Матфей 5:15 - Од Соткс Новый Завет на мордовском-мокша языке 2016

¹⁵ Мзярда крьвяснесазь штатолть, сонь аф кяшендьсазь кядьгоня алу, а путнесазь штатолонь кирдемас – и сон кудса сембонди валдопты.

Матфей 5:15 Referans Kwoze

Марк 4:21

Нинге Иисус мярьгсь тейст: «Мзярда сувафтыхть штатол, дяряй сонь путнесазь кядьгоня алу али аксялу? Меколанкт, сонь путнесазь штатолонь кирдемас.

Лука 11:33

«Кивок крьвястьф штатолть аф путсы аксялу и аф вельхтясы кядьгоняса, а путсы штатолонь кирдемас, няелезь сувайхне валдонц.

Лука 8:16

«Крьвястьф штатолть кивок аф вельхнесы кядьгоса, афи путсы удома вастть алу, а путсы сонь штатолонь кирдемас, няевоза валдоц сувайхненди.

Лука 11:36

Улендяряй ронгце пяшксе валдта и аф ули эсот мезевок шобда, эста тон марнек кармат вандолдома, кода валдоптолензе эсь вандолфсонза штатолсь».

Павелонь сёрмац Филиппав 2:15

Эста тинь ульхтяда аф муворукс и арукс, Шкаень афсатыксфтома идькс, конат эряйхть тяниень пингонь гастяф и виде киста шарфтф ломаттнень ёткса. Тинь валдопттада синь ётксост кода менелень тяштть,

Еврейхненди сёрмась 9:2

Тя вастокс ульсь иняру кошсь. Сонь ингольдень пялькссонза ащесть валдоптомань кирдемась, шрась и Шкайть инголи путф кшись. Тя пялькссь лемневсь «иняру».

Иоаннонди панчф няйфкс 2:5

Лятфтак ина, кодамкс тон улеть прамдот инголе. Аертт пежетнень эзда и мрдак васень тефненди. Но кда аф аердат, Мон саян тейть и шашфтса валдоптомань кирдемацень вастстонза.