопожфть коряс, а аф колаф обуцятнень коряс.

Павелонь сёрмац Риму 3:31

Тяшкава вяри кемамать путомста минь аф машфнесаськ койть? Ёфси аф. Минь тянь вельде кемокснесаськ койть.

Матфей 7:12

Тяфта, сембоса тиендеда ломаттнень мархта стане, кода мяленте синь тиендельхть мархтонт. Тяса койть и пророкнень тонафтомаснон смузьсна».

Матфей 3:15

Но Иисус каршезонза мярьгсь: «Катк тяни ули тяфта; тейнек эряви тиемс ся, мезе ёрай эздонк Шкайсь». Эста Иоанн тяфта и тись.

Апостолхнень тевсна 18:13

Синь корхтасть: «Тя ломанць тонафты лувомонза Шкайть аф минь коеньконь коряс».

Апостолхнень тевсна 6:13

И вятсть васькафни ломатть, конат корхтасть: «Тя ломанць апак лотксек сялдсы тя иняру Шкаень кудть и койть.

Иоанн 8:5

а Моисей койсонза мярьгсь тейнек шавондомс тяфтапнень кевса: Тон мезе азат?»

Апостолхнень тевсна 21:28

«Израилень ломатть, лездода! – юватькшнесть синь. – Вов тя алясь, кона эрь вастова тофнесыне сембонь молемс минь ломаньтналоньконь, коеньконь и тя вастть каршес. А тяни сон нльне вятсь Шкаень куду грект и тянь вельде гастязе тя иняру вастть!»